ຫ້ອງການສະຖິຕິແຮງງານຂອງສະຫະລັດ ອາເມຣິກາ ເປີດເຜີຍວ່າ: ການຈ້າງງານທີ່ບໍ່ແມ່ນຂະແໜງກະສິກໍາເພີ່ມຂຶ້ນ 177,000 ຕໍາແໜ່ງໃນເດືອນເມສາຜ່ານມາ ຊຶ່ງຕ່ໍາກວ່າອັດຕາການເພີ່ມຂຶ້ນສະເລ່ຍປະຈຳເດືອນ ຢູ່ທີ່ 152,000 ຕຳແໜ່ງ ໃນໄລຍະ 12 ເດືອນກ່ອນໜ້າ. ໃນຂະນະທີ່ການຈ້າງງານດ້ານການເບິ່ງແຍງສຸຂະພາບ, ການຂົນສົ່ງແລະການເກັບຮັກສາສິນຄ້າ, ກິດຈະກໍາທາງດ້ານການເງິນແລະການຊ່ວຍເຫຼືອທາງສັງຄົມຍັງຄົງມີທ່າອ່ຽງເພີ່ມຂຶ້ນ, ສ່ວນການຈ້າງງານຂອງລັດຖະບານກາງຫຼຸດລົງ.
ບົດລາຍງານລະບຸວ່າ: ພາຍໃນອົງການຈັດຕັ້ງຂອງລັດຖະບານ, ການຈ້າງງານຂອງລັດຖະບານກາງຫຼຸດລົງ 9,000 ຕຳແໜ່ງໃນເດືອນເມສາແລະຫຼຸດລົງ 26,000 ຕຳແໜ່ງ ນັບຕັ້ງແຕ່ເດືອນມັງກອນ. ໃນຂະນະດຽວກັນ ລັດຖະບານ ທ່ານ ໂດໂນ ທຣໍາ ຍັງສືບຕໍ່ຫຼຸດຈຳນວນພະນັກງານຂອງລັດຖະບານກາງ ແລະ ຂໍ້ມູນນີ້ອາດຈະໄດ້ຮັບຜົນກະທົບທາງລົບໃນຫຼາຍເດືອນຂ້າງໜ້າ.
ໃນເດືອນເມສາຜ່ານມາ, ລາຍຮັບສະເລ່ຍຕໍ່ຊົ່ວໂມງຂອງພະນັກງານທັງໝົດທີ່ໄດ້ຮັບເງິນເດືອນຈາກພາກເອກະຊົນທີ່ບໍ່ແມ່ນກະສິກຳເພີ່ມຂຶ້ນ 6 ເຊັນ ຫຼື 0.2% ເປັນ 36.06 ໂດລາແລະໃນໄລຍະ 12 ເດືອນຜ່ານມາລາຍຮັບສະເລ່ຍຕໍ່ຊົ່ວໂມງເພີ່ມຂຶ້ນ 3.8%.
ການປ່ຽນແປງໃນການຈ້າງງານທີ່ບໍ່ແມ່ນກະສິກໍາທັງໝົດໃນເດືອນກຸມພາໄດ້ຖືກປັບຫຼຸດລົງຈາກ 15,000 ຕຳແໜ່ງ ເພີ່ມຂຶ້ນເປັນ 102,000 ຕຳແໜ່ງ ແລະໃນເດືອນມີນາໄດ້ຖືກປັບຫຼຸດລົງ 43,000 ຕຳແໜ່ງ ເພີ່ມຂຶ້ນ 185,000 ຕຳແໜ່ງ. ຫຼັງຈາກປັບຫຼຸດ ໂດຍການຈ້າງງານໃນເດືອນກຸມພາແລະເດືອນມີນາ ລວມກັນຕໍ່າກວ່າທີ່ເຄີຍລາຍງານໄວ້ກ່ອນໜ້ານີ້ເຖິງ 58,000 ຕຳແໜ່ງ.
ຄໍາເຫັນ