ສະຫາຍ ທະວີສັກ ໄຊຍະວົງ ເລຂາຄະນະບໍລິຫານງານພັກເມືອງຜູ້ເກົ່າ ໄດ້ຂຶ້ນຜ່ານບົດລາຍງານຫຍໍ້ການຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາ ຊຶ່ງໄດ້ນໍາພາສ້າງແຜນດໍາເນີນງານຂອງຄະນະບໍລິຫານງານພັກເມືອງສະໄໝທີ V ແລະ ອອກມະຕິຕົກລົງແບ່ງຄວາມຮັບຜິດຊອບໃຫ້ບັນດາສະຫາຍ. ຜ່ານມາການຈັດຕັ້ງປະຕິບັດ ເຫັນວ່າບັນດາສະຫາຍຄະນະບໍລິຫານງານພັກເມືອງໄດ້ເອົາໃຈໃສ່ນໍາພາ-ຊີ້ນຳ ແລະ ຈັດຕັ້ງປະຕິບັດໜ້າທີ່ຕາມການຈັດຕັ້ງມອບໝາຍໃຫ້ ເຫັນວ່າບັນລຸຜົນສໍາເລັດຕາມລະດັບຄາດໝາຍ, ເມືອງເງິນ ຮັກສາໄດ້ສະຖຽນລະພາບທາງດ້ານການເມືອງ ສັງຄົມມີຄວາມສະຫງົບໂດຍພື້ນຖານ, ເສດຖະກິດ-ສັງຄົມ ຂອງເມືອງຂະຫຍາຍຕົວຢ່າງຕໍ່ເນື່ອງ ແລະ ມີທ່ວງທ່າຂະຫຍາຍຕົວທີ່ດີຂຶ້ນ ໂຄງປະກອບເສດຖະກິດໄດ້ຫັນປ່ຽນໄປຕາມທິດທີ່ຕັ້ງໜ້າລວມຍອດຜະລິດຕະພັນພາຍໃນບັນລຸ 615 ຕື້ກີບ, ສະເລ່ຍໃສ່ຫົວຄົນຜູ້ໜຶ່ງບັນລຸໄດ້ 30,45 ລ້ານກີບຕໍ່ຄົນຕໍ່ປີ; ຍາດແຍ່ງທຶນເຂົ້າມາພັດທະນາເມືອງໄດ້ທັງໝົດ 132 ໂຄງການ ມູນຄ່າ 201.97 ຕື້ກີບ, ປະຕິບັດໄດ້ 40.8% ຂອງແຜນການ. ສູ້ຊົນຈັດເກັບລາຍຮັບເຂົ້າງົບປະມານໄດ້ບັນລຸຕາມແຜນ ແລະ ລື່ນແຜນໃນແຕ່ລະປີ, ແຕ່ລະບ້ານມີໄຟຟ້າໃຊ້ຖາວອນກວມ 100%, ໄດ້ກໍ່ສ້າງ-ສ້ອມແປງເສັ້ນທາງພາຍໃນເມືອງສາມາດທຽວໄດ້ຕະຫຼອດປີ ແລະ ອື່ນໆ.
ຕອນທ້າຍກໍໄດ້ເຊັນບົດບັນທືກມອບ-ຮັບໜ້າທີ່ລະຫວ່າງ ສະຫາຍ ທະວີສັກ ໄຊຍະວົງ ເລຂາຄະນະບໍລິຫານງານພັກເມືອງ ຜູ້ເກົ່າ ແລະ ສະຫາຍ ທອງພັນ ສຸກສະຫວັດ ເລຂາຄະນະບໍລິຫານງານພັກເມືອງ ຜູ້ໃໝ່.
(ຂ່າວ: ຖວທ ເມືອງເງິນ)
ຄໍາເຫັນ