ອົງການສຸພະນິມິດ  ຈັດກິດຈະກຳສາມັກຄີຊຸມຊົນ 

ໃນວັນທີ13-14 ພຶດສະພາ ຜ່ານມາ,ອົງການສຸພະນິມິດ ປະຈຳເມືອງສຸຂຸມາ ໄດ້ຈັດກິດຈະກຳສາມັກຄີຊຸມຊົນ ຢູ່ບ້ານໂຄກກ່ອງ ກຸ່ມບ້ານທີ2ແລະບ້ານມ່ວງ ກຸ່ມບ້ານທີ4 ເມືອງສຸຂຸມາ ແຂວງຈຳປາສັກ,ຢູ່ທີ່ບ້ານດັ່ງກ່າວ,ໂດຍພາຍໃຕ້ການເປັນປະທານຂອງທ່ານ ບຸນຍູ້ ປາລະມີ ຄະນະປະຈຳພັກ ຮອງເຈົ້າເມືອງໆສຸຂຸມາ ຜູ້ຊີ້ນຳວຽກງານຂົງເຂດວັດທະນະທຳ-ສັງຄົມ,ມີທ່ານ ເອກກະລາດ ວິໄລ ຜູ້ປະສານງານການຮ່ວມມືແລະການພັດທະນາເພື່ອການປ່ຽນແປງ ອົງການສຸພະນິມິດສາກົນ ປະຈຳນະຄອນຫຼວງວຽງຈັນ,ທ່ານ ນາງ ນີຈັນ ແກ້ວປະເສີດ ຮອງປະທານສະຫະພັນແມ່ຍິງເມືອງ,ຂະແໜງການທີ່ກ່ຽວຂ້ອງຂອງເມືອງ,ຄະນະກຸ່ມບ້ານ,ອຳນາດການປົກຄອງບ້ານ,ນາຍບ້ານ,ຄູ-ອາຈານ ແລະ ນັກຮຽນເຂົ້າຮ່ວມ.
ໃນພິທີ ທ່ານ ບຸນຍູ້ ປາລະມີ ກໍ່ໄດ້ໃຫ້ກຽດກ່າວເປີດພິທີດັ່ງກ່າວ,ຈາກນັ້ນເລຂາພັກບ້ານກໍ່ໄດ້ຂຶ້ນຜ່ານປະຫັວດຄວາມເປັນມາຂອງທັງ2ບ້ານ,ພ້ອມນັ້ນ ທ່ານ ເອກກະລາດ ວິໄລ ກໍ່ໃຫ້ຮູ້ວ່າ:ຈຸດປະສົງໃນການຈັດກິດຈະກຳສາມັກຄີຊຸມຊົນກໍ່ເພື່ອເປັນການສ້າງຂີດຄວາມສາມາດໃຫ້ແກ່ເດັກນ້ອຍແລະຊຸມຊົນທາງດ້ານພອນສະຫັວນການສະແດງສິນລະປະວັນນະຄະດີໂດຍສະເພາະກໍ່ແມ່ນການຟ້ອນ,ຮ້ອງເພງ,ຂັບລຳທ້ອງຖິ່ນ,ເພື່ອເປັນການສົ່ງເສີມທາງດ້ານວັດທະນະທຳແລະຮີດຄອງປະເພນີອັນດີງາມຂອງທ້ອງຖີ່ນ,ຢູ່ໃນຊຸມຊົນເປົ້າ
ໝາຍແລະກິດຈະກຳຫຼັກກໍ່ແມ່ນພາເຂົ້າສາມັກຄີພາຍໃນຊຸມຊົນ,ປະກວດການຮ້ອງເພງເດັກນ້ອຍແລະຜູ້ໃຫ່ຍ,ປະກວດການຟ້ອນຂອງເດັກນ້ອຍ,ການຜ່ານປະຫັວດຄວາມເປັນມາຂອງບ້ານ,ລາຍງານຜົນສຳເລັດຂອງທຸກໆກິດຈະກຳທີ່ໄດ້ຮັບການຊ່ວຍເຫຼືອຈາກໂຄງການໃນໄລຍະປີຜ່ານມາແລະກໍ່ໄດ້ຮັບຊົມການປະກວດສິນລະປະວັນນະຄະດີ,ການຮ້ອງເພງ,ກິດຈະກຳອື່ນໆ.ຈາກນັ້ນກໍ່ໄດ້ມອບຂອງຂັວນໃຫ້ແກ່ຜູ້ຊະນະເລີດ,ຮອງຊະນະເລີດ ໂດຍການໃຫ້ມອບຂອງທ່ານ ບຸນຍູ້ປາລະມີ ,ການຈັດກິດຈະກຳດັ່ງກ່າວນີ້ຊາວໜຸ່ມ,ໄວໜຸ່ມແລະປະຊາຊົນແມ່ນໄດ້ເຕົ້າໂຮມຄວາມສາມັກຄີພ້ອມພຽງກັນໃນການເຮັດກິດຈະກຳຕ່າງໆ,ແມ່ນເຕັມໄປດ້ວຍຄວາມເບີກບານມ່ວນຊື່ນແລະຄືກຄື້ນ.(ຂ່າວ-ພາບ:ປັນຍາ ແກ້ວພິລົມ)