ເມືອງບໍ່ແຕນ ສະຫຼຸບຖອດຖອນບົດຮຽນວຽກງານການເລືອກຕັ້ງ

15:40 23/02/2026

ໃນວັນທີ 23 ກຸມພານີ້, ຢູ່ທີ່ສະໂມສອນເມືອງບໍ່ແຕນ ແຂວງໄຊຍະບູລີ ໄດ້ຈັດກອງປະຊຸມສະຫຼຸບຖອດຖອນບົດຮຽນ ກ່ຽວກັບຜົນສຳເລັດຂອງການດຳເນີນການເລືອກຕັງ ສະມາຊິກສະພາແຫ່ງຊາດຊຸດທີ X ແລະ ສະມາຊິກສະພາປະຊາຊົນແຂວງຊຸດທີ V ເພື່ອປະເມີນຄືນການຈັດຕັ້ງປະຕິບັດວຽກງານໃນໄລຍະຜ່ານມາ, ໂດຍພາຍໃຕ້ການເປັນປະທານຂອງ ທ່ານ ໜູໄຊ ນໍກີຢາ ກຳມະການພັກແຂວງ ຮອງປະທານກວດກາພັກແຂວງ.

ເມອງບແຕນ ສະຫບຖອດຖອນບດຮຽນວຽກງານການເລອກຕງ - image 1

ທ່ານ ອານຸສິດ ມະໂນສິນ ຮອງເລຂາພັກເມືອງ ປະທານຄະນະກໍາມະການປົກຄອງເມືອງ ຮອງປະທານຄະນະກຳມະການເລືອກຕັ້ງຂັ້ນເມືອງ ໄດ້ຜ່ານບົດລາຍງານກ່ຽວກັບການປ່ອນບັດເລືອກຕັ້ງ, ຊຶ່ງໄດ້ຍົກໃຫ້ເຫັນຕົວເລກສະຖິຕິຜູ້ມາໃຊ້ສິດປ່ອນບັດຕົວຈິງ, ຄວາມເປັນລະບຽບຮຽບຮ້ອຍໃນຂະບວນການເລືອກຕັ້ງ ແລະ ຜົນການນັບຄະແນນໃນແຕ່ລະເຂດ ພ້ອມນັ້ນ, ຄະນະກໍາມະການຂັ້ນເມືອງໄດ້ປະກອບຄຳເຫັນ ແລະ ສ້າງຄວາມເປັນເອກະພາບ ບັນດາຜູ້ແທນທີ່ເຂົ້າຮ່ວມກອງປະຊຸມທັງໝົດ ໄດ້ຜັດປ່ຽນກັນປະກອບຄຳເຫັນຢ່າງກົງໄປກົງມາ. ການປຶກສາຫາລືໄດ້ສຸມໃສ່ການແລກປ່ຽນບົດຮຽນຕົວຈິງຈາກພື້ນຖານ, ບັນຫາທີ່ພົບພໍ້ຢູ່ຂັ້ນເມືອງ ແລະ ວິທີການແກ້ໄຂ ເພື່ອສ້າງຄວາມເປັນເອກະພາບລະຫວ່າງຂັ້ນແຂວງ ແລະ ຂັ້ນເມືອງ ໃຫ້ມີຄວາມແໜ້ນແຟ້ນຍິ່ງຂຶ້ນ.

ໃນຕອນທ້າຍ, ທ່ານ ໜູໄຊ ນໍກີຢາ ໄດ້ກ່າວສັງລວມຄືນບັນດາເນື້ອໃນສຳຄັນ ແລະ ຕີລາຄາສູງຕໍ່ຄວາມຮັບຜິດຊອບຂອງຄະນະກຳມະການເລືອກຕັ້ງທຸກພາກສ່ວນ ທີ່ເຮັດໃຫ້ການເລືອກຕັ້ງສະມາຊິກສະພາແຫ່ງຊາດຊຸດທີ X ແລະ ສະມາຂິກສະພາປະຊາຊົນແຂວຊຸດທີ V ຄັ້ງນີ້ສຳເລັດຕາມຄາດໝາຍມີ່ວາງໄວ້.

(ຂ່າວ-ພາບ:ສາຍຄຳ ບຸນຍາວົງ)

ຄໍາເຫັນ

ຂ່າວວັດທະນະທຳ-ສັງຄົມ

ເປີດໂຄງການຄຸ້ມຄອງມົນລະພິດ ແລະ ສິ່ງເສດເຫຼືອຢູ່ລາວ

23/02/2026 15:47

ໂຄງການຄຸ້ມຄອງມົນລະພິດ ແລະ ສິ່ງເສດເຫຼືອ ຊຶ່ງເປັນແຜນວຽກໂຄງການບຸລິມະສິດ ທີ່ນອນໃນແຜນພັດທະນາເສດຖະກິດ-ສັງຄົມແຫ່ງຊາດ ເພື່ອສະໜັບສະໜູນ ການຈັດຕັ້ງປະຕິບັດຍຸດທະສາດເຕີບໂຕສີຂຽວແຫ່ງຊາດ, ແຜນດຳເນີນງານແຫ່ງຊາດ ກ່ຽວກັບການຄຸ້ມຄອງພລາສຕິກ ຂອງ ສປປ ລາວ (2024-2030) ໄດ້ເປີດຂຶ້ນຢ່າງເປັນທາງການໃນວັນທີ 23 ກຸມພານີ້ ທີ່ນະຄອນຫຼວງວຽງວຽງຈັນ.

ເຜີຍແຜ່ໂຄງການ BRT ຫວັງຫຼຸດຜ່ອນຄວາມແອອັດໃນນະຄອນຫຼວງ

23/02/2026 15:36

ກອງປະຊຸມປຶກສາຫາລື ການໂຄສະນາເຜີຍແຜ່ ໂຄງການຂົນສົ່ງແບບຍືນຍົງ (BRT) ຕາມໂຮງຮຽນທີ່ຢູ່ລຽບຕາມເສັ້ນທາງໂຄງການ BRT ແລະ ໂຮງຮຽນໃກ້ຄຽງ ຈັດຂຶ້ນໃນວັນທີ 23 ກຸມພານີ້ ທີ່ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ (ນວ) ໂດຍມີທ່ານ ບຸນນະວັດ ນິຣະໄຊຍ໌ ຫົວໜ້າພະແນກ ຍທຂ ນວ, ທ່ານ ຄຳສະຫວັນ ໂຄດໄຊ ຫົວໜ້າຄະນະໂຄສະນາອົບຮົມ ນວ ພ້ອມດ້ວຍຜູ້ແທນຈາກພາກສ່ວນກ່ຽວຂ້ອງ, ຫົວໜ້າໂຄງການ BRT ແລະ ຜູ້ຕາງໜ້າອົງການຕ່າງໆ ເຂົ້າຮ່ວມ.

ບັນຍາກາດການປ່ອນບັດເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ຢູ່ເຂດເລືອກຕັ້ງທີ 13

23/02/2026 15:33

ບັນຍາກາດການປ່ອນບັດເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະພາປະຊາຊົນແຂວງ (ສສຂ) ຊຸດທີ V ຢູ່ເຂດເລືອກຕັ້ງທີ 13 ແຂວງສະຫວັນນະເຂດ ໂດຍສະເພາະຢູ່ຈຸດທີ I ບ້ານໄຊຍະພູມ (ໂຮງຮຽນປະຖົມບ້ານໄຊຍະພູມ) ແມ່ນມີຄວາມຄຶກຄື້ນ ຊຶ່ງທ່ານ ນາງ ສູນທອນ ໄຊຍະຈັກ ຄະນະເລຂາທິການສູນກາງພັກ ຮອງປະທານສະພາແຫ່ງຊາດ ໄດ້ໄປໃຊ້ສິດປະຊາທິປະໄຕປ່ອນບັດເລືອກຕັ້ງຢູ່ຈຸດດັ່ງກ່າວ.

ໄຟຟ້າລາວ ສະຫຼຸບການຈັດຕັ້ງປະຕິບັດວຽກງານ ປະຈໍາປີ 2025

23/02/2026 15:28

ກອງປະຊຸມສະຫຼຸບການຈັດຕັ້ງປະຕິບັດວຽກງານ ປະຈໍາປີ 2025 ຂອງ ລັດວິສາຫະກິດໄຟຟ້າລາວ(ຟຟລ) ໄດ້ຈັດຂຶ້ນໃນທ້າຍອາທິດຜ່ານມານີ້ ທີ່ ຟຟລ ໃຫ້ກຽດເປັນປະທານໂດຍ ທ່ານ ມະໄລທອງ ກົມມະສິດ ກໍາມະການສູນກາງພັກ ເລຂາຄະນະພັກ ລັດຖະມົນຕີກະຊວງອຸດສາຫະກໍາ ແລະ ການຄ້າ.

ປຶກສາຫາລືລາຍງານຄ່າຄອງຊີບ

23/02/2026 15:27

ກົມປົກປ້ອງແຮງງານ ສູນກາງສະຫະພັນກໍາມະບານລາວ (ສກລ) ຮ່ວມກັບອົງການອ໋ອກສະຟາມ ປະຈໍາ ສປປ ລາວ ໄດ້ຈັດກອງປະຊຸມປຶກສາຫາລືລາຍງານຄ່າຄອງຊີບ ເພື່ອເປັນຂໍ້ມູນພິ ຈາລະນາ ສະເໜີປັບຄ່າແຮງງານຂັ້ນຕໍ່າສຸດໃຫ້ຜູ້ອອກແຮງງານພາກວິສາຫະກິດ ຂຶ້ນໃນວັນທີ 23 ກຸມພານີ້ ທີ່ໂຮງແຮມນິວໂຣດ ນະຄອນຫຼວງວຽງຈັນ ໂດຍການເປັນປະທານຂອງທ່ານ ວິໄລ ວົງຂະເສີມ ຮອງປະທານຄະນະບໍລິຫານງານ ສກລ, ມີທ່ານ ຄໍາພີ ຄໍາມາວົງ ຫົວໜ້າໂຄງການສົ່ງເສີມສິດທິແຮງງານ ແລະ ປົກປ້ອງທາງສັງຄົມ ໃນຂະແໜງກະສິກຳ-ອາຫານ ສປປ ລາວ ອົງການອ໋ອກສະຟາມ ປະຈໍາ ສປປ ລາວ, ທ່ານ ວຽງປະສິດ ທິບພະສຸດາ ຜູ້ປະສານງານອົງການແຮງງານສາກົນ ປະຈຳ ສປປ ລາວ, ມີຕາງໜ້າກົມຈາກ ສກລ ແລະ ສະຫະພັນກໍາມະບານກະຊວງ ອົງການທີ່ກ່ຽວຂ້ອງເຂົ້າຮ່ວມ.

ບັນຍາກາດ ການເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ໜ່ວຍເລືອກຕັ້ງບ້ານ ໂພນໄຊ

23/02/2026 15:18

ວັນທີ 22 ກຸມພານີ້ຢູ່ທີ່ສະໂມສອນຂອງແຂວງຫຼວງນໍ້າທາ ໄດ້ຈັດພິທີປ່ອນບັດເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະພາປະຊາຊົນແຂວງ (ສສຂ) ຊຸດທີ V ປະຈໍາໜ່ວຍເລືອກຕັ້ງຂອງບ້ານໂພນໄຊ ເມືອງຫຼວງນໍ້າທາ,ໂດຍການເຂົ້າຮ່ວມຂອງທ່ານ ນາງ ອໍາໄພວອນ ລ້ອມບຸນແພງ ກຳມະການສູນກາງພັກ ກໍາມະການຄະນະປະຈໍາຫົວໜ້າຫ້ອງວ່າການສະພາແຫ່ງຊາດ ຜູ້ສະໝັກຮັບເລືອກຕັ້ງ ເປັນ ສສຊ ຊຸດທີ X ປະຈໍາເຂດເລືອກຕັ້ງທີ3 ແຂວງຫຼວງນໍ້າທາ ນໍ້າເບີ1, ມີ ທ່ານ ພົນໂທ ຄໍາກິ່ງ ຜຸຍຫຼ້າມະນີວົງ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ຜູ້ສະໝັກຮັບເລືອກຕັ້ງ ເປັນ ສສຊ ຊຸດທີ X ປະຈໍາເຂດເລືອກຕັ້ງທີ3 ແຂວງຫຼວງນໍ້າທາ ນໍ້າເບີ2, ພ້ອມດ້ວຍ ການນໍາຂອງແຂວງ, ເມືອງຫຼວງນໍ້າທາ ແລະ ພໍ່ແມ່ປະຊາຊົນຜູ້ມີສິດປ່ອນບັດເລືອກຕັ້ງຂອງບ້ານໂພນໄຊ ເຂົ້າຮ່ວມ.

ແກ່ນທ້າວ ຖອດຖອນບົດຮຽນການເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V

23/02/2026 15:16

ໃນວັນທີ 23 ກຸມພານີ້ຢູ່ທີ່ສະໂມສອນຫ້ອງວ່າການເມືອງແກ່ນທ້າວ ແຂວງໄຊຍະບູລີ ໄດ້ຈັດກອງປະຊຸມ ຖອດຖອນບົດຮຽນ ການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະພາປະຊາຊົນແຂວງ (ສສຂ) ຊຸດທີ V ຂຶ້ນ ໂດຍການເປັນກຽດເຂົ້າຮ່ວມຂອງທ່ານ ຄໍາເຫຼັກ ແກ້ວວິໄລພອນ ກໍາມະການປະຈໍາພັກແຂວງປະທານຄະນະກວດກາພັກແຂວງຜູ້ຊີ້ນໍາເມືອງແກ່ນທ້າວ, ທ່ານ ຄໍາປຸ່ນ ນວນສະບັບ ກໍາມະການພັກແຂວງເລຂາຄະນະບໍລິຫານງານພັກເມືອງ, ມີຄະນະກໍາມະການເລືອກຕັ້ງຂັ້ນແຂວງ, ເມືອງ ແລະ ຄະນະກໍາມະການຮັບຜິດຊອບໜ່ວຍປ່ອນບັດເລືອກຕັ້ງ ທົ່ວເມືອງເຂົ້າຮ່ວມ.

ຜູ້ມີສິດປ່ອນບັດເລືອກຕັ້ງບ້ານຄຽງຕັງແລ, ບ້ານຂົວເສັດ ຕື່ນຕົວສູງເປັນເຈົ້າໃນການໄປໃຊ້ສິດເລືອກຕັ້ງ

23/02/2026 10:11

ບັນຍາກາດບັ້ນເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນແຂວງ (ສສຂ) ຊຸດທີ Vໃນຄັ້ງວັນທີ 22 ກຸມພານີ້ ເປັນຂະບວນຄືກຄື້ນ, ກວ້າງຂວາງ ສະແດງອອກເຖີງຄວາມຮັບຮູ້ເຂົ້າໃຈຂອງປະຊາຊົນລາວບັນດາເຜົ່າ ກໍຄືຊາວແຂວງສາລະວັນ, ເວົ້າສະເພາະກໍຄືປະຊາຊົນ 2 ບ້ານ ຄື: ບ້ານຄຽງຕັງແລ ແລະ ບ້ານຂົວເສັດ ເມືອງເລົ່າງາມ ມີຄວາມຕື່ນຕົວ, ເປັນເຈົ້າການເຂົ້າຮ່ວມໃນການໄປໃຊ້ສິດໃຊ້ສຽງໃນຄັ້ງນີ້ ຢ່າງເປັນຂະບວນຟົດຟື້ນ.

ເມືອງດາກຈຶງ ຄຶກຄື້ນ! ປະຊາຊົນໄປໃຊ້ສິດປ່ອນບັດເລືອກຕັ້ງຢ່າງຫຼວງຫຼາຍ

23/02/2026 10:09

ການປ່ອນບັດເລືອກຕັ້ງ ສະມາຊິກສະພາແຫ່ງຊາດ (ສສຂ) ຊຸດທີ X ແລະ ສະມາຊິກສະພາປະຊາຊົນແຂວງ (ສສຂ) ຊຸດທີ V ໃນວັນທີ 22 ກຸມພານີ້ ຢູ່ເມືອງດາກຈຶງ ແຂວງເຊກອງ ດໍາເນີນໄປດ້ວຍບັນຍາກາດຄຶກຄື້ນ, ປະຊາຊົນພ້ອມພຽງກັນອອກໄປໃຊ້ສິດປ່ອນເລືອກຕັ້ງເປັນຈໍານວນຫຼວງຫຼາຍ.

ພິທີປ່ອນບັດເລືອກຕັ້ງ ສສຊ ຊຸດທີ X ແລະ ສສ ນວ ຊຸດທີ V ຈຸດ ບ້ານໂນນສະຫວັນ

22/02/2026 13:41

ພິທີປ່ອນບັດເລືອກຕັ້ງສະມາຊິກສະພາແຫ່ງຊາດ(ສສຊ)ຊຸດທີ X ແລະ ສະມາຊິກສະພາປະຊາຊົນນະຄອນຫຼວງວຽງຈັນ(ສສ ນວ) ຊຸດທີ V ຈຸດ ບ້ານໂນນສະຫວັນເມືອງໄຊເສດຖານະຄອນຫຼວງວຽງຈັນ, ໜ່ວຍປ່ອນບັດທີ 59 ໃນຕອນເຊົ້າ ວັນທີ 22 ກຸມພານີ້

ເພີ່ມເຕີມ