ກໍາມະການຄະນະພັກເລຂາໜ່ວຍພັກກົມອົບຮົມ, ມີທ່ານນາງ ພວງມາລີ ອັກຄະມຸນຕີ ກຳມະການຄະນະພັກຄະນະບໍລິຫານງານສູນກາງສະຫະພັນແມ່ຍິງລາວປະທານສະຫະພັນແມ່ຍິງຄອສພ, ມີຕາງໜ້າໜ່ວຍແມ່ຍິງອ້ອມຂ້າງ ແລະ ອົງການຈັດຕັ້ງມະຫາຊົນເຂົ້າຮ່ວມ.
ທ່ານນາງ ວັນນະທອນ ວົງລະຄອນ ຫົວໜ້າໜ່ວຍແມ່ຍິງກົມອົບຮົມໄດ້ຜ່ານບົດສະຫຼຸບການເຄື່ອນໄຫວວຽກງານ 5 ປີຜ່ານມາ ແລະ ທິດທາງຈຸດສຸມໃນ5 ປີຕໍ່ໜ້າ ໂດຍຍົກໃຫ້ເຫັນຜົນງານພົ້ນເດັ່ນໃນການເຄື່ອນໄຫວວຽກງານແມ່ຍິງໄລຍະ 5 ປີຜ່ານມາ ແລະ ຕີລາຄາດ້ານດີ, ດ້ານອ່ອນ, ບາງບົດຮຽນທີ່ຖອດຖອນໄດ້ໃນໄລຍະຜ່ານມາ ເພື່ອພ້ອມກັນຈັດຕັ້ງປະຕິບັດໃຫ້ໄດ້ຮັບຜົນສໍາເລັດຕາມຄາດໝາຍທີ່ວາງໄວ້.
ກອງປະຊຸມໄດ້ຮັບຮອງເອົາຜົນການທາບທາມຄະນະໜ່ວຍແມ່ຍິງກົມອົບຮົມຊຸດໃໝ່ ຊຶ່ງປະກອບມີ 2 ທ່ານຄື: ທ່ານນາງ ວັນນະທອນ ວົງລະຄອນ ແລະ ທ່ານນາງ ສາຍຄຳ ແກ້ວສະໝອນ.
ໂອກາດນີ້, ທ່ານ ຄໍາກອງ ທໍາມະເທວາ ໄດ້ໃຫ້ກຽດໂອ້ລົມ ພ້ອມທັງຮຽກຮ້ອງມາຍັງຄະນະໜ່ວຍຊຸດໃໝ່, ສະມາຊິກແມ່ຍິງທຸກທ່ານ ຈົ່ງເພີ່ມທະວີຄວາມສາມັກຄີເປັນເອກະພາບ, ຕັ້ງໜ້າຄົ້ນຄວ້າຮໍ່າຮຽນ ແລະ ຝຶກຝົນຫຼໍ່ຫຼອມຕົນເອງໃຫ້ມີຄຸນທາດການເມືອງ, ມີຄຸນສົມບັດສິນທໍາປະຕິວັດ, ມີຄວາມຮູ້, ຄວາມສາມາດ, ຍົກສູງຄວາມຮັບຜິດຊອບຕໍ່ໜ້າທີ່ວຽກງານພ້ອມກັນບຸກບືນພັດທະນາຕົນເອງຢ່າງຮອບດ້ານທາງດ້ານທິດສະດີ-ແນວທາງຂອງພັກ, ວຽກງານວິຊາສະເພາະ ແລະ ແບບແຜນດໍາລົງຊີວິດ.
ຂ່າວ-ພາບ: ນາງ ສາຍຄຳ ແກ້ວສະໝອນ
ຄໍາເຫັນ