ພ້ອມດ້ວຍ 3 ອົງການຈັດຕັ້ງມະຫາຊົນ ໄດ້ນຳເອົາເງິນສົດ, ເຄື່ອງອຸປະໂພກ ແລະ ບໍລິໂພກ ຈຳນວນໜຶ່ງໄປມອບໃຫ້ຄະນະໂຄສະນາອົບຮົມສູນກາງພັກ ເພື່ອນຳໄປຊ່ວຍເຫຼືອຜູ້ປະສົບໄພນ້ຳຖ້ວມຢູ່ບັນດາແຂວງພາກເໜືອ.
ເຄື່ອງທີ່ນຳມາມອບໃນຄັ້ງນີ້ໄດ້ມາຈາກການຊ່ວຍເຫຼືອຂອງ ສູນວັດທະນະທຳຈີນ ປະຈຳ ສປປ ລາວ, ບໍລິສັດ ພັນທະມິດ ທົດລອງ ແລະ ວິໄຈ ຈຳກັດ, ນັກສຶກສາກຳປູເຈຍທີ່ກຳລັງສຶກສາຢູ່ມະຫາວິທະຍາໄລແຫ່ງຊາດລາວ, ສ່ວນຮ້ານອາຫານໄທອອນເມນສຣີ ໄດ້ມອບເງິນສົດຈຳນວນ 4 ລ້ານກີບ.
ໃຫ້ກຽດກ່າວມອບໂດຍທ່ານ ວັນໄຊ ຕະວິນຍານ ຮອງຫົວໜ້າຄະນະ ຄອສພຫົວໜ້າບັນນາທິການໃຫຍ່ ໜັງສືພິມປະຊາຊົນ ແລະ ກ່າວຮັບໂດຍທ່ານລາວປາວຊົ່ງ ນະວົງໄຊ ກຳມະການສູນກາງພັກຮອງຫົວໜ້າຄະນະໂຄສະນາອົບຮົມສູນກາງພັກ, ມີບັນດາຫົວໜ້າກົມແລະພາກສ່ວນກ່ຽວຂ້ອງເຂົ້າຮ່ວມ.
ໂອກາດດັ່ງກ່າວ, ທ່ານ ລາວປາວຊົ່ງ ນະວົງໄຊ ໄດ້ສະແດງຄວາມຂອບໃຈເປັນຢ່າງສູງຕໍ່ທ່ານຫົວໜ້າບັນນາທິການໃຫຍ່ ໜັງສືພິມ ປະຊາຊົນ ແລະ ພາກສ່ວນຕ່າງໆທີ່ ໄດ້ນຳເອົາວັດຖຸຈິດໃຈ ແລະ ເຄື່ອງໃຊ້ຕ່າງໆມາມອບໃຫ້ຄັ້ງນີ້ ເພື່ອຈະນໍາໄປຊ່ວຍເຫຼືອປະຊາຊົນທີ່ປະສົບໄພນ້ຳຖ້ວມຢູ່ ບັນດາແຂວງພາກເໜືອຂອງ ສປປລາວ.
ການມອບເຄື່ອງຊ່ວຍເຫຼືອຄັ້ງນີ້ ເປັນຄັ້ງທີ 2 ທີ່ໜັງສືພິມປະຊາຊົນໄດ້ນຳເຄື່ອງຊ່ວຍເຫຼືອໄປມອບໃຫ້ ຄອສພ ເພື່ອນຳໄປຊ່ວຍເຫຼືອຜູ້ປະສົບໄພນ້ຳຖ້ວມ.
ຂ່າວ: ວິໄລສັກ
ຄໍາເຫັນ