ຕຸລາຜ່ານມາ, ຢູ່ທີ່ສະໂມສອນໃຫຍ່ຂອງເມືອງ ໂດຍເປັນກຽດເຂົ້າຮ່ວມມີ ສະຫາຍ ອານຸສິດ ມະໂນສິນ ຮອງເລຂາພັກເມືອງ ຜູ້ຊີ້ນຳວຽກງານແນວຄິດ ວຽກພັກ-ພະນັກງານ, ມີແຂກຖືກເຊີນ, ໜ່ວຍຊາວໜຸ່ມອ້ອມຂ້າງເມືອງ, ຕະຫຼອດສະມາຊິກເຍົາວະຊົນທັນວາເຂົ້າຮ່ວມ.
ໃນພິທີດັ່ງກ່າວ, ສະຫາຍ ຈັນທະພອນ ດົງບຸນມີ ເລຂາຄະນະບໍລິຫານງານຊາວໜຸ່ມເມືອງ ໄດ້ຂຶ້ນຜ່ານບົດສະຫຼຸບການຈັດຕັ້ງປະຈິບັດຂໍ້ແຂ່ງຂັນ 3 ດີ 4 ຮູ້ ຂອງເຍົາວະຊົນທັນວາ ໃນໄລຍະ 3 ປີ ຜ່ານມາ (2021-2023) ຊຶ່ງໃນທົ່ວເມືອງ ມີກອງເຍົາວະຊົນທັນວາ 19 ກອງ, ມີ 55 ໝວດ ແລະ ມີ 191 ໝູ່, ມີການຈັດຕັ້ງເຍົາວະຊົນຢູ່ຂັ້ນໂຮງຮຽນຈຳນວນ 26 ໂຮງຮຽນຄື: ໂຮງຮຽນມັດທະຍົມສົມບູນ 3 ແຫ່ງ, ມັດທະຍົມຕອນຕົ້ນ 2 ແຫ່ງ ແລະ ຊັ້ນປະຖົມ 21 ແຫ່ງ. ຜ່ານການປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 3 ດີ 4 ຮູ້ ຂອງເຍົາວະຊົນທັນວາ ໃນໄລຍະ 3 ປີຜ່ານມາ ສາມາດສະເລ່ຍຄະແນນແຕ່ລະມາດຖານໄດ້ດັ່ງນີ້: ຂໍ້ແຂ່ງຂັນ 3 ດີ: ຮ່ໍາຮຽນດີໄດ້ 70%, ສາມັກຄີດີໄດ້ 75%, ອານາໄມດີໄດ້ 88%; ຂໍ້ແຂ່ງຂັນ 4 ຮູ້: ຮູ້ຮັກປະເທດຊາດ ແລະ ທ່ານຜູ້ນຳໄດ້ 80%, ຮູ້ຮັກພໍ່ແມ່ ແລະ ຄູອາຈານໄດ້ 70%, ຮູ້ຮັກທໍາມະຊາດ ແລະ ການອອກແຮງງານໄດ້ 98%, ຮູ້ຈໍາແນກມິດ ແລະ ສັດຕູຢ່າງຈະແຈ້ງໄດ້ 89% ສະເລ່ຍຄະແນນລວມໄດ້ 81% . ດັ່ງນັ້ນເມືອງບໍ່ແຕນຈຶ່ງໄດ້ຮັບການຢັ້ງຢືນຈາກຄະນະຊາວໜຸ່ມປະຊາຊົນປະຕິວັດລາວ ເປັນເມືອງ 3 ດີ 4 ຮູ້. ນອກນັ້ນ, ໃນພິທີຍັງໄດ້ມີການປະກອບຄຳເຫັນຂອງຕົວແບບສະມາຊິກເຍົາວະຊົນ ຮຽນດີ, ຮຽນເກັ່ງ ແລະ ຕົວແບບຊາວໜຸ່ມຈາກໂຮງຮຽນມັດທະຍົມຕອນຕົ້ນນາກອກ. ໃນຕອນທ້າຍກໍໄດ້ຮ່ວມກັນເປີດປ້າຍ 3 ດີ 4 ຮູ້ ພ້ອມທັງລັ່ນຄ້ອງ 9 ບາດ.
(ຂ່າວ-ພາບ: ຖວທ ເມືອງ).
ຄໍາເຫັນ