ແນະນໍາຜົນງານໃນການຮ່ວມກັນສ້າງ ໜຶ່ງແລວ ໜຶ່ງເສັ້ນທາງ ຄົບຮອບ 10 ປີ

ປີນີ້ແມ່ນຄົບຮອບ 10 ປີແຫ່ງການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”. ມາຮອດທ້າຍເດືອນມິຖຸນາ 2023, ປະເທດຈີນໄດ້ເຊັນເອກະສານຮ່ວມມື 200 ກວ່າສະບັບ ໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ກັບ 150 ກວ່າປະເທດ ແລະ 30 ກວ່າອົງການຈັດຕັ້ງສາກົນ. ນັບແຕ່ປີ 2013 ຫາ ປີ 2022, ມູນຄ່າການຄ້າສິນຄ້າປະເພດຈັບຕ້ອງໄດ້ລະຫວ່າງຈີນ ກັບ ປະເທດທີ່ຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ມີເຖິງ 19.100 ຕື້ໂດລາ, ສະເລ່ຍແລ້ວ ໄດ້ເພີ່ມຂຶ້ນ 6,4% ຕໍ່ປີ.
ຕະຫຼອດ 10 ຜ່ານມາ, ຈີນເປັນຄູ່ການຄ້າຕົ້ນຕໍຂອງ 110 ປະເທດ ໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ຊຶ່ງໄດ້ເຊັນສັນຍາການຄ້າເສລີ 14 ສະບັບ ກັບ 20 ປະເທດໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ”. ຕະຫຼອດ 10 ຜ່ານມາ, ມູນຄ່າການລົງທຶນຕໍ່ກັນລະຫວ່າງຈີນກັບປະເທດໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ມີຫຼາຍກວ່າ 380 ຕື້ໂດລາ. ຕະຫຼອດ 10 ຜ່ານມາ, ມູນຄ່າການລົງທຶນຂອງປະເທດໃນການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ຕໍ່ຈີນມີຫຼາຍກວ່າ 140 ຕື້ໂດລາ, ວິສາຫະກິດຕ່າງປະເທດທີ່ສ້າງຕັ້ງໃໝ່ຢູ່ຈີນມີເກືອບ 67.000 ແຫ່ງ.
ມູນຄ່າການຮັບເໝົາກໍ່ສ້າງໂຄງການໃນປະເທດທີ່ຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ຂອງຈີນ ໄດ້ສໍາເລັດປະມານ 130 ຕື້ໂດລາ ຊຶ່ງໄດ້ກໍ່ສ້າງໂຄງການທາງລົດໄຟລາວ-ຈີນ, ທາງລົດໄຟຄວາມໄວສູງຈາກາຕາ-ບັງດຸງ, ທາງລົດໄຟມົມບາຊາ-ໄນໂຣປີ ແລະ ໂຄງການສັນຍາລັກອື່ນໆ.
ຂ່າວ: ຢຸນນານ