ຢູ່ທີ່ຫ້ອງປະຊຸມພະແນກດັ່ງກ່າວ ໂດຍການເປັນປະທານຂອງທ່ານ ພົຈວ ບົວພັນ ອິນທະປັນຍາ ຮອງເລຂາພັກແຂວງ ຜູ້ຊີ້ນຳວຽກງານພັກ-ພະນັກງານ, ທ່ານ ພຸດ ອິນທະວົງ ຫົວໜ້າພະແນກກະສິກຳ ແລະ ປ່າໄມ້ແຂວງ ພ້ອມດ້ວຍບັນດາພະແນກການ, ອົງການ, ກົມກອງ ແລະ ຮອງເຈົ້າເມືອງອະນຸວົງເຂົ້າຮ່ວມ.
ໃນພິທີ ໄດ້ຮັບຟັງການຜ່ານຂໍ້ຕົກລົງວ່າດ້ວຍການຍົກຍ້າຍ ແລະ ແຕ່ງຕັ້ງພະນັກງານນຳພາ-ຄຸ້ມຄອງ ເຫັນດີຍົກຍ້າຍທ່ານ ພຸດ ອິນທະວົງ ຫົວໜ້າພະແນກກະສິກຳ ແລະ ປ່າໄມ້ແຂວງ ໄປຮັບໜ້າທີ່ໃໝ່ຢູ່ກະຊວງກະສິກຳ ແລະ ປ່າໄມ້, ເຫັນດີແຕ່ງຕັ້ງທ່ານ ບຸນທອນ ປັນແກ້ວ ເປັນຮັກສາການ ຫົວໜ້າພະແນກກະສິກຳ ແລະ ປ່າໄມ້ ແຂວງໄຊສົມບູນ ແລະ ໄດ້ຜ່ານຂໍ້ຕົກລົງວ່າດ້ວຍ ການອະນຸມັດໃຫ້ລັດຖະກອນ ຮັບອຸດໜູນບຳນານ, ອະນຸມັດໃຫ້ທ່ານ ອຸໃດ ດວງມີໄຊ ຮອງຫົວໜ້າພະແນກກະສິກຳ ແລະ ປ່າໄມ້ ອອກພັກການ-ຮັບອຸດໜູນບຳນານ. ຈາກນັ້ນ ຫົວໜ້າພະແນກກະສິກຳ ແລະ ປ່າໄມ້ ຜູ້ເກົ່າ ໄດ້ຂຶ້ນກ່າວມອບໜ້າທີ່ວຽກງານ ແລະ ໄດ້ເຊັນບົດບັນທຶກມອບ-ຮັບ ໜ້າທີ່ວຽກງານ ຫົົວໜ້າພະແນກກະສິກຳ ແລະ ປ່າໄມ້ ລະຫວ່າງຜູ້ເກົ່າ ແລະ ຜູ້ໃໝ່ ຢ່າງເປັນທາງການ.
(ຂ່າວ: ສີລິພອນ ສົງຄຳ)
ຄໍາເຫັນ