ນີ້ທີ່ສູນການຄ້າລາວ-ໄອເຕັກ ໂດຍມີທ່ານນາງນາລີ ສີສຸລິດ ພັນລະຍາປະທານປະເທດ ປະທານຄະນະທີ່ປຶກສາສະມາຄົມຫັດຖະກຳລາວ, ທ່ານ ມະໂນທອງ ວົງໄຊ ຮອງລັດຖະມົນຕີ ກະຊວງອຸດສາຫະກຳ ແລະ ການຄ້າ, ມີພາກສ່ວນກ່ຽວຂ້ອງເຂົ້າຮ່ວມ.
ທ່ານ ພູທອງ ໄຊສະນິດ ຮອງປະທານສະມາຄົມຫັດຖະກໍາລາວ ກ່າວວ່າ: ງານແຂ່ງຂັນຜະລິດຕະພັນຫັດຖະກຳດີເດັ່ນປີ 2024 ມີ 2 ຫົວຂໍ້ຄື: "ສິລະປະລາຍນາກ" ຊີງຂັນລາງວັນ ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ, ລາງວັນພິເສດ "ລວດລາຍດອກໄມ້ປະຈໍາທ້ອງຖິ່ນ" ຊີງຂັນລາງວັນ ທ່ານນາງນາລີ ສີສຸລິດ ຊຶ່ງຜະລິດຕະພັນສົ່ງເຂົ້າຄັດເລືອກມີທັງໝົດ68 ຜະລິດຕະພັນ ແບ່ງເປັນ 2 ສາຍຄື: ສິລະປະລາຍນາກ 51 ຜະລິດຕະພັນ, ລວດລາຍດອກໄມ້ປະຈໍາທ້ອງຖິ່ນ 17 ຜະລິດຕະພັນ.
ຜ່ານການຕັດສິນ ແລະ ໃຫ້ຄະແນນຂອງຄະນະກໍາມະການເຫັນວ່າ ລາງວັນຊະນະເລີດ "ສິລະປະລາຍນາກ" ແມ່ນທ່ານນາງ ອຸດສາວະດີ ໄຊສະນິດຫັັດຖະກໍາແພງໄໝ; ທີ 2 ແມ່ນທ່ານນາງປານີ ຄຸນວິໄລສູນຫັດຖະກຳ ອອກພົບຕົກ ແຂວງຫຼວງພະບາງ; ທີ 3 ແມ່ນນາງ ເພັດ ນອງລາວກຸ່ມຜະລິດຫັດຖະກຳ ຕໍ່າແຜ່ນຊົນເຜົ່າບ້ານໃໝ່ຫົວເມືອງ ເມືອງລະມາມ ແຂວງເຊກອງ; ສ່ວນລາງວັນຊະນະເລີດລາງວັນພິເສດລວດລາຍດອກໄມ້ປະຈໍາທ້ອງຖິ່ນແມ່ນທ່ານນາງ ບົວລອຍ ແປງແສງແກ້ວ ຮ້ານຜະລິດຜ້າຝ້າຍ ຍ້ອມສີທຳມະຊາດ ບ້ານວຽງແກ້ວ ເມືອງຫົງສາ ແຂວງໄຊຍະບູລີ, ສຳລັບລາງວັນທີ 1 ໄດ້ຮັບເງິນສົດ 10 ລ້ານກີບພ້ອມຂັນລາງວັນ; ທີ 2 ແມ່ນ 5 ລ້ານກີບ ພ້ອມຂັນລາງວັນ ແລະ ທີ 3 ແມ່ນ 3 ລ້ານກີບ.
ຂ່າວ: ວຽງຈັນໃໝ່
ຄໍາເຫັນ