ເມືອງທຸລະຄົມ ແຂວງວຽງຈັນ ໄດ້ຈັດພິທີເປີດຈຸດບໍລິການຈັດຫາງານຂຶ້ນເມື່ອບໍ່ດົນມານີ້ ທີ່ຫ້ອງການແຮງງານ ແລະ ສະຫວັດດີການສັງຄົມ (ຮສສ) ເມືອງພາຍໃຕ້ການເປັນປະທານຮ່ວມຂອງທ່ານນາງ ວົງເດືອນ ວັດຕະໂສ ເຈົ້າເມືອງທຸລະຄົມ ແລະ ທ່ານນາງ ວັນນີ ແກ້ວໄຊຍະວົງ ຮອງຫົວໜ້າກົມການຈັດຫາງານກະຊວງ ຮສສ, ມີທ່ານ ສີສະໄຫວ ແກ້ວດາລາວິນ ຫົວໜ້າພະແນກ ຮສສ ແຂວງ; ມີຫົວໜ້າ, ຮອງຫົວໜ້າຫ້ອງການກ່ຽວຂ້ອງເຂົ້າຮ່ວມ.
ທ່ານ ໄມ ໄຊຍະວົງ ຫົວໜ້າຫ້ອງການ ຮສສ ເມືອງ ກ່າວວ່າ: ໃນໄລຍະຜ່ານມາໄດ້ເຄື່ອນໄຫວເປັນເສນາທິການໃຫ້ພະແນກ ຮສສ ແຂວງ ກໍຄືອົງການປົກຄອງເມືອງ ນໍາພາພະນັກງານເຄື່ອນໄຫວວຽກງານຕາມພາລະບົດບາດ, ສິດ ແລະ ໜ້າທີ່ຂອງຕົນ, ໃນນັ້ນວຽກງານຈັດຫາງານ ເປັນວຽກສໍາຄັນໜຶ່ງທີ່ໄດ້ເອົາໃຈໃສ່ຈັດຕັ້ງປະຕິບັດໂດຍເປັນໃຈກາງປະສານສົມທົບກັບຫົວໜ່ວຍແຮງງານ ແລະ ຜູ້ຕ້ອງການວຽກເຮັດງານທໍາ ສາມາດແນະນໍາຊ່ວຍເຫຼືອໃຫ້ຊາວໜຸ່ມ-ປະຊາຊົນມີວຽກເຮັດງານທໍາໃນລະດັັບໜຶ່ງ. ພ້ອມກັນນັ້ນໄດ້ອຳນວຍຄວາມສະດວກໃຫ້ແກ່ບໍລິສັດຈັດຫາງານທີ່ມາເຄື່ອນໄຫວຂຸດຄົ້ນແຮງງານຢູ່ເມືອງທຸລະຄົມ ເພື່ອໄປອອກແຮງງານສ້າງວຽກເຮັດງານທໍາ ເພື່ອພັດທະນາສີມືແຮງງານ ປະກອບມີ 3 ບໍລິສັດເຊັ່ນ: ບໍລິສັດ ສະຫວັນຈັດຫາງານ; ບໍລິສັດສຸດໃຈ ຈັດຫາງານ ແລະ ບໍລິສັດ ໄອຈັອບ ຈັດຫາງານ ໂດຍຜ່ານຂະບວນການຂັ້ນຕອນຄັດເລືອກ ແລະ ສໍາພາດຕາມແຈ້ງການຂອງຂັ້ນເທິງ, ສາມາດນໍາເອົາແຮງງານໄປອອກແຮງງານຕາມລະດູການຢູ່ຕ່າງປະເທດແລ້ວຈໍານວນໜຶ່ງ, ຍັງມີຈໍານວນໜຶ່ງໄດ້ຜ່ານການສໍາພາດ ແລະ ກໍາລັງຝຶກອົບຮົມຢູ່ສູນກຽມໄປອອກແຮງງານຕາມແຜນການຂອງບໍລິສັດຈ້າງງານວາງອອກ.
ໂອກາດນີ້, ຄະນະປະທານທັງ 3 ທ່ານໄດ້ຜັດປ່ຽນກັນມີຄໍາເຫັນຕໍ່ພິທີວ່າ: ການເປີດຈຸດບໍລິການຈັດຫາງານໃນຄັ້ງນີ້ ເພື່ອຊອກວຽກເຮັດງານທໍາເຂົ້າສູ່ລະບົບລະບຽບ, ສອດຄ່ອງກັບກົດໝາຍແຮງງານຂອງ ສປປ ລາວ, ສົ່ງເສີມພັດທະນາສີມືແຮງງານທັງພາຍໃນ ແລະ ຕ່າງປະເທດ, ຫຼີກເວັ້ນການໂຄສະນາປຸກລະດົມຂຸດຄົ້ນແຮງງານທີ່ບໍ່ຖືກຕາມຂັ້ນຕອນ, ການໄປອອກແຮງງານແບບບໍ່ຖືກຕ້ອງ ແລະ ຄວາມສ່ຽງອື່ນໆ.
ໂອກາດນີ້, ທ່ານເຈົ້າເມືອງທຸລະຄົມ ກ່າວວ່າ: ການເປີດຈຸດບໍລິການຈັດຫາງານຢູ່ເມືອງທຸລະຄົມຄັ້ງນີ້ເປັນແຫ່ງທີ 41 ຂອງທົ່ວປະເທດ ແລະ ແຫ່ງທີ 4 ຂອງແຂວງວຽງຈັນຊຶ່ງອົງການປົກຄອງເມືອງໄດ້ອຳນວຍຄວາມສະດວກໃຫ້ແກ່ການຈັດຕັ້ງປະຕິບັດວຽກງານດັ່ງກ່າວ, ເນື່ອງຈາກເມືອງທຸລະຄົມເປັນເມືອງທີ່ມີພົນລະເມືອງຫຼາຍ ແລະ ຍັງມີຄົນຈໍານວນຫຼວງຫຼາຍຕ້ອງການວຽກເຮັດງານທໍາ ເພື່ອພັດທະນາສີມືແຮງງານ, ສ້າງວິຊາຊີບໃຫ້ຕົນເອງ ເພື່ອຫາລາຍໄດ້ມາສູ່ຄອບຄົວແບບຖືກຕ້ອງຕາມລະບຽບກົດໝາຍ.
ຂ່າວ-ພາບ: ເມືອງທຸລະຄົມ
ທ່ານ ໄມ ໄຊຍະວົງ ຫົວໜ້າຫ້ອງການ ຮສສ ເມືອງ ກ່າວວ່າ: ໃນໄລຍະຜ່ານມາໄດ້ເຄື່ອນໄຫວເປັນເສນາທິການໃຫ້ພະແນກ ຮສສ ແຂວງ ກໍຄືອົງການປົກຄອງເມືອງ ນໍາພາພະນັກງານເຄື່ອນໄຫວວຽກງານຕາມພາລະບົດບາດ, ສິດ ແລະ ໜ້າທີ່ຂອງຕົນ, ໃນນັ້ນວຽກງານຈັດຫາງານ ເປັນວຽກສໍາຄັນໜຶ່ງທີ່ໄດ້ເອົາໃຈໃສ່ຈັດຕັ້ງປະຕິບັດໂດຍເປັນໃຈກາງປະສານສົມທົບກັບຫົວໜ່ວຍແຮງງານ ແລະ ຜູ້ຕ້ອງການວຽກເຮັດງານທໍາ ສາມາດແນະນໍາຊ່ວຍເຫຼືອໃຫ້ຊາວໜຸ່ມ-ປະຊາຊົນມີວຽກເຮັດງານທໍາໃນລະດັັບໜຶ່ງ. ພ້ອມກັນນັ້ນໄດ້ອຳນວຍຄວາມສະດວກໃຫ້ແກ່ບໍລິສັດຈັດຫາງານທີ່ມາເຄື່ອນໄຫວຂຸດຄົ້ນແຮງງານຢູ່ເມືອງທຸລະຄົມ ເພື່ອໄປອອກແຮງງານສ້າງວຽກເຮັດງານທໍາ ເພື່ອພັດທະນາສີມືແຮງງານ ປະກອບມີ 3 ບໍລິສັດເຊັ່ນ: ບໍລິສັດ ສະຫວັນຈັດຫາງານ; ບໍລິສັດສຸດໃຈ ຈັດຫາງານ ແລະ ບໍລິສັດ ໄອຈັອບ ຈັດຫາງານ ໂດຍຜ່ານຂະບວນການຂັ້ນຕອນຄັດເລືອກ ແລະ ສໍາພາດຕາມແຈ້ງການຂອງຂັ້ນເທິງ, ສາມາດນໍາເອົາແຮງງານໄປອອກແຮງງານຕາມລະດູການຢູ່ຕ່າງປະເທດແລ້ວຈໍານວນໜຶ່ງ, ຍັງມີຈໍານວນໜຶ່ງໄດ້ຜ່ານການສໍາພາດ ແລະ ກໍາລັງຝຶກອົບຮົມຢູ່ສູນກຽມໄປອອກແຮງງານຕາມແຜນການຂອງບໍລິສັດຈ້າງງານວາງອອກ.
ໂອກາດນີ້, ຄະນະປະທານທັງ 3 ທ່ານໄດ້ຜັດປ່ຽນກັນມີຄໍາເຫັນຕໍ່ພິທີວ່າ: ການເປີດຈຸດບໍລິການຈັດຫາງານໃນຄັ້ງນີ້ ເພື່ອຊອກວຽກເຮັດງານທໍາເຂົ້າສູ່ລະບົບລະບຽບ, ສອດຄ່ອງກັບກົດໝາຍແຮງງານຂອງ ສປປ ລາວ, ສົ່ງເສີມພັດທະນາສີມືແຮງງານທັງພາຍໃນ ແລະ ຕ່າງປະເທດ, ຫຼີກເວັ້ນການໂຄສະນາປຸກລະດົມຂຸດຄົ້ນແຮງງານທີ່ບໍ່ຖືກຕາມຂັ້ນຕອນ, ການໄປອອກແຮງງານແບບບໍ່ຖືກຕ້ອງ ແລະ ຄວາມສ່ຽງອື່ນໆ.
ໂອກາດນີ້, ທ່ານເຈົ້າເມືອງທຸລະຄົມ ກ່າວວ່າ: ການເປີດຈຸດບໍລິການຈັດຫາງານຢູ່ເມືອງທຸລະຄົມຄັ້ງນີ້ເປັນແຫ່ງທີ 41 ຂອງທົ່ວປະເທດ ແລະ ແຫ່ງທີ 4 ຂອງແຂວງວຽງຈັນຊຶ່ງອົງການປົກຄອງເມືອງໄດ້ອຳນວຍຄວາມສະດວກໃຫ້ແກ່ການຈັດຕັ້ງປະຕິບັດວຽກງານດັ່ງກ່າວ, ເນື່ອງຈາກເມືອງທຸລະຄົມເປັນເມືອງທີ່ມີພົນລະເມືອງຫຼາຍ ແລະ ຍັງມີຄົນຈໍານວນຫຼວງຫຼາຍຕ້ອງການວຽກເຮັດງານທໍາ ເພື່ອພັດທະນາສີມືແຮງງານ, ສ້າງວິຊາຊີບໃຫ້ຕົນເອງ ເພື່ອຫາລາຍໄດ້ມາສູ່ຄອບຄົວແບບຖືກຕ້ອງຕາມລະບຽບກົດໝາຍ.
ຂ່າວ-ພາບ: ເມືອງທຸລະຄົມ
ຄໍາເຫັນ