ເວັ້ນວີຊາຕໍ່ກຸ່ມນັກທ່ອງທ່ຽວຂອງປະເທດອາຊຽນທີ່ເຂົ້າກິ່ງແຂວງສິບສອງພັ່ນນາ ແຂວງຢູນນານຂອງຈີນ. ກຸ່ມນັກທ່ອງທ່ຽວທີ່ມີ 2 ຄົນ ແລະ 2ຄົນຂຶ້ນໄປຂອງ 10 ປະເທດອາຊຽນ ຄື: ລາວ, ມາເລເຊຍ, ອິນໂດເນເຊຍ, ໄທ, ຟີລິບປິນ, ສິງກະໂປ, ບຣູໄນ, ຫວຽດນາມ, ມຽນມາ ແລະກຳປູເຈຍ, ຖືໜັງສືຜ່ານແດນທົ່ວໄປ ແລະ ຈັດຕັ້ງຕ້ອນຮັບໂດຍຜ່ານບໍລິສັດທ່ອງທ່ຽວຂອງຈີນ ສາມາດເຂົ້າ-ອອກເມືອງແບບຍົກເວັ້ນວີຊາຜ່ານດ່ານສະໜາມບິນສາກົນກາຊາສິບສອງພັ່ນນາ, ດ່ານທາງລົດໄຟບໍ່ຫານ ແລະດ່ານທາງຫຼວງບໍ່ຫານ, ບໍລິເວນທ່ອງທ່ຽວແມ່ນກິ່ງແຂວງສິບສອງພັ່ນນາ, ໄລຍະເວລາທ່ອງທ່ຽວບໍ່ໃຫ້ເກີນ 6 ວັນ.
ຜູ້ຮັບຜິດຊອບທີ່ກ່ຽວຂ້ອງຂອງອົງການຄຸ້ມຄອງຊາວເຄື່ອນຍ້າຍຖິ່ນຖານແຫ່ງຊາດຈີນແນະນຳໃຫ້ຮູ້ວ່າ: ຕໍ່ໄປ, ຈີນຈະດຶງດູດຊາວຕ່າງປະເທດເດີນທາງມາທ່ຽວຊົມ ແລະ ດຳເນີນທຸລະກິດຢູ່ຈີນຫຼາຍຂຶ້ນກວ່າເກົ່າ, ເພື່ອເພີ່ມພະລັງແຮງອັນໃໝ່ຢ່າງຕໍ່ເນື່ອງເຂົ້າໃນຕະຫຼາດທ່ອງທ່ຽວພາຍໃນ, ຮັບໃຊ້ການເປີດປະຕູທີ່ມີລະດັບສູງ ແລະ ການພັດທະນາຢ່າງມີຄຸນນະພາບສູງຂອງຈີນ.
ຄໍາເຫັນ