ກໍາມະການພັກແຂວງເລຂາຄະນະບໍລິຫານງານພັກເມືອງ ເຈົ້າເມືອງໆ ພຽງ, ເປັນກຽດເຂົ້າຮ່ວມມີ ສະຫາຍ ພົງສະຫວັນ ສິດທະວົງ ກໍາມະການສູນກາງພັກເລຂາຄະນະບໍລິຫານງານພັກແຂວງເຈົ້າແຂວງໄຊຍະບູລີ, ມີສະຫາຍ ສີໄນ ມຽງລາວັນ ຮອງປະທານ ຄະນະກວດກາສູນກາງພັກ, ມີແຂກຖືກເຊີນ, ມີຜູ້ແທນສົມບູນທີ່ເປັນຕົວແທນໃຫ້ແກ່ສະມາຊິກພັກ ແລະ ປະຊາຊົນບັນດາເຜົ່າໃນທົ່ວເມືອງ.
ໃນພິທີ ສະຫາຍ ບຸດສະກອນ ອິນທະລັງສີ ໄດ້ກ່າວໄຂກອງປະຊຸມ ພ້ອມທັງໄດ້ຜ່ານຮ່າງບົດລາຍງານການເມືອງທັງສອງພາກ. ກອງປະຊຸມຄັ້ງນີ້, ຈະໄດ້ພ້ອມກັນທົບທວນຕີລາຄາຄືນກ່ຽວກັບການຈັດຕັ້ງປະຕິບັດແນວທາງປ່ຽນແປງໃໝ່ຮອບດ້ານທີ່ມີຫຼັກການຂອງພັກ ກໍຄືການຈັດຕັ້ງປະຕິບັດເນື້ອໃນຈິດໃຈມະຕິກອງປະຊຸມໃຫຍ່ຂອງອົງຄະນະພັກເມືອງດ້ານຕັ້ງໜ້າ, ຂໍ້ຂາດຕົກບົກຜ່ອງ ແລະ ບົດຮຽນທີ່ຖອດຖອນໄດ້ຢ່າງພາວະວິໄສ ພ້ອມດຽວກັນຈະໄດ້ພ້ອມກັນກຳນົດທິດທາງໜ້າທີ່ໃນ 5 ປີຕໍ່ໜ້າ, ບັນຫາສໍາຄັນຜູ້ແທນກອງປະຊຸມໃຫຍ່ ຈະໄດ້ພ້ອມກັນເລືອກຕັ້ງເອົາຄະນະບໍລິຫານງານພັກເມືອງຊຸດໃໝ່ທີ່ມີຄວາມຮູ້ຄວາມສາມາດ, ມີຄຸນສົມບັດສິນທຳປະຕິວັດ, ມີຄວາມຮັບຜິດຊອບຕໍ່ໜ້າທີ່ການເມືອງ ເພື່ອຈັດຕັ້ງປະຕິບັດແນວທາງປ່ຽນແປງໃໝ່ຮອບດ້ານທີ່ມີຫຼັກການຂອງພັກ, ເອົາໃຈໃສ່ຍົກສູງຄວາມສາມາດນໍາພາ, ສຸມທຸກກໍາລັງແຮງ ສູ້ຊົນພັດທະນາເມືອງພຽງ ໃຫ້ມີການຫັນປ່ຽນຢ່າງຕັ້ງໜ້າໃນທຸກດ້ານ.ຕະຫຼອດໄລຍະ 5 ປີຜ່ານມາ ເມືອງພຽງໄດ້ເອົາໃຈໃສ່ນຳພາ-ຊີ້ນຳ ການພັດທະນາເສດຖະກິດ-ສັງຄົມ ພາຍໃຕ້ແຜນຍຸດທະສາດຂອງເມືອງທີ່ວ່າ: “ສ້າງເມືອງພຽງ ໃຫ້ເປັນເມືອງຜະລິດສະບຽງອາຫານ ຕິດພັນກັບການປຸງແຕ່ງສົ່ງອອກ, ພັດທະນາການບໍລິການທາງຜ່ານ ແລະ ການທ່ອງທ່ຽວ ທີ່ເປັນມິດກັບສິ່ງແວດລ້ອມ” ເສດຖະກິດຂະຫຍາຍຕົວສະເລ່ຍ 6.9%, ລວມຍອດມູນຄ່າຜົນຜະລິດພາຍໃນໄດ້ທັງໝົດ 1,890 ຕື້ກີບ, ສະເລ່ຍຕໍ່ຫົວຄົນໄດ້ 28.98 ລ້ານກີບ, ເທົ່າກັບ 1,318 ໂດລາສະຫະລັດ, ສາມາດຈັດເກັບລາຍຮັບໄດ້ 23.43 ຕື້ກີບ, ປະຕິບັດລາຍຈ່າຍໄດ້ 15.86 ຕື້ກີບ, ສົ່ງອອກສິນຄ້າໄດ້ທັງໝົດ 931.32 ຕື້ກີບ ແລະ ນໍາເຂົ້າສິນຄ້າ 821.77 ຕື້ກີບ. ໃນກອງປະຊຸມຍັງຈະໄດ້ຮັບຟັງການປະກອບຄໍາຄິດຄໍາເຫັນຈາກບັນດາຫ້ອງການອ້ອມຂ້າງ, ບັນດາເມືອງ, ຮັບຟັງບົດຄອບຄົວຕົວແບບດ້ານຕ່າງໆຂອງປະຊາຊົນພາຍໃນເມືອງພຽງ ແລະ ຈະໄດ້ດໍາເນີນກອງປະຊຸມໄປເປັນເວລາ 2 ວັນຈຶ່ງຈະສໍາເລັດ.
(ຂ່າວ-ພາບ: ອຸ່ນເຮືອນ ໂພທິລັກ)
ຄໍາເຫັນ