 |
ທ່ານ ອຸດອນ ສະກຸນທອງ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ ໃຫ້ຮູ້ວ່າ: ເຄື່ອງທີ່ນຳມາມອບໃນຄັ້ງນີ້ ມີອຸປະກອນຮັບໃຊ້ດ້ານສວນຄົວເຊັ່ນ: ຈັກດູດນໍ້າ, ທໍ່ສົ່ງນໍ້າ,ສາຍໄຟ, ຈົກ, ຊວ້ານ, ບົວຫົດຜັກ, ແກ່ນຜັກ. ນອກຈາກນັ້ນ, ຍັງມີເຄື່ອງໃຊ້ ແລະ ອາຫານສຳເລັດຮູບ ຈຳນວນໜຶ່ງ: ເຊັ່ນ: ມຸ້ງ, ສາດ, ເຄື່ອງນຸ່ງຫົ່ມ, ຫມີ່, ປາກະປ່ອງ ແລະ ອື່ນໆ ລວມມູນຄ່າ 23 ລ້ານກວ່າກີບ. ທືນດັ່ງກ່າວ, ແມ່ນໄດ້ມາຈາກກອງທືນ ຊ່ວຍເຫຼືອນັກຮຽນທຸກຍາກ ຂອງເມືອງ. ຊຶ່ງມີໂຮງຮຽນ ອານຸບານ, ປະຖົມ ແລະ ມັດທະຍົມ ທີ່ໄດ້ຮັບເຄື່ອງຊ່ວຍເຫຼືອ ມີທັງໜົດ 9 ແຫ່ງ. ໃຫ້ກຽດມອບໂດຍ ທ່ານ ທອງພັນ ສຸກສະຫວັດ ແລະ ຮັບໂດຍ ທ່ານ ບຸນທຳ ແກ້ວມະນີ ອໍານວຍການໂຮງຮຽນມັດທະຍົມສົມບູນບ້ານທອງ ຕາງໜ້າແກ່ຜູ້ອໍານວຍການໂຮງຮຽນ ອານຸບານ, ປະຖົມ ແລະ ມັດທະຍົມ ທັງ 9 ແຫ່ງ.
ທັງຫມົດນີ້, ກໍເພື່ອເປັນການສົ່ງເສີມ ພັດທະນາວຽກງານການສຶກສາ, ກໍຄືວຽກງານພັດທະນາຊັບພະຍາກອນມະນຸດ ກໍຄືການສົ່ງເສີມການຈັດຕັ້ງປະຕິບັດກິດຈະກໍາ ແຜນວຽກ ປະຈໍາວັນ, ອາທິດ ແລະ ເດືອນ ຂອງໂຮງຮຽນ ເປັນຕົ້ນກໍແມ່ນ: ດ້ານການຮັກສາສິ່ງແວດລ້ອມ, ການປູກຕົ້ນໄມ້, ການເຮັດສວນຄົວ, ການປູກ- ການລ້ຽງສັດ ແລະ ອື່ນໆ.
(ຂ່າວ: ອິນແປງ ແຫວນຄຳ)
ຄໍາເຫັນ