 |
ຈຸດປະສົງ ເພື່ອນໍາພາສະມາຊິກພັກ, ພະນັກງານລັດຖະກອນ, ທະຫານ, ຕໍາຫຼວດ ທີ່ຂຶ້ນກັບການຄຸ້ມຄອງຂອງຄະນະບໍລິຫານງານພັກເມືອງ ໃຫ້ໄດ້ຮັບຟັງ ແລະ ກໍາແໜ້ນບັນດານິຕິກໍາຂອງສູນກາງພັກໃນໄລຍະໃໝ່ຢ່າງເລິກເຊິ່ງ ແລະ ຖືກຕ້ອງ;ອີກທັງຍັງເປັນການຍົກສູງຄວາມຮັບຮູ້, ຄວາມເຂົ້າໃຈ ແລະ ສ້າງຄວາມເປັນເອກະພາບທາງດ້ານທັດສະນະ ໃນທິດທາງການນໍາພາ-ຄຸ້ມຄອງ ເຂົ້າໃນວຽກງານຈັດຕັ້ງ ແລະ ການປົກຄອງໃຫ້ມີຜົນສໍາເລັດ.
 |
ສະຫາຍ ຄຳພັນ ຄຳພູບົວ ປະທານພິທີ ໄດ້ໃຫ້ກຽດຂຶ້ນໂອ້ລົມ ແລະ ເຜີຍແຜ່ເອກະສານສຳຄັນຫຼາຍສະບັບ ເຊິ່ງປະກອບມີ:ຂໍ້ກໍານົດຂອງຄະນະເລຂາທິການສູນກາງພັກ ສະບັບເລກທີ 03/ຄລສພ ວ່າດ້ວຍແບບແຜນວິທີເຮັດວຽກ ແລະ ການພົວພັນວຽກ ລະຫວ່າງ ເລຂາຄະນະບໍລິຫານງານພັກ ກັບ ປະທານຄະນະກໍາມະການປົກຄອງເມືອງ, ນະຄອນ; ຄໍາແນະນໍາຂອງຄະນະຈັດຕັ້ງສູນກາງພັກ ສະບັບເລກທີ 557/ຄຈສພ ກ່ຽວກັບການຈັດຕັ້ງປະຕິບັດມະຕິຕົກລົງຂອງກົມການເມືອງສູນກາງພັກ ວ່າດ້ວຍການສ້າງແຜນກໍານົດພະນັກງານນໍາພາ-ຄຸ້ມຄອງ.
 |
ພ້ອມດຽວກັນນັ້ນ, ກອງປະຊຸມຍັງໄດ້ຮັບກຽດຈາກ ສະຫາຍ ນາງ ດາວັນ ພະວົງຈິດ ຮອງເລຂາຄະນະບໍລິຫານງານພັກເມືອງ ຜູ້ຊີ້ນຳວຽກງານການເມືອງ-ແນວຄິດ ເຜີຍແຜ່ຄໍາແນະນໍາຂອງຄະນະຈັດຕັ້ງສູນກາງພັກ ກ່ຽວກັບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ການປະຕິບັດກົດລະບຽບພັກປະຊາຊົນປະຕິວັດລາວ ສະໄໝທີ XII. ນອກຈາກນີ້, ສະຫາຍ ນາງ ພອນມະນີ ແລງສຸທິພົງ ຫົວໜ້າຄະນະຈັດຕັ້ງເມືອງ ກໍໄດ້ເຜີຍແຜ່ມະຕິວ່າດ້ວຍການເພີ່ມທະວີວຽກງານແຂ່ງຂັນ-ຍ້ອງຍໍ ໃນໄລຍະໃໝ່, ພ້ອມທັງຜ່ານບົດຄໍາເຫັນໂອ້ລົມ ຂອງສະຫາຍເລຂາພັກແຂວງຕໍ່ກອງປະຊຸມວຽກງານຈັດຕັ້ງ ແລະ ການປົກຄອງທົ່ວແຂວງໄຊຍະບູລີ ຄັ້ງທີ VIII.
ຜ່ານການຮັບຟັງ ແລະ ເຊື່ອມຊຶມໃນກອງປະຊຸມຄັ້ງນີ້, ຄວາມຮູ້ ແລະ ທິດທາງທີ່ໄດ້ຮັບຈະກາຍເປັນ "ເຂັມທິດເຍືອງທາງ" ແລະ ເປັນ "ພະລັງແຮງສັງຮວມ" ໃຫ້ກັບຄະນະພັກ, ອົງການປົກຄອງແຕ່ລະຂັ້ນ ເພື່ອນໍາໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງໃຫ້ມີການຫັນປ່ຽນຢ່າງແຂງແຮງ.
ຂ່າວ: ແສງສຸດາ ກິ່ງສະຫວັດ
ຄໍາເຫັນ