ເລຂາໜ່ວຍພັກຮາກຖານຄະນະຈັດຕັ້ງເມືອງ, ໃຫ້ກຽດເຂົ້າຮ່ວມມີສະຫາຍ ຈັນເພັງ ແສນຄຳ ຮອງເລຂາຄະນະບໍລິຫານງານພັກເມືອງ ປະທານຄະນະກວດກາພັກ ປະທານອົງການກວດກາລັດເມືອງ ຫົວໜ້າຄະນະຕ້ານການສໍ້ລາດບັງຫຼວງຂັ້ນເມືອງ, ມີໜ່ວຍປະຕິບັດງານຂອງເມືອງ ພ້ອມດ້ວຍສະມາຊິກພັກເຂົ້າຮ່ວມ.
ໃນກອງປະຊຸມ, ສະຫາຍ ສົມລິດ ແສງຈັນ ຮອງເລຂາໜ່ວຍພັກຮາກຖານຄະນະຈັດຕັ້ງເມືອງໄດ້ຂຶ້ນຜ່ານບົດລາຍງານການເມືອງທັງ 2 ພາກ, ຊຶ່ງມີບາງຕອນກ່າວວ່າ: ໜ່ວຍພັກຄະນະຈັດຕັ້ງເປັນໜ່ວຍພັກໜຶ່ງທີ່ຂຶ້ນກັບການນໍາພາ - ຊີ້ນໍາໂດຍກົງຮອບດ້ານຂອງອົງຄະນະພັກເມືອງ, ມີພາລະບົດບາດເປັນແກນນຳໃນລະບົບການເມືອງ, ນຳເອົາມະຕິ, ຄຳສັ່ງ, ຂໍ້ກຳນົດ, ກົດໝາຍມາຜັນຂະຫຍາຍລົງສູ່ຮາກຖານ ແລະ ມີໜ້າທີ່ສຶກສາອົບຮົມການເມືອງ-ແນວຄິດໃຫ້ສະມາຊິກພັກ,ພະນັກງານ, ພ້ອມນີ້ ໃນກອງປະຊຸມກໍໄດ້ຮັບຟັງການຜ່ານແຜນພັດທະນາວຽກງານຈັດຕັ້ງ 5 ປີ ຕໍ່ໜ້າ 2025-2029. ຈາກນັ້ນ ໃນກອງປະຊຸມຄະນະໜ່ວຍພັກຊຸດເກົ່າກໍ່ໄດ້ຜ່ານບົດສຳຫຼວດການນຳພາລວມ ພ້ອມກ່າວລາໜ້າທີ່. ຈາກນັ້ນ, ຜູ້ແທນກອງປະຊຸມກໍໄດ້ໃຊ້ສິດປະຊາທິປະໄຕຂອງຕົນໂດຍການຍົກບັດປະຊາມະຕິ ຄັດເລືອກເອົາຄະນະໜ່ວຍພັກຊຸດໃໝ່, ກອງປະຊຸມຄັ້ງປະຖົມມະລືກໄດ້ເຫັນດີເປັນເອກະພາບເລືອກເອົາສະຫາຍ ຄຳພຽນ ປັນຍາວົງ ເປັນເລຂາໜ່ວຍພັກ, ສະຫາຍ ສົມລິດ ແສງຈັນ ເປັນຮອງເລຂາໜ່ວຍພັກ (ຜູ້ກວດກາພັກ), ສະຫາຍ ບີ່ ລໍ ເປັນຄະນະໜ່ວຍພັກ.
(ຂ່າວ-ພາບ: ສົມພົງ ສີສະຫວັດ)
ຄໍາເຫັນ