ໃນໄລຍະກາງສະໄໝ (2021-2023) ອົງການໄອຍະການປະຊາຊົນ ມີສຳນວນຄະດີແພ່ງຂັ້ນຕົ້ນ ຈຳນວນ 3.610 ເລື່ອງ, ໃນນັ້ນມີຄະດີຄ້າງມາ 46 ເລື່ອງ, ສາມາດແກ້ໄຂໄດ້ແລ້ວ ຈຳນວນ 3.514 ເລື່ອງ ພ້ອມນີ້, ກໍາລັງຄົ້ນຄວ້າ 96 ເລື່ອງ; ສຳລັບສຳນວນຄະດີແພ່ງຂັ້ນອຸທອນມີ 1.343 ເລື່ອງ, ໃນນັ້ນມີຄະດີຄ້າງມາ 28 ເລື່ອງ ໄດ້ແກ້ໄຂແລ້ວ 1.287 ເລື່ອງ ເເລະ ກໍາລັງຄົ້ນຄວ້າ ຈໍານວນ 56 ເລື່ອງ. ໃນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ IX ໃນວັນທີ 8 ພະຈິກ ນີ້ ພາຍໃຕ້ການເປັນປະທານຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.
ທ່ານ ໄຊຊະນະ ໂຄດພູທອນ ຫົວໜ້າອົງການໄອຍະການປະຊາຊົນສູງສຸດ ກ່າວວ່າ: ວຽກງານຕິດຕາມການກວດກາ ການປະຕິບັດກົດໝາຍໃນການດຳເນີນຄະດີ ໃນໄລຍະກາງສະໄໝອົງການໄອຍະການປະຊາຊົນສູງສຸດ ມີສຳນວນຄະດີແພ່ງຂັ້ນລົບລ້າງ ຈຳນວນ 678 ເລື່ອງ, ໃນນັ້ນມີຄະດີຄ້າງມາ 23 ເລື່ອງ, ໄດ້ແກ້ໄຂແລ້ວ 634 ເລື່ອງ ແລະ ກຳລັງຄົ້ນຄວ້າ ຈຳນວນ 14 ເລື່ອງ. ສານພິພາກສາແລ້ວ ຈໍານວນ 441 ເລື່ອງ; ສ່ວນຄຳຮ້ອງຂໍຮື້ຟື້ນຄະດີແພ່ງ 491 ເລື່ອງ, ໃນນັ້ນມີຄຳຮ້ອງຄ້າງມາ 50 ເລື່ອງ, ໄດ້ແກ້ໄຂແລ້ວ 476 ເລື່ອງ ແລະ ກໍາລັງຄົ້ນຄວ້າ 15 ເລື່ອງ; ສຳລັບສຳນວນຄະດີແພ່ງຂັ້ນຮື້ຟື້ນມີ 244 ເລື່ອງ, ໄດ້ແກ້ໄຂແລ້ວ 201 ເລື່ອງ ແລະ ກໍາລັງຄົ້ນຄວ້າ 15 ເລື່ອງ ໂດຍລວມແລ້ວ ນັບແຕ່ປີ 2021 ຫາເດືອນມິຖຸນາ 2023 ເຫັນວ່າ ການດໍາເນີນຄະດີແພ່ງ ມີຄຸນນະພາບດີຂຶ້ນເປັນກ້າວໆ ເປັນຕົ້ນ ການເກັບໂຮມ, ກວດກາ, ຊັ່ງຊາ, ຕີລາຄາຫຼັກຖານ, ການໄຈ້ແຍກການກະທໍາຜິດ ຂອງອົງການສືບສວນ-ສອບສວນ, ອົງການໄອຍະການ ແລະ ສານປະຊາຊົນ ສ່ວນຫຼາຍແມ່ນຖືກຕ້ອງ, ສອດຄ່ອງຕາມກົດໝາຍ ແລະ ເຫດການຕົວຈິງທີ່ເກີດຂຶ້ນສະແດງອອກ ໃນສະຖິຕິການແກ້ໄຂຄະດີແຕ່ລະຂັ້ນ ສ່ວນຫຼາຍແມ່ນໄດ້ເກີນ 95% ແລະ ສານພິຈາລະນາເອົາຕາມຄຳຖະແຫຼງຂອງອົງການໄອຍະການປະຊາຊົນ ເກີນ 95% ຕາມຄາດໝາຍທີ່ໄດ້ວາງໄວ້, ສະຖິຕິຄະດີມີການຂໍອຸທອນພຽງແຕ່ 14,32%, ຂໍລົບລ້າງ 6,58% ແລະ ຄໍາຮ້ອງຂໍຮື້ຟື້ນຄະດີມີພຽງ 3,96% ຖ້າທຽບໃສ່ຄະດີທີ່ສານຂັ້ນຕົ້ນໄດ້ຕັດສິນແລ້ວ, ໃນຈຳນວນຄໍາຮ້ອງຂໍຮື້ຟື້ນດັ່ງກ່າວ ອົງການໄອຍະການປະຊາຊົນສູງສຸດ ໄດ້ທວງສຳນວນຄະດີມາກວດກາຄືນໃໝ່ ແລະ ມີຄະດີທີ່ໄດ້ສະເໜີຮື້ຟື້ນ ຕໍ່ສານປະຊາຊົນສູງສຸດພຽງແຕ່ 0,76% ເທົ່ານັ້ນ.
ນອກຈາກນີ້, ອົງການໄອຍະການປະຊາຊົນສູງສຸດ ຍັງໄດ້ເອົາໃຈໃສ່ຕິດຕາມກວດກາ ການນໍາໃຊ້ວິທີການສືບສວນ-ສອບສວນ ທີ່ອົງການສືບສວນ-ສອບສວນຢ່າງເຂັ້ມງວດ ຊຶ່ງນັບແຕ່ປີ 2021 ຫາເດືອນມິຖຸນາ 2023 ໄດ້ຕິດຕາມກວດກາການອອກ ແລະ ການປະຕິບັດຄໍາສັ່ງຕ່າງໆ ຂອງເຈົ້າໜ້າທີ່ອົງການສືບສວນ-ສອບສວນ ເຊັ່ນ: ຄຳສັ່ງເປີດການສືບສວນ-ສອບສວນ 1.636 ສະບັບ, ຄຳສັ່ງກວດຄົ້ນເຄຫາສະຖານ 2.247 ສະບັບ, ຄຳສັ່ງຢຶດ ແລະ ອາຍັດຊັບ 86 ສະບັບ, ຄໍາສັ່ງຈັບຕົວ 7.099 ສະບັບ, ຄຳສັ່ງກັກຂັງພາ 29.834 ສະບັບ, ຄຳສັ່ງຕໍ່ກຳນົດເວລາການກັກຂັງພາງ 24.099 ສະບັບ, ຄໍາສັ່ງປ່ອຍຕົວພາງ 1.929 ສະບັບ, ຄຳສັ່ງປ່ອຍຕົວກ່ອນກໍານົດ ໂດຍມີເງື່ອນໄຂ ຕາມຄຳຕັດສິນຂອງສານ 860 ສະບັບ ແລະ ຄຳແນະນຳ ກ່ຽວກັບການດໍາເນີນຄະດີອາຍາ 5.692 ສະບັບ ຊຶ່ງຜ່ານການຕິດຕາມກວດກາ ເຫັນວ່າບັນດາຄຳສັ່ງເຫຼົ້ານັ້ນ ໄດ້ຮັບການປະຕິບັດຖືກຕ້ອງຕາມກົດໝາຍ ນອກຈາກນັ້ນ, ຍັງໄດ້ຕິດຕາມການກວດກາອົງການສືບສວນ-ສອບສວນ ຂອງເຈົ້າໜ້າທີ່ທະຫານ, ພາສີ ແລະ ປ່າໄມ້ ດ້ວຍການເຂົ້າຮ່ວມປຶກສາຫາລື ບັນດາເຫດການລະເມີດກົດໝາຍທີ່ເກີດຂຶ້ນ, ອອກຂໍ້ກຳນົດ, ຂໍ້ແນະນໍາດ້ານວິຊາການຕ່າງໆ ໃຫ້ຖືກຕ້ອງສອດຄ່ອງຕາມກົດໝາຍ ແລະ ສາມາດປະຕິບັດເຂົ້າໃນວຽກງານຕົວຈິງ.
ຂ່າວ: ບຸນຕອມ, ພາບ: ສຸກສະຫວັນ
ທ່ານ ໄຊຊະນະ ໂຄດພູທອນ ຫົວໜ້າອົງການໄອຍະການປະຊາຊົນສູງສຸດ ກ່າວວ່າ: ວຽກງານຕິດຕາມການກວດກາ ການປະຕິບັດກົດໝາຍໃນການດຳເນີນຄະດີ ໃນໄລຍະກາງສະໄໝອົງການໄອຍະການປະຊາຊົນສູງສຸດ ມີສຳນວນຄະດີແພ່ງຂັ້ນລົບລ້າງ ຈຳນວນ 678 ເລື່ອງ, ໃນນັ້ນມີຄະດີຄ້າງມາ 23 ເລື່ອງ, ໄດ້ແກ້ໄຂແລ້ວ 634 ເລື່ອງ ແລະ ກຳລັງຄົ້ນຄວ້າ ຈຳນວນ 14 ເລື່ອງ. ສານພິພາກສາແລ້ວ ຈໍານວນ 441 ເລື່ອງ; ສ່ວນຄຳຮ້ອງຂໍຮື້ຟື້ນຄະດີແພ່ງ 491 ເລື່ອງ, ໃນນັ້ນມີຄຳຮ້ອງຄ້າງມາ 50 ເລື່ອງ, ໄດ້ແກ້ໄຂແລ້ວ 476 ເລື່ອງ ແລະ ກໍາລັງຄົ້ນຄວ້າ 15 ເລື່ອງ; ສຳລັບສຳນວນຄະດີແພ່ງຂັ້ນຮື້ຟື້ນມີ 244 ເລື່ອງ, ໄດ້ແກ້ໄຂແລ້ວ 201 ເລື່ອງ ແລະ ກໍາລັງຄົ້ນຄວ້າ 15 ເລື່ອງ ໂດຍລວມແລ້ວ ນັບແຕ່ປີ 2021 ຫາເດືອນມິຖຸນາ 2023 ເຫັນວ່າ ການດໍາເນີນຄະດີແພ່ງ ມີຄຸນນະພາບດີຂຶ້ນເປັນກ້າວໆ ເປັນຕົ້ນ ການເກັບໂຮມ, ກວດກາ, ຊັ່ງຊາ, ຕີລາຄາຫຼັກຖານ, ການໄຈ້ແຍກການກະທໍາຜິດ ຂອງອົງການສືບສວນ-ສອບສວນ, ອົງການໄອຍະການ ແລະ ສານປະຊາຊົນ ສ່ວນຫຼາຍແມ່ນຖືກຕ້ອງ, ສອດຄ່ອງຕາມກົດໝາຍ ແລະ ເຫດການຕົວຈິງທີ່ເກີດຂຶ້ນສະແດງອອກ ໃນສະຖິຕິການແກ້ໄຂຄະດີແຕ່ລະຂັ້ນ ສ່ວນຫຼາຍແມ່ນໄດ້ເກີນ 95% ແລະ ສານພິຈາລະນາເອົາຕາມຄຳຖະແຫຼງຂອງອົງການໄອຍະການປະຊາຊົນ ເກີນ 95% ຕາມຄາດໝາຍທີ່ໄດ້ວາງໄວ້, ສະຖິຕິຄະດີມີການຂໍອຸທອນພຽງແຕ່ 14,32%, ຂໍລົບລ້າງ 6,58% ແລະ ຄໍາຮ້ອງຂໍຮື້ຟື້ນຄະດີມີພຽງ 3,96% ຖ້າທຽບໃສ່ຄະດີທີ່ສານຂັ້ນຕົ້ນໄດ້ຕັດສິນແລ້ວ, ໃນຈຳນວນຄໍາຮ້ອງຂໍຮື້ຟື້ນດັ່ງກ່າວ ອົງການໄອຍະການປະຊາຊົນສູງສຸດ ໄດ້ທວງສຳນວນຄະດີມາກວດກາຄືນໃໝ່ ແລະ ມີຄະດີທີ່ໄດ້ສະເໜີຮື້ຟື້ນ ຕໍ່ສານປະຊາຊົນສູງສຸດພຽງແຕ່ 0,76% ເທົ່ານັ້ນ.
ນອກຈາກນີ້, ອົງການໄອຍະການປະຊາຊົນສູງສຸດ ຍັງໄດ້ເອົາໃຈໃສ່ຕິດຕາມກວດກາ ການນໍາໃຊ້ວິທີການສືບສວນ-ສອບສວນ ທີ່ອົງການສືບສວນ-ສອບສວນຢ່າງເຂັ້ມງວດ ຊຶ່ງນັບແຕ່ປີ 2021 ຫາເດືອນມິຖຸນາ 2023 ໄດ້ຕິດຕາມກວດກາການອອກ ແລະ ການປະຕິບັດຄໍາສັ່ງຕ່າງໆ ຂອງເຈົ້າໜ້າທີ່ອົງການສືບສວນ-ສອບສວນ ເຊັ່ນ: ຄຳສັ່ງເປີດການສືບສວນ-ສອບສວນ 1.636 ສະບັບ, ຄຳສັ່ງກວດຄົ້ນເຄຫາສະຖານ 2.247 ສະບັບ, ຄຳສັ່ງຢຶດ ແລະ ອາຍັດຊັບ 86 ສະບັບ, ຄໍາສັ່ງຈັບຕົວ 7.099 ສະບັບ, ຄຳສັ່ງກັກຂັງພາ 29.834 ສະບັບ, ຄຳສັ່ງຕໍ່ກຳນົດເວລາການກັກຂັງພາງ 24.099 ສະບັບ, ຄໍາສັ່ງປ່ອຍຕົວພາງ 1.929 ສະບັບ, ຄຳສັ່ງປ່ອຍຕົວກ່ອນກໍານົດ ໂດຍມີເງື່ອນໄຂ ຕາມຄຳຕັດສິນຂອງສານ 860 ສະບັບ ແລະ ຄຳແນະນຳ ກ່ຽວກັບການດໍາເນີນຄະດີອາຍາ 5.692 ສະບັບ ຊຶ່ງຜ່ານການຕິດຕາມກວດກາ ເຫັນວ່າບັນດາຄຳສັ່ງເຫຼົ້ານັ້ນ ໄດ້ຮັບການປະຕິບັດຖືກຕ້ອງຕາມກົດໝາຍ ນອກຈາກນັ້ນ, ຍັງໄດ້ຕິດຕາມການກວດກາອົງການສືບສວນ-ສອບສວນ ຂອງເຈົ້າໜ້າທີ່ທະຫານ, ພາສີ ແລະ ປ່າໄມ້ ດ້ວຍການເຂົ້າຮ່ວມປຶກສາຫາລື ບັນດາເຫດການລະເມີດກົດໝາຍທີ່ເກີດຂຶ້ນ, ອອກຂໍ້ກຳນົດ, ຂໍ້ແນະນໍາດ້ານວິຊາການຕ່າງໆ ໃຫ້ຖືກຕ້ອງສອດຄ່ອງຕາມກົດໝາຍ ແລະ ສາມາດປະຕິບັດເຂົ້າໃນວຽກງານຕົວຈິງ.
ຂ່າວ: ບຸນຕອມ, ພາບ: ສຸກສະຫວັນ
ຄໍາເຫັນ