ຍ້ອນມີການຍົກຍ້າຍໄປຂະ ແໜງການອື່ນ. ສາມ, ຍ້ອນອັດຕາການສູນເສຍຄູໃນແຕ່ລະປີ ເພີ່ມຂຶ້ນສູງ ແລະ ໂກຕາທີ່ໄດ້ຮັບມີຈໍານວນໜ້ອຍ ຊຶ່ງນັບແຕ່ ປີ 2022-2024 ແຕ່ອັດຕາສູນເສຍແມ່ນ 159 ຄົນ, ສ່ວນໂກຕາທີ່ໄດ້ຮັບ ມີພຽງແຕ່ປີລະ 6 ໂກຕາ ລວມແລ້ວໄດ້ພຽງແຕ່ 18 ທຶນ ແລະ ສີ່, ຍ້ອນການເຄື່ອນຍ້າຍຂອງຄູ ຈາກເຂດຫ່າງໄກສອກຫຼີກ ເຂົ້າມາໃນຕົວເມືອງ ເຮັດໃຫ້ຄູໃນເມືອງພຽງພໍ ແຕ່ຄູ ເຂດຫ່າງໄກສອກຫຼີກ ບໍ່ພຽງພໍ.
ສ່ວນວິທີແກ້ໄຂບັນຫາການຂາດຄູສອນ, ທ່ານ ອຸດົມສິນ ສີຊານົນ ໄດ້ກ່າວຕື່ມວ່າ: ທາງພະແນກສຶກສາທິການ ແລະ ກິລາ ແຂວງ ກໍຄືຫ້ອງການສຶກສາທິການ ແລະ ກິ ລາເມືອງ ໄດ້ມີການສ້າງຕັ້ງກຸ່ມໂຮງຮຽນ ເພື່ອໃຫ້ຄູໃນກູ່ມໂຮງຮຽນນັ້ນ ໄດ້ມີການແລກປ່ຽນ ແລະ ໄປສິດສອນ ຊ່ວຍກັນ. ສໍາລັບຊັ້ນມັດທະຍົມສຶກສາ ຜູ້ທີ່ສອນບໍ່ຄົບຕາມຈໍານວນຊົ່ວໂມງສອນທີ່ກໍານົດໄວ້ ແມ່ນໃຫ້ສອນວິຊາອື່ນຕື່ມທີ່ສາມາດສອນໄດ້, ໄດ້ມີການຮັບຄູຝຶກຫັດຈາກວິທະຍາໄລຄູປາກເຊ ມາຝຶກງານໃນໄລຍະ 6 ເດືອນ, ຄູ ໃໝ່ ແມ່ນບັນຈຸໃນບ່ອນທີ່ຂາດຄູ ໂດຍສະເພາະເຂດຫ່າງໄກສອກຫຼີກ, ເຂດຊາຍແດນ, ໂຮງຮຽນທີ່ມີການສອນຫ້ອງຄວບ ແລະ ສອດຄ່ອງກັບຄວາມຕ້ອງການຕົວຈິງໃນແຕ່ລະຊັ້ນ. ສາຍ ແລະ ລາຍວິຊາ, ຄວບຄຸມການຍົກຍ້າຍ ລັດຖະກອນຄູ ຢູ່ເຂດຫ່າງໄກສອກຫຼີກ ເຂົ້າສູ່ຕົວເມືອງ ຫຼື ຍົກຍ້າຍເປັນລັດຖະກອນບໍລິຫານ ລວມທັງການຍົກຍ້າຍໄປຂະແໜງການອື່ນ, ຮັບເອົາຄູອາສາຈໍານວນໜຶ່ງ ເພື່ອໄປສອນໃນໂຮງຮຽນທີ່ມີການສອນຫ້ອງຄວບ 3, ຄວບ 4 ແລະ ເຂດຫ່າງໄກ. ສ່ວນການແກ້ໄຂບັນຫາຂາດແຄນຄູສອນ ເພື່ອຫັນໄປເປັນກໍາລັງທະຫານແຂວງ ຈະມີ 2 ເງື່ອນໄຂຄື: ໜຶ່ງ, ຖ້າເອົາກໍາລັງທະຫານທີ່ຈົບ ມຕ, ມປ ຫຼື ຈົບຫຼັກສູດການທະຫານມາສອນ ຈະພົບຄວາມຫຍຸ້ງຍາກ ເພາະວ່າບໍ່ໄດ້ຜ່ານຫຼັກສູດວິຊາຄູ ເຊັ່ນ: ຄວາມເຂົ້າໃຈກ່ຽວກັບຫຼັກສູດການຮຽນ-ການສອນ, ເທັກນິກການສຶດສອນ ຫຼື ວິທີການສົ່ງຄວາມຮູ້ ເພາະວ່າປັດຈຸບັນນີ້ ເປັນການຮຽນ-ການສອນ ທີ່ໃຊ້ຫຼັກສູດໃໝ່ຂອງກະຊວງສຶກສາ ຂະໜາດຄູອາຈານທີ່ຜ່ານວິຊາຄູຍັງມີຄວາມຫຍູ້ງຍາກ. ສອງ, ຖ້າເອົາພະນັກງານສຶກສາທີ່ຜ່ານຫຼັກສູດວິຊາຄູໄປເຂົ້າໃນໂກຕາລັດຖະກອນຂອງທະຫານແລ້ວໄປສິດສອນ ຕາມໂຮງຮຽນທີ່ຂາດແຄນຄູ ໂຕນີ້ແມ່ນເປັນໄປໄດ້ສູງ.
ສໍາລັບການຄົ້ນຄວ້າ, ເກັບກໍາຂໍ້ມູນ ແລະ ການແກ້ໄຂບັນຫາຂາດແຄນຄູສອນ ໃນສົກ 2024-2025 ທົ່ວແຂວງ ມີຄວາມຕ້ອງການຄູສອນ ທັງໝົດ 61 ຄົນ. ໃນນີ້, ຄູອະນຸບານ 7 ຄົນ, ຄູປະຖົມ 42 ຄົນ, ຄູມັດທະຍົມ 12 ຄົນ.
(ຂ່າວ: ມະນີວອນ)
ຄໍາເຫັນ