ຫ້ອງການປະສານງານ ອົງການສະຫະປະຊາຊາດ (ສປຊ) ປະຈໍາ ສປປ ລາວ ໄດ້ຈັດພິທີສະເຫຼີມສະຫຼອງວັນສ້າງຕັ້ງອົງການ ສປຊ ຄົບຮອບ 78 ປີ (24/10/1945-24/10/2023) ໃນວັນທີ 24 ຕຸລາ ຜ່ານມາ, ທີ່ນະຄອນຫຼວງວຽງຈັນ ໂດຍການກ່າວເປີດພິທີຂອງ ທ່ານ ບາໂຄເດັຍ ເບີຄະນ໋ອຟ ຜູ້ປະສານງານອົງການ ສປຊ ປະຈຳ ສປປ ລາວ.
ເຂົ້າຮ່ວມໃນພິທີດັ່ງກ່າວ, ມີ ທ່ານ ນາງ ບຸນຄຳ ວໍລະຈິດ ລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ໂພໄຊ ໄຂຄໍາພິທູນ ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍບັນດາຮອງລັດຖະມັນຕີ ກະຊວງກ່ຽວຂ້ອງ ແລະ ບັນດາທ່ານທູດ, ຕາງໜ້າຄະນະທູດບັນດາປະເທດ, ອົງການຈັດຕັ້ງກ່ຽວຂ້ອງ.
ທ່ານ ບາໂຄເດັຍ ເບີຄະນ໋ອຟ ກ່າວວ່າ: ເລຂາທິການໃຫຍ່ ອົງການ ສປຊ ເຄີຍກວ່າວ່າ: ຄຸນຄ່າ ແລະ ຄວາມມຸ່ງໝັ້ນ ທີ່ສ້າງຕັ້ງອົງການ ສປຊ ແມ່ນເປັນນິລັນ, ແຕ່ໂລກໃບນີ້ມີການປ່ຽນແປງຢູ່ຕະຫຼອດເວລາ - ສັນຕິພາບ ແລະ ການພັດທະນາແບບຍືນຍົງ ແມ່ນຢູ່ພາຍໃຕ້ຄວາມສ່ຽງ - ສົ່ງຜົນເຮັດໃຫ້ເຮົາມີການປັບຕົວ ແລະ ຊອກຫານະວັດຕະກຳ ໃນການແກ້ໄຂຂໍ້ຫຍຸ້ງຢາກຢ່າງບໍ່ຢຸດຢັ້ງ”. ພ້ອມນີ້, ທ່ານ ຜູ້ປະສານງານອົງການ ສປຊ ປະຈຳ ສປປ ລາວ ໃຫ້ຮູ້ອີກວ່າ: ເປັນທີ່ແນ່ນອນວ່າ ນັບແຕ່ໄລຍະກາງປີນີ້ ຫາ ປີ 2030 ພວກເຮົາ ຍັງຫ່າງໄກຫຼາຍຈາກເປົ້າໝາຍທີ່ພວກເຮົາໄດ້ວາງໄວ້. ໃນທົ່ວໂລກ, ພຽງແຕ່ 15% ຂອງເປົ້າໝາຍການພັດທະນາແບບຍືນຍົງ (SDG) ເທົ່ານັ້ນ ທີ່ໄດ້ບັນລຸຕາມເປົ້າໝາຍ. ແຕ່ຫຼາຍໆເປົ້າໝາຍ ກຳລັງຈະປ່ຽນໄປໃນທາງກົງກັນຂ້າມ. ບາງເປົ້າໝາຍກໍຊ້າເກີນໄປ ທີ່ຈະເຮັດໃຫ້ຊີວິດການເປັນຢູ່ຂອງປະຊາຊົນ ມີຄວາມແຕກຕ່າງຈາກເກົ່າ ໃຫ້ມີສະພາບດີຂຶ້ນເຊັ່ນ: ຄວາມໝັ້ນຄົງທາງດ້ານອາຫານ, ການຈັດການກັບສະພາບອາກາດ ແລະ ການປົກປ້ອງຄວາມຫຼາກຫຼາຍທາງຊີວະພາບ ແມ່ນນັບມື້ຖອຍຫຼັງ; ພະຍາດລະບາດ, ການເພີ່ມຂຶ້ນຂອງຄ່າຄອງຊີບ, ຄວາມຂັດແຍ່ງ ແລະ ໄພພິບັດ ໄດ້ເຮັດໃຫ້ຄວາມຄືບໜ້າດ້ານການພັດທະນາ ຊ້າລົງຢ່າງຫຼວງຫຼາຍ.
ທ່ານ ຜູ້ປະສານງານອົງການ ສປຊ ປະຈຳ ສປປ ລາວ ຍັງຍໍ້າວ່າ: ພວກເຮົາຕ້ອງຮີບຮ້ອນອອກຈາກວົງຈອນບັນຫານີ້ ແລະ ພວກເຮົາ ຍັງມີຫວັງ ທີ່ກໍາລັງເຂົ້າໃກ້ມາດຖານສາກົນ, ທັກສະການໃຫ້ກຳເນີດ, ການເຂົ້າເຖິງລະບົບເຄືອຂ່າຍມືຖື ແລະ ການເພີ່ມຂຶ້ນ ໃນການນຳໃຊ້ລະບົບອິນເຕີເນັດ. ຂະນະທີ່, ບົດລາຍງານການພັດທະນາແບບຍືືນຍົງສາກົນ ສະບັບປີ 2023 ໄດ້ລະບຸໄວ້ວ່າ: ໃຫ້ສຳເລັດທຸກເປົ້າໝາຍພາຍໃນໄລຍະ 7 ປີ ທີ່ຍັງເຫຼືອ ແມ່ນເປັນການຍາກ, ແຕ່ທຸກໆຄວາມຄືບໜ້າ ລ້ວນແຕ່ມີຄວາມສຳຄັນຫຼາຍ ແລະ ບັນຫານີ້ຕ້ອງບັນລຸໃນລະດັບສາກົນ, ບໍ່ປະຖິ້ມປະເທດໃດ, ສັງຄົມໃດ ຫຼື ບຸກຄົນໃດ ໄວ້ຂ້າງຫຼັງ.
ສຳລັບ ສປປ ລາວ ບັນດາຂໍ້ຫຍຸ້ງຍາກ ບໍ່ໄດ້ເຮັດໃຫ້ເຮົາຫວາດຫວັ່ນ ເຊັ່ນດຽວກັນກັບທີ່ອື່ນໆ ໃນໂລກໃບນີ້, ຂໍ້ຫຍຸ້ງຍາກສ້າງໂອກາດໃໝ່ໆ ແລະ ໂອກາດນັ້ນກໍເສີິມສ້າງຈຸດຍືນ, ຄວາມໝັ້ນຄົງ ທີ່ພວກເຮົາໃຊ້ຮ່ວມກັນ. ທຸກໆທ່ານທີ່ຢູ່ໃນງານນີ້ ກໍໄດ້ແບ່ງປັນຄວາມໝັ້ນຄົງ ຕໍ່ປະເທດລາວ, ລວມທັງຄວາມສະເໝີພາບ ແລະ ການພັດທະນາແບບຍືນຍົງ ດ້ວຍການປະສານງານຮ່ວມກັນຢ່າງມີປະສິດທິພາບ ຫຼາຍກວ່າທີ່ໄດ້ເຮັດຜ່ານມາ, ພວກເຮົາຈະສາມາດນໍາໃຊ້ໂອກາດທີ່ຢູ່ຕໍ່ໜ້າຂອງພວກເຮົາ ໃຫ້ເກີດຜົນປະໂຫຍດສູງສຸດ.
ໃນໂອກາດນີ້, ອົງການ ສປຊ ຍັງຮຽກຮ້ອງໃຫ້ທຸກຄົນຈົ່ງພ້ອມໃຈກັນ, ຕັ້ງໜ້າສ້າງສັນໂລກຂອງເຮົາ ໃຫ້ດີຂຶ້ນດັ່ງທີ່ພວກເຮົາຄາດຫວັງໃຫ້ສຳເລັດ; ຂໍໃຫ້ພວກເຮົາທຸກຄົນຕັ້ງຄວາມຫວັງຕໍ່ອະນາຄົດ ແລະ ພ້ອມຈັດຕັ້ງປະຕິບັດ ໃຫ້ສົມກັບອົງກອນຂອງພວກເຮົາ; ໂລກຂອງພວກເຮົາ ມີການແບ່ງແຍກ, ແຕ່ພວກເຮົາຕ້ອງເປັນຊົນຊາດທີ່ສາມັກຄີກັນ.
(ຂ່າວ: ສຸກສະຫວັນ, ຂໍ້ມູນຈາກ: ສປຊ)
ເຂົ້າຮ່ວມໃນພິທີດັ່ງກ່າວ, ມີ ທ່ານ ນາງ ບຸນຄຳ ວໍລະຈິດ ລັດຖະມົນຕີ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ທ່ານ ໂພໄຊ ໄຂຄໍາພິທູນ ຮອງລັດຖະມົນຕີກະຊວງການຕ່າງປະເທດ ພ້ອມດ້ວຍບັນດາຮອງລັດຖະມັນຕີ ກະຊວງກ່ຽວຂ້ອງ ແລະ ບັນດາທ່ານທູດ, ຕາງໜ້າຄະນະທູດບັນດາປະເທດ, ອົງການຈັດຕັ້ງກ່ຽວຂ້ອງ.
ທ່ານ ບາໂຄເດັຍ ເບີຄະນ໋ອຟ ກ່າວວ່າ: ເລຂາທິການໃຫຍ່ ອົງການ ສປຊ ເຄີຍກວ່າວ່າ: ຄຸນຄ່າ ແລະ ຄວາມມຸ່ງໝັ້ນ ທີ່ສ້າງຕັ້ງອົງການ ສປຊ ແມ່ນເປັນນິລັນ, ແຕ່ໂລກໃບນີ້ມີການປ່ຽນແປງຢູ່ຕະຫຼອດເວລາ - ສັນຕິພາບ ແລະ ການພັດທະນາແບບຍືນຍົງ ແມ່ນຢູ່ພາຍໃຕ້ຄວາມສ່ຽງ - ສົ່ງຜົນເຮັດໃຫ້ເຮົາມີການປັບຕົວ ແລະ ຊອກຫານະວັດຕະກຳ ໃນການແກ້ໄຂຂໍ້ຫຍຸ້ງຢາກຢ່າງບໍ່ຢຸດຢັ້ງ”. ພ້ອມນີ້, ທ່ານ ຜູ້ປະສານງານອົງການ ສປຊ ປະຈຳ ສປປ ລາວ ໃຫ້ຮູ້ອີກວ່າ: ເປັນທີ່ແນ່ນອນວ່າ ນັບແຕ່ໄລຍະກາງປີນີ້ ຫາ ປີ 2030 ພວກເຮົາ ຍັງຫ່າງໄກຫຼາຍຈາກເປົ້າໝາຍທີ່ພວກເຮົາໄດ້ວາງໄວ້. ໃນທົ່ວໂລກ, ພຽງແຕ່ 15% ຂອງເປົ້າໝາຍການພັດທະນາແບບຍືນຍົງ (SDG) ເທົ່ານັ້ນ ທີ່ໄດ້ບັນລຸຕາມເປົ້າໝາຍ. ແຕ່ຫຼາຍໆເປົ້າໝາຍ ກຳລັງຈະປ່ຽນໄປໃນທາງກົງກັນຂ້າມ. ບາງເປົ້າໝາຍກໍຊ້າເກີນໄປ ທີ່ຈະເຮັດໃຫ້ຊີວິດການເປັນຢູ່ຂອງປະຊາຊົນ ມີຄວາມແຕກຕ່າງຈາກເກົ່າ ໃຫ້ມີສະພາບດີຂຶ້ນເຊັ່ນ: ຄວາມໝັ້ນຄົງທາງດ້ານອາຫານ, ການຈັດການກັບສະພາບອາກາດ ແລະ ການປົກປ້ອງຄວາມຫຼາກຫຼາຍທາງຊີວະພາບ ແມ່ນນັບມື້ຖອຍຫຼັງ; ພະຍາດລະບາດ, ການເພີ່ມຂຶ້ນຂອງຄ່າຄອງຊີບ, ຄວາມຂັດແຍ່ງ ແລະ ໄພພິບັດ ໄດ້ເຮັດໃຫ້ຄວາມຄືບໜ້າດ້ານການພັດທະນາ ຊ້າລົງຢ່າງຫຼວງຫຼາຍ.
ທ່ານ ຜູ້ປະສານງານອົງການ ສປຊ ປະຈຳ ສປປ ລາວ ຍັງຍໍ້າວ່າ: ພວກເຮົາຕ້ອງຮີບຮ້ອນອອກຈາກວົງຈອນບັນຫານີ້ ແລະ ພວກເຮົາ ຍັງມີຫວັງ ທີ່ກໍາລັງເຂົ້າໃກ້ມາດຖານສາກົນ, ທັກສະການໃຫ້ກຳເນີດ, ການເຂົ້າເຖິງລະບົບເຄືອຂ່າຍມືຖື ແລະ ການເພີ່ມຂຶ້ນ ໃນການນຳໃຊ້ລະບົບອິນເຕີເນັດ. ຂະນະທີ່, ບົດລາຍງານການພັດທະນາແບບຍືືນຍົງສາກົນ ສະບັບປີ 2023 ໄດ້ລະບຸໄວ້ວ່າ: ໃຫ້ສຳເລັດທຸກເປົ້າໝາຍພາຍໃນໄລຍະ 7 ປີ ທີ່ຍັງເຫຼືອ ແມ່ນເປັນການຍາກ, ແຕ່ທຸກໆຄວາມຄືບໜ້າ ລ້ວນແຕ່ມີຄວາມສຳຄັນຫຼາຍ ແລະ ບັນຫານີ້ຕ້ອງບັນລຸໃນລະດັບສາກົນ, ບໍ່ປະຖິ້ມປະເທດໃດ, ສັງຄົມໃດ ຫຼື ບຸກຄົນໃດ ໄວ້ຂ້າງຫຼັງ.
ສຳລັບ ສປປ ລາວ ບັນດາຂໍ້ຫຍຸ້ງຍາກ ບໍ່ໄດ້ເຮັດໃຫ້ເຮົາຫວາດຫວັ່ນ ເຊັ່ນດຽວກັນກັບທີ່ອື່ນໆ ໃນໂລກໃບນີ້, ຂໍ້ຫຍຸ້ງຍາກສ້າງໂອກາດໃໝ່ໆ ແລະ ໂອກາດນັ້ນກໍເສີິມສ້າງຈຸດຍືນ, ຄວາມໝັ້ນຄົງ ທີ່ພວກເຮົາໃຊ້ຮ່ວມກັນ. ທຸກໆທ່ານທີ່ຢູ່ໃນງານນີ້ ກໍໄດ້ແບ່ງປັນຄວາມໝັ້ນຄົງ ຕໍ່ປະເທດລາວ, ລວມທັງຄວາມສະເໝີພາບ ແລະ ການພັດທະນາແບບຍືນຍົງ ດ້ວຍການປະສານງານຮ່ວມກັນຢ່າງມີປະສິດທິພາບ ຫຼາຍກວ່າທີ່ໄດ້ເຮັດຜ່ານມາ, ພວກເຮົາຈະສາມາດນໍາໃຊ້ໂອກາດທີ່ຢູ່ຕໍ່ໜ້າຂອງພວກເຮົາ ໃຫ້ເກີດຜົນປະໂຫຍດສູງສຸດ.
ໃນໂອກາດນີ້, ອົງການ ສປຊ ຍັງຮຽກຮ້ອງໃຫ້ທຸກຄົນຈົ່ງພ້ອມໃຈກັນ, ຕັ້ງໜ້າສ້າງສັນໂລກຂອງເຮົາ ໃຫ້ດີຂຶ້ນດັ່ງທີ່ພວກເຮົາຄາດຫວັງໃຫ້ສຳເລັດ; ຂໍໃຫ້ພວກເຮົາທຸກຄົນຕັ້ງຄວາມຫວັງຕໍ່ອະນາຄົດ ແລະ ພ້ອມຈັດຕັ້ງປະຕິບັດ ໃຫ້ສົມກັບອົງກອນຂອງພວກເຮົາ; ໂລກຂອງພວກເຮົາ ມີການແບ່ງແຍກ, ແຕ່ພວກເຮົາຕ້ອງເປັນຊົນຊາດທີ່ສາມັກຄີກັນ.
(ຂ່າວ: ສຸກສະຫວັນ, ຂໍ້ມູນຈາກ: ສປຊ)
ຄໍາເຫັນ