 |
ທ່ານ ສີເຮັງ ຫອມສົມບັດ ໄດ້ກ່າວວ່າ: ພາຫະນະ ແລະ ອຸປະກອນ ທີ່ນຳມາມອບໃນຄັ້ງນີ້, ສະແດງໃຫ້ເຫັນເຖີງຄວາມເຂົ້າໃຈໃສ່ຂອງຄະນະກຳມະການເລືອກຕັ້ງຂັ້ນແຂວງ, ຄວາມສຳຄັນຕໍ່ກັບວຽກງານດັ່ງກ່າວ ເພື່ອຮັບໃຊ້ເຂົ້າໃນວຽກງານເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະມາຊີກສະພາປະຊາຊົນແຂວງ ຊຸດທີ V ມີຄວາມສະດວກ, ວ່ອງໄວ, ທັນສະໄໝ ເພື່ອຮັບປະກັນໃຫ້ແກ່ການປະຕິບັດວຽກງານມີປະສິດພາບ. ທັງໄດ້ເນັ້ນໃຫ້ເອົາໃຈໃສ່ໃນການນຳໃຊ້ໃຫ້ຖືກເປົ້າໝາຍ ແລະ ຄຸ້ມຄອງຮັກສາ.ພາຍຫຼັງສຳເລັດບັ້ນເລືອກຕັ້ງໃນຊຸດນີ້, ແມ່ນມອບໃຫ້ຫ້ອງການສະພາ ປະຈຳໃນແຕ່ລະເມືອງ ເພື່ອສືບຕໍ່ນຳໃຊ້ເຂົ້າໃນວຽກງານ ໃນຕໍ່ໜ້າ.
ພາຫະນະ ແລະ ອຸປະກອນຈຳນວນດັ່ງກາວ ປະກອບມີ: ລົດຈັກເວັບ 110 ຈຳນວນ 8 ຄັນ ມູນຄ່າ 276 ລ້ານກີບ, ຄອມພີວເຕີຕັ້ງໂຕະ ຈຳນວນ 16 ເຄື່ອງ ມູນຄ່າ 203,200,000 ກີບ, ປີ່ນເຕີ ຈຳນວນ 8 ເຄື່ອງ ມູນຄ່າ 32 ລ້ານກີບ ລວມມູນຄ່າທັງໝົດ 511 ລ້ານກວ່າກີບ. ເຊີ່ງໄດ້ມອບໃຫ້ 8 ເມືອງ ປະກອບມີ: ລົດຈັກ 1 ຄັນ, ຄອມພີວເຕີຕັ້ງໂຕະ 2 ຊຸດ ແລະ ປີ່ນເຕີ 1 ເຄືອງ ໃຫ້ແຕ່ລະເມືອງຄື: ເມືອງສາລະວັນ, ຄົງເຊໂດນ, ລະຄອນເພັງ, ເລົ່າງາມ, ວາປີ, ຕຸ້ມລານ, ຕະໂອ້ຍ ແລະ ເມືອງສະໝ້ວຍ.
(ຂ່າວ-ພາບ: ວິໄລວອນ ສິດທິໄຊ)
ຄໍາເຫັນ