 |
ການຝຶກອົບຮົບເທື່ອນີ້, ເລີ່ມແຕ່ວັນທີ 25 ກັນຍາ ຫາ ວັນທີ 8 ຕຸລາ 2025 ມີຜູ້ເຂົ້າຮຽນຕົວຈິງ 47 ທ່ານ ຍິງ 16 ທ່ານ ແລະ ເພື່ອສ້າງໃຫ້ ຜູ້ເຂົ້າຝຶກອົບຮົມກາຍເປັນຜູ້ທີ່ມີຄວາມຮູ້ຢ່າງເລີກເຊິ່ງກ່ຽວກັບທິດສະດີມາກ-ເລນີນ, ທັດສະນະຂອງພັກ, ແນວຄິດໄກສອນ ພົນວິຫານ ແລະຍົກສູງທິດສະດີການເມືອງ-ການ ປົກຄອງ, ກົນໄກການຄຸ້ມຄອງລັດ-ຄຸ້ມຄອງສັງຄົມ ແລະ ການປະຕິບັດລະບຽບກົດໝາຍຂອງລັດໃນແຕ່ລະໄລຍະ ພ້ອມກັນນັ້ນ, ກໍ່ສ້າງໃຫ້ນັກຝຶກອົບຮົມກໍາໄດ້ ແລະ ຮູ້ເລືອກເຟັ້ນເອົາບັນດາຫຼັກມູນທິດສະດີ ທີ່ກ້າວໜ້າ ແລະ ບົດຮຽນທີ່ດີໝູນໃຊ້ເຂົ້າໃນການວາງແຜນການພັດທະນາຢ່າງຖືກຕ້ອງ, ສອດຄ່ອງ ກັບທ່າແຮງ ແລະ ຈຸດພິເສດຂອງແຕ່ລະບ້ານ, ສ້າງໃຫ້ໄດ້ເລຂາໜ່ວຍພັກ, ນາຍບ້ານ, ຄະນະໜ່ວຍພັກ ທີ່ມີລະດັບ ຄວາມຮູ້ພື້ນຖານທາງດ້ານທິດສະດີການເມືອງ ແລະ ການປົກຄອງ, ຮູ້ແນວທາງນະໂຍບາຍຂອງພັກ ການຄຸ້ມຄອງຂອງລັດ, ເຮັດໃຫ້ມີແນວຄິດທັດສະນະຫຼັກໝັ້ນຊົນຊັ້ນກໍາມະກອນ, ມີແນວຄິດເຊື່ອໝັ້ນຕໍ່ການນໍາພາຂອງພັກ, ມີຄວາມຈົ່ງຮັກພັກດີຕໍ່ປະເທດຊາດ, ມີຄວາມຫ້າວຫັນເປັນແບບຢ່າງໃນທຸກວຽກງານ, ເຮັດໃຫ້ການປະຕິບັດໜ້າທີ່ວຽກງານນັບມື້ນັບມີຄຸນນະພາບສູງຂຶ້ນ.
 |
ໂອກາດນີ້, ທ່ານ ອາເມ ຊົງເຢຍ ເລັງ ໄດ້ເນັ້ນໃຫ້ບັນດານັກສຳມະນາກອນຈົ່ງພ້ອມກັນເອົາໃຈໃສ່ສຶກສາຮ່ຳຮຽນໃຫ້ມີຜົນສຳເລັດຕາມຄາດໝາຍ,ມີຄວາມສາມັກຄີແລກປ່ຽນບົດຮຽນເຊິ່ງກັນ ແລະ ກັນ ພ້ອມນຳເອົາບົດຮຽນໃນຄັ້ງນີ້ ໄປໝູນໃຊ້ເຂົ້າໃນວຽກງານໂຕຈິງຢູ່ຂັ້ນຮາກຖານບ້ານພ້ອມກັນຝຶກຝົນຫຼໍ່ຫຼອມຕົນເອງໃຫ້ກາຍເປັນການນຳແບບຢ່າງນຳໜ້າຢູ່ຂັ້ນຮາກຖານບ້ານຂອງຕົນ.
(ຂ່າວ: ແສງສຸດາ ກິ່ງສະຫວັດ)
ຄໍາເຫັນ