ມອບ-ຮັບໂຄງການພັດທະນາຊີວິດການເປັນຢູ່ຂອງປະຊາຊົນປັບຕົວຕໍ່ກັບການປ່ຽນແປງດິນຟ້າອາກາດ

ທ່ານ ສຽງພິນບຸນມີອາໄພຜູ້ປະສານງານໂຄງການໄດ້ລາຍງານການຈັດຕັ້ງປະຕິບັດໂຄງການສ້າງຄວາມເຂັ້ມແຂງ ແລະພັດທະນາຊີວິດການເປັນຢູ່ຂອງຊຸມຊົນໃນການປັບຕົວປ່ຽນແປງສະພາບດິນຟ້າອາກາດບ້ານຕາລິ່ງເມືອງບໍ່ແຕນ ແຂວງໄຊຍະບູລີໃຫ້ຮູ້ວ່າ: ໂຄງການດັ່ງກ່າວເພື່ອສົ່ງເສີມ,ພັດທະນາໃຫ້ຊຸມຊົນມີຊີວິດການເປັນຢູ່ໃຫ້ດີຂຶ້ນ, ພ້ອມທັງເປັນການອານຸລັກຮັກສາຊັບພະຍາກອນປ່າໄມ້,ສັດປ່າສະຫງວນຢູ່ຂອບເຂດຕົ້ນແມ່ນ້ຳໃຫ້ມີໂອກາດຂະຫຍາຍພັນເພີ່ມຂຶ້ນ,ລວມໄປເຖິງຄວາມຫຼາກຫຼາຍທາງດ້ານຊີວະນາໆພັນ,ພຶດ ແລະສັດໃນທ້ອງຖິ່ນໃຫ້ອຸດົມສົມບຸນຂຶ້ນກ່ວາເກົ່າແລະຍືນຍົງຕະລອດໄປ; ໂຄງການນີ້ແມ່ນໄດ້ຮັບການສະໜັບສະໜູນຫຼັກຈາກກອງທຶນປົກປັກຮັກສາສິ່ງແວດລ້ອມໂລກແຜນງານໂຄງການຂະໜາດນ້ອຍປະຈຳສປປລາວ(SGP,GEF)ໂດຍໄດ້ຈັດຕັ້ງປະຕິບັດກິດຈະກຳຕ່າງໆໃນໄລຍະເວລາ 18 ເດືອນເຊິ່ງເລີ່ມມາແຕ່ຕົ້ນເດືອນມີຖຸນາ 2025ແລະ ຈະສິ້ນສຸດໃນທ້າຍເດືອນມິຖຸນາ 2026; ໂຄງການດັ່ງກ່າວແມ່ນມີຈຸດປະສົງຫຼັກໃນການອານຸລັກຊັບພະຍາກອນປ່າໄມ້, ປ່າແຫຼ່ງນ້ໍາ(ປ່າຕົ້ນນໍ້າ),ຍົກລະດັບຄວາມສາມາດໃນການນຳໃຊ້ຊັບພະຍາກອນນ້ຳເພື່ອຜົນປະໂຫຍດຂອງຊຸມຊົນ ແລະເສີມສ້າງຄວາມເຂັມແຂງໃຫ້ແກ່ຊຸມຊົນ ຜ່ານການຈັດຕັງປະຕິບັດໂຄງການສາມາດດຳເນີນການໂດຍໄດ້ຮັບການຮ່ວມມືຢ່າງພ້ອມພຽງທາງພາກລັດ, ອົງການຈັດຕັ້ງບ້ານ ແລະຊຸມຊົນໃນການຈັດຕັ້ງປະຕິບັດໂດຍມີເປົ້າໝາຍພື້ນຖານ ແລະຕອບສະໜອງຄວາມຮຽກຮ້ອງຕ້ອງການຂອງຊຸມຊົນຈົນນຳໄປສູ່ໝາກຜົນແຫ່ງຄວາມສຳເລັດຂອງໂຄງການ ໃນຫຼາຍດ້ານທີ່ສະແດງອອກໃນກິດຈະກຳຕ່າງໆເປັນຕົນແມ່ນມອບເງິນເຂົ້າບັນຊີຈຳນວນ 33,300,000ກີບເພື່ອສ້າງກອງທຶນບ້ານ,ສ້າງລະບຽບກອງທຶນສົ່ງເສີມເສດຖະກິດຄອບຄົວແລະແມ່ຍິງ,ຝຶກອົບຮົມໃຫ້ຄວາມຮູ້ ແກ່ຊຸມຊົນ,ສົງເສີມເຕັກນິກໃຫ້ຄວາມຮູ້ແກ່ຊຸມຊົນໃນການປ້ອງກັນ ແລະປິ່ນປົວພະຍາດສັດລ້ຽງແລະສະໜອງງົບປະມານກອງໃຫ້ທຶນຈຳນວນ 22,000,000ກີບ,ໃຫ້ຄວາມຮູ້ທາງດ້ານເຕັກນິກແລະສົ່ງເສີມການປູກໝາກຂາມຫວານ,ຂະຫຍາຍເສັ້ນທາງໃນການສັນຈອນໃນເຂດການຜະລິດ,ສ້າງລະບຽບການຄຸ້ມຄອງ ແລະບໍລິຫານຝາຍກັກເກັບນ້ຳແລະ ເດີນສຳຫຼວດປະເມີນພື້ນທີ່ປ່າຕົ້ນນ້ຳເພື່ອເປັນຂ້ໍມູນລາຍງານແລະສ້າງແຜນອານຸລັກຊັບພະຍາກອນ ປ່າໄມ້,ສັດນ້ຳ ແລະສັດປ່າ.

ໂຄງການນີ້ໄດ້ຮັບທຶນການການດຳເນີນງານຈາກກອງທຶນ ປົກປັກຮັກສາສິ່ງແວດລ້ອມໂລກແຜນງານໂຄງການຂະໜາດນ້ອຍໃນມູນຄ່າທັງໝົດ15,400 ໂດລາ ແລະມີການກຳນົດເວລາໃນການຈັດຕັ້ງປະຕິບັດເລີ່ມແຕ່ເດືອນມິຖຸນາ 2025 ແລະສິ້ນສຸດເມື່ອບໍ່ດົນມານີ້.

ຂ່າວ:ສາຍຄຳ ບຸນຍາວົງ