ເຈົ້າເມືອງ ຫົງສາ ພ້ອມກັບທີມງານ.ເນື່ອງໃນ ໂອ ກາດທີມາຊ່ວຍເຫຼືອຜູ້ຖືກຜົນກະທົບຈາກໄພພິບັດນໍ້າຖ້ວມ ຢູ່ເມືອງເງິນ.
ທ່ານ ອຸດອນ ສະກຸນທອງ ຫົວໜ້າ ຫ້ອງການແຮງງານ ແລະ ສະຫວັດດີການ ເມືອງເງິນ ຕາງໜ້າຄະນະກໍາມະການຕ້ານ ແລະ ສະກັດກັ້ນໄພພິບັດຂັ້ນເມືອງລາຍງານໄພພິບັດນໍ້າຖ້ວມຢູ່ເມືອງເງິນ ໃນຄັ້ງວັນທີ 21 ສິງຫາຜ່ານມາ ໂດຍສະເພາະແມ່ນບ້ານທີ່ນອນຢູ່ໃນກຸ່ມສ່ຽງຄື: ບ້ານແກ້ວດອນຄູນ, ບ້ານບີໝີ, ບ້ານກາງ ແລະບ້ານທອງ ຊຶ່ງມີຜູ້ທີ່ໄດ້ຮັບຜົນກະທົບ ຈໍານວນ 80 ກ່ວາຫຼັງຄາເຮືອນ ມີເນື້ອທີ່ນາເສຍຫາຍຈໍານວນ 90 ເຮັກຕາ,ສວນມັນຕົ້ນ 33 ເຮັກຕາ, ສັດລ້ຽງປະເພດງົວໄຫຼນໍ້າ 44 ໂຕ, ສັດປີກເສຍຫາຍປະມານ 500 ໂຕ, ສວນຫຍ້າລ້ຽງສັດ 23 ເຮັດຕາ, ໜອງປາ 30 ກ່ວາໜອງ, ມີຊົນລະປະທານ ແລະ ພື້ນຖານໂຄງລ່າງໄດ້ຮັບຜົນເສຍຫາຍຈຳນວນໜຶ່ງ, ເສັ້ນທາງເປ່ເພ 2 ເສັ້ນທາງ, ຂົວ ເປ່ເພ 1 ແຫ່ງ (ທາງເວັ້ນຕົວເມືອງ), ນໍ່້າປະປາ ທໍ່ຫົວງານຂາດ ໃຊ້ການບໍ່ໄດ້. ຈາກນັ້ນ, ທ່ານ ເຈົ້າເມືອງໆຫົງສາ ກໍໄດ້ມອບເງິນ ຈໍານວນ 15 ລ້ານກີບເພື່ອສົມທົບທືນການຊ່ວຍເຫຼືອເບື້ອງຕົ້ນໃຫ້ກັບພໍ່ແມ່ປະຊາຊົນຜູ້ຖືກຜົນກະທົບຈາກໄພພິບັດນໍ້າຖ້ວມ
ທ່ານ ເຈົ້າເມືອງໆເງິນ ໄດ້ຕາງໜ້າ ອົງການປົກຄອງເມືອງ ກໍຄື ຕາງໜ້າໃຫ້ແກ່ປະຊາຊົນ ຊາວເມືອງເງິນ ກ່າວຄໍາຂອບໃຈຕໍ່ອົງການເມືອງເມືອງຫົງສາ ຍາມໃດກໍເປັນຫວ່ງເປັນໃຍໃຫ້ຄວາມຊ່ວຍເຫຼືອຕະຫຼອດມາ ທ່ານ ຍັງໃຫ້ຄໍາໜັ້ນວ່າຈະນໍາໃຊ້ເງິນຈຳນວນດັ່ງກ່າວນີ້ໄປຊ່ວຍເຫຼືອໃຫ້ກັບພໍ່ ແມ່ ປະຊາຊົນ ຜູ້ທີ່ຖືກຜົນກະທົບຈາກໄພພິບັດນໍ້າຖ້ວມສຸໃນຄັ້ງນີ້ໄດ້ຮັບຢ່າງທົ່ວເຖີງ.
(ຂ່າວ: ຖວທ ເມືອງເງິນ)
ຄໍາເຫັນ