 |
ພິທີມອບ-ຮັບ ຈັດຂຶ້ນໃນວັນທີ 4 ກັນຍາ 2026 ຜ່ານມາ, ທີ່ຫ້ອງການກຸ່ມບໍລິສັດສອນ ກໍ່ສ້າງຄົບວົງຈອນ ຈໍາກັດຜູ້ດຽວ ບ້ານໂພນໄຊເມືອງລະມາມ ຕາງໜ້າຄະນະກໍາມະການປົກຄອງແຂວງກ່າວມອບ ໂດຍທ່ານ ນາງ ສີສະຫງ່າ ແກ້ວດວງດີ ຮອງປະທານຄະນະກໍາມະການປົກຄອງແຂວງ ແລະ ຕາງໜ້າບໍລິສັດກ່າວຮັບ ໂດຍທ່ານ ນາງ ສັນຕິພອນ ປັນຍາຄູນ ຮອງອໍານວຍການກຸ່ມບໍລິສັດສອນ ກໍ່ສ້າງຄົບວົງຈອນ ຈໍາກັດຜູ້ດຽວ, ໂດຍມີທ່ານ ບຸນຫຼາຍ ບຸດທິ ເລຂາພັກແຂວງ, ປະທານສະພາປະຊາຊົນແຂວງ, ທ່ານ ດາວວີ ສວຍທະລັງສີ ເລຂາຄະນະບໍລິຫານງານພັກເມືອງລະມາມ, ທ່ານ ນາງ ສອນ ປັນຍາຄູນ ອໍານວຍການກຸ່ມບໍລິສັດສອນ ກໍ່ສ້າງຄົບວົງຈອນ ຈໍາກັດຜູ້ດຽວ ແລະ ພາກສ່ວນກ່ຽວຂ້ອງ ເຂົ້າຮ່ວມ.
 |
ໃນໂອກາດດັ່ງກ່າວ, ຜູ້ຕາງໜ້າບໍລິສັດການຄ້າ ຂາເຂົ້າ-ຂາອອກເມືອງລະມາມ ຈໍາກັດ ໄດ້ກ່າວສະແດງຄວາມຂອບໃຈຄະນະກໍາມະການປົກຄອງແຂວງເຊກອງ ທີ່ໄດ້ໃຫ້ການສະໜັບສະໜູນພາຫະນະ ໃນການບໍລິການເກັບມ້ຽນ ແລະ ຂົນສົ່ງຂີ້ເຫຍື່ອ. ສະນັ້ນ, ທາງບໍລິສັດກໍຈະນໍາໃຊ້ພາຫະນະດັ່ງກ່າວ ໃຫ້ເກີດປະໂຫຍດສູງສຸດ, ຮັບຜິດຊອບວຽກງານເກັບມ້ຽນ-ຂົນສົ່ງຂີ້ເຫຍື່ອໃຫ້ມີຄວາມສະດວກ, ວ່ອງໄວ ແລະ ມີປະສິດທິຜົນ ເພື່ອຮັກສາສິ່ງແວດລ້ອມ, ສ້າງເທສະບານເມືອງລະມາມ ກໍຄື ແຂວງເຊກອງໃຫ້ມີຄວາມສະອາດ, ສວຍງາມ ແລະ ເປັນລະບຽບຮຽບຮ້ອຍ.ຂ່າວ: ສັນຍາ
ຄໍາເຫັນ