ໂດຍການເປັນປະທານຂອງທ່ານ ບຸນມີ ປັນຍາທອງ ກຳມະການປະຈຳພັກເມືອງ ວ່າການປະທານແນວງລາວສ້າງຊາດ ເມືອງຊຽງຮ່ອນ, ເຂົ້າຮ່ວມມີທ່ານ ກາວີ ເກດດົມລິ ຮອງປະທານແນວລາວສ້າງຊາດ ແຂວງໄຊຍະບູລີ, ມີທ່ານ ແສງອາທິດ ລາວເບຼຍຢາທໍ່ ວ່າການເຈົ້າເມືອງໆຊຽງຮ່ອນ ມີແຂກຖືກເຊີນຈາກແຂວງ, ເມືອງອ້ອມຂ້າງ ແລະ ຜູ້ແທນເຂົ້າຮ່ວມ.
ກອງປະຊຸມຄັ້ງນີ້, ໄດ້ລົງປະຊາມະຕິຮັບຮອງເອົາບັນດາເນື້ອໃນສໍາຄັນດັ່ງນີ້:ໄດ້ຄົ້ນຄວ້າ ແລະປະກອບຄໍາເຫັນໃສ່ບົດລາຍງານການເມືອງທີ່ໄດ້ຕີລາຄາຜົນສໍາເລັດຂອງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີVຂອງຜູ້ແທນແນວລາວສ້າງຊາດເມືອງແຕ່ປີ 2019-2024 ແລະທິດທາງ ແຜນການໃນ 5 ປີຕໍ່ໜ້າ 2025-2029 ແລະ ບົດສໍາຫຼວດການນໍາພາລວມຂອງຄະນະກໍາມະການແນວລາວສ້າງຊາດມືອງ ທີ່ໄດ້ຕີລາຄາດ້ານດີ,ດ້ານອ່ອນ,ຂໍ້ຄົງຄ້າງ,ສາເຫດ ແລະບົດຮຽນທີ່ຖອດຖອນໄດ້ໃນການຈັດຕັ້ງປະຕິບັດມະຕິກອງປະຊຸມໃຫຍ່ໃນໄລຍະຜ່ານມາ, ການຈັດຕັ້ງປະຕິບັດບັນດາມະຕິຕ່າງໆຂອງພັກ,ພ້ອມທັງຜັນຂະຫຍາຍຂະບວນການສ້າງຄອບຄົວ ແລະ ບ້ານສາມັກຄີປອງດອງໄດ້ 43ບ້ານໃນທົ່ວເມືອງ ເຮັດໃຫ້ປະຊາບັນດາເຜົ່າໃນທົ່ວເມືອງມີແນວຄິດເຊື່ອໝັ້ນຕໍ່ການນໍາພາຂອງພັກ-ລັດ ແລະ ເຫັນໄດ້ຄວາມໝາຍຄວາມສໍາຄັນຂອງແນວລາວສ້າງຊາດສູງຂຶ້ນກ່ວາເກົ່າ,ເຮັດໃຫ້ຜູ້ຊົງຄຸນວຸດທິ,ເຈົ້າກົກ,ເຈົ້າເຫຼົ່າໄດ້ມີຄວາມເອກອ້າງທະນົງໃຈຕໍ່ການເປັນຕົວແທນຂອງແຕ່ລະເຜົ່າ,ມີຄວາມເປັນເອກະພາບ ເປັນອັນໜຶ່ງອັນດຽວ,ມີຄວາມກະຕືລືລົ້ນ ໃນການແກ້ໄຂຊິວິດການເປັນຢູ່ ແລະຫຼຸດຜ່ອນຄວາມທຸກຍາກຂອງເຜົ່າຕົນ,ເຮັດໃຫ້ປະຊາຊົນບັນດາເຜົ່າ,ຊັ້ນຄົນ,ສາສະໜາ,ເພດ-ໄວພາຍໃນເມືອງມີຄວາມສາມັກຄີປອງດອງເປັນປຶກແຜ່ນແໜ້ນໜາມີສະຖຽນລະພາບທາງດ້ານການເມືອງໃນການພັດທະນາເສດຖະກິດ-ສັງຄົມມີທ່າຂະຫຍາຍຕົວຢ່າງຕໍ່ເນື່ອງ. ກອງປະຊຸມໄດ້ປຶກສາຫາລືຢ່າງມີປະຊາທິປະໄຕເປັນເອກະພາບຮັບຮອງເອົາການສະເໜີແຕ່ງຕັ້ງປະທານ,ຮອງປະທານ ແລະຄະນະກໍາມະການແນວລາວສ້າງຊາດເມືອງຊຽງຮ່ອນຊຸດທີVIເຊິ່ງປະກອບດ້ວຍກໍາມະການ 69 ທ່ານ,ຍິງ 4 ທ່ານ,ພະສົງ 3 ອົງທີ່ເປັນຕົວແທນໃຫ້ແກ່ປະຊາຊົນ, ຊັ້ນຄົນ, ເຜົ່າ,ສາສະໜາ,ເພດ-ໄວຢ່າງຄົບຖ້ວນ.
ກອງປະຊຸມໃຫຍ່ຄັ້ງປະຖົມມະລຶກໄດ້ຮັບຮອງເອົາປະທານ ແລະຮອງປະທານດັ່ງມີລາຍຊື່ລຸ່ມນີ້: ທ່ານ ບຸນມີ ປັນຍາທອງ ເປັນປະທານແນວລາວສ້າງຊາດເມືອງ, ທ່ານ ນາງ ອ່ອນສີ ວິໄລຈິດ ແລະ ທ່ານ ເພັດ ສິລິວັນ ເປັນຮອງປະທານ,ຮັບຮອງເອົາຕົວແທນຈາກອົງການພາຄີ ແລະ ຫ້ອງການອ້ອມຂ້າງເມືອງ 15 ທ່ານ,ຍິງ 3ທ່ານ,ຕົວແທນນັກທຸລະກິດ 2 ທ່ານ,ຍິງ 1 ທ່ານ,ຕົວແທນຈາກຮາກຖານບ້ານ 43 ທ່ານ ແລະ ຕົວແທນຈາກອົງການພຸດທະສາສະໜາຈຳນວນ 3 ອົງ.
(ຂ່າວ: ຖວທເມືອງຊຽງຮ່ອນ)
ຄໍາເຫັນ