ກອງປະຊຸມໄດ້ຕີລາຄາການນຳພາ-ຊີ້ນຳການຈັດຕັ້ງປະຕິບັດມະຕິກອງປະຊຸມໃຫ່ຍ ຄັ້ງທີ IX ຂອງອົງຄະນະພັກເມືອງ, ຮັບຟັງການຜ່ານບົດສະຫຼຸບວຽກງານຮອບດ້ານ 3 ເດືອນ ຕົ້ນປີ 2025 ແລະ ທິດທາງແຜນການ 3 ເດືອນໃນຕໍ່ໜ້າ ໂດຍໄດ້ຍົກໃຫ້ເຫັນຜົນງານດ້ານດີທີ່ຕັ້ງໜ້າ ແລະ ບາງດ້ານທີ່ຍັງຄົງຄ້າງທີຈະໄດ້ພ້ອມກັນສຸມໃສ່ແກ້ໄຂໃນຕໍ່ໜ້າ ຊຶ່ງໃນໄລຍະ 3 ເດືອນຜ່ານມາເມືອງພຽງຍັງຮັກສາໄດ້ສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບເປັນລະບຽບຮຽບຮ້ອຍ ປອດໄພໂດຍພື້ນຖານ, ການພັດທະນາເສດຖະກິດ-ສັງຄົມເຖິງແມ່ນວ່າຈະໄດ້ຮັບຜົນກະທົບໂດຍກົງຈາກບັນຫາອັດຕາເງິນເຟິ້, ເຮັດໃຫ້ສິນຄ້າອຸປະໂພກ-ບໍລິໂພກມີລາຄາສູງຂຶ້ນ, ລາຄາຜົນຜະລິດກະສິກຳຕົກຕ່ຳໂດຍໄດ້ສົ່ງຜົນກະທົບຕໍ່ກັບການດຳລົງຊີວິດຂອງປະຊາຊົນບັນດາເຜົ່າ ເຮັດໃຫ້ການພັດທະນາເສດຖະກິດ-ສັງຄົມຂອງເມືອງພົບຄວາມຫຍຸ້ງຍາກ, ການຈັດຕັ້ງປະຕິບັດບັນດາຄາດໝາຍສູ້ຊົນຂອງວຽກງານຕ່າງໆຍັງມີຫຼາຍດ້ານບໍ່ທັນບັນລຸ. ແຕ່ພາຍໃຕ້ການຊີ້ນຳ-ນຳພາຂອງຄະນະບໍລິຫານງານພັກເມືອງ, ຄວາມເປັນເຈົ້າການຂອງຂະແໜງການ ແລະ ການເຂົ້າຮ່ວມຂອງປະຊາຊົນບັນດາເຜົ່າຈຶ່ງເຮັດໃຫ້ວຽກງານໄດ້ດຳເນີນໄປຕາມທິດທີ່ກຳນົດໄວ້ ສາມາດຈັດເກັບລາຍຮັບໄດ້ທັງໝົດ 1 ຕື້ 7 ຮ້ອຍກວ່າລ້ານກີບເທົ່າກັບ 40% ຂອງແຜນການປີ, ສົ່ງອອກສິນຄ້າຜະລິດຕະພັນພາຍໃນໄດ້ທັງໝົດ 220 ກວ່າຕື້ກີບ ທຽບໃສ່ແຜນການປີເທົ່າກັບ 40% ແລະ ຄຸ້ມຄອງການນຳເຂົ້າສິນຄ້າ ມູນຄ່າ 70 ກວ່າຕື້ກີບ, ໄດ້ຊຸກຍູ້ຕິດຕາມໂຄງການລົງທຶນພາຍໃນເມືອງທັງໝົດ 29 ໂຄງການມູນຄ່າ 180 ກວ່າຕື້ກີບ, ວຽກງານວັດທະນະທຳສັງຄົມກໍມີຫຼາຍດ້ານບັນລຸຕາມຄາດໝາຍ,ຂົງເຂດວຽກງານ ລະບົບການເມືອງປະຊາທິປະໄຕ ປະຊາຊົນ, ອົງການແນວລາວສ້າງຊາດ, ອົງການຈັດຕັ້ງມະຫາຊົນ ແລະວຽກງານອື່ນໆ. ຈາກນັ້ນ, ຜູ້ແທນກອງປະຊຸມໄດ້ພ້ອມກັນປະກອບຄຳຄິດຄໍາເຫັນຢັ້ງຢືນຄືນຕໍ່ບັນດາຜົນສຳເລັດ ແລະ ດ້ານອ່ອນຄົງຄ້າງຕໍ່ການນຳພາທົ່ວອົງຄະນະພັກກໍຄືຄະນະພັກຂັ້ນຕ່າງໆ.
(ຂ່າວ: ວົງສະຫວັນ ສຸທິໂວຫານ)
ຄໍາເຫັນ