 |
ໃນພິທີ, ສະຫາຍ ຕ້ອຍ ພົນທິລາດ ຄະນະປະຈໍາພັກ ປະທານຄະນະກວດກາພັກ ຮອງປະທານ ອກສລ ໄດ້ເຜີຍແຜ່ຄໍາແນະນໍາກ່ຽວກັບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ສະບັບເລກທີ 28/ຄຈສພ, ລົງວັນທີ 14 ກຸມພາ 2025 ປ່ຽນແທນສະບັບເລກທີ 291/ຄຈສພ, ລົງວັນທີ 26 ເມສາ 2018 ເພື່ອໃຫ້ຄະນະໜ່ວຍແຕ່ລະຂັ້ນຮັບຮູ້, ເຂົ້າໃຈ ແລະ ນໍາໄປຈັດຕັ້ງປະຕິບັດຢ່າງຖືກຕ້ອງຕາມຄໍາແນະນໍາດັ່ງກ່າວໃນຕໍ່ໜ້າຢ່າງເຂັ້ມງວດ.
 |
ຈາກນັ້ນ, ກໍໄດ້ມີການຜ່ານມະຕິຕົກລົງວ່າດ້ວຍການຮັບຮອງເອົາໜ່ວຍພັກປອດໃສ, ເຂັ້ມແຂງ, ໜັກ ແໜ້ນ ປະຈໍາປີ 2024, ສະບັບເລກທີ 10/ຄຈພ.ອກສລ, ລົງວັນທີ 2 ເມສາ 2025 ຊຶ່ງມີ 9 ໜ່ວຍພັກ ທີ່ໄດ້ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ຄື: ໜ່ວຍພັກຫ້ອງການ, ໜ່ວຍພັກກົມຈັດຕັ້ງ ແລະ ພະນັກງານ, ໜ່ວຍພັກກົມກວດກາ, ໜ່ວຍພັກກົມຮ່ວມມືສາກົນ, ໜ່ວຍພັກສະຖາບັນຄົ້ນຄວ້າ ແລະ ຝຶກອົບຮົມວຽກງານກວດສອບ, ໜ່ວຍພັກກົມປະເມີນຄຸນນະພາບການກວດສອບ, ໜ່ວຍພັກກົມກວດສອບອົງການຈັດຕັ້ງລັດ, ໜ່ວຍພັກກົມວິສາຫະກິດ ແລະ ໜ່ວຍພັກກົມກວດສອບທະນາຄານ. ການມອບໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກ ແໜ້ນ ໃນຄັ້ງນີ້ ເປັນການຢັ້ງຢືນເຖິງການປັບປຸງຄຸນນະພາບຂອງສະມາຊິກພັກ, ແນໃສ່ຍົກສູງບົດບາດການນຳພາຂອງພັກ ແລະ ສະຖານະພາບໃນດ້ານຕ່າງໆເປັນຕົ້ນ: ດ້ານຄຸນທາດການເມືອງ, ຄຸນສົມບັດສິນທຳປະຕິວັດ ທັງເປັນການຄຸ້ມຄອງຕິດຕາມ, ກວດກາການປະຕິບັດໜ້າທີ່ການເມືອງຂອງຖັນແຖວພະນັກງານ-ສະມາຊິກພັກ ໃຫ້ສູງຂຶ້ນ.
 |
ພ້ອມດຽວກັນນັ້ນ, ໃນພິທີກໍຍັງໄດ້ມອບບັດສະມາຊິກພັກສົມບູນຊຸດທີ X ໃຫ້ສະມາຊິກພັກໃໝ່ ຈຳນວນທັງໝົດ 11 ສະຫາຍ, ເປັນຍິງ 8 ສະຫາຍ ເພື່ອເປັນການຢັ້ງຢືນເຖິງຖານະນາມຂອງສະມາຊິກພັກປະຊາຊົນປະຕິວັດລາວ ເພື່ອໃຊ້ແທນໃບຍົກຍ້າຍຮ່ວມຊີວິດພັກຊົ່ວຄາວໃນກໍລະນີການຈັດຕັ້ງມອບໝາຍໃຫ້ໄປປະຕິບັດໜ້າທີ່ວຽກງານໃດໜຶ່ງບໍ່ເກີນ 6 ເດືອນ.
ສະຫາຍ ວຽງທະວີສອນ ເທບພະຈັນ ກໍໄດ້ໂອ້ລົມ ແລະ ໃຫ້ທິດເຍືອງທາງຕໍ່ກັບສະມາຊິກພັກ ກໍຄືບັນດາໜ່ວຍພັກ ໃຫ້ເອົາໃຈໃສ່ເສີມຂະຫຍາຍມູນເຊື້ອອັນດີງາມ, ຄຸນງາມຄວາມດີທີ່ຍາດມາໄດ້ນັ້ນ, ພ້ອມທັງສືບຕໍ່ການສຶກສາອົບຮົມການເມືອງ-ແນວຄິດ, ຄຸນສົມບັດສິນທຳປະຕິວັດຂອງຖັນແຖວພະນັກງານ-ສະມາຊິກພັກ ໃຫ້ມີຄວາມຕໍ່ເນື່ອງ ແລະ ຖືກຕ້ອງກັບສະພາບຕົວຈິງ; ກໍ່ສ້າງ ແລະ ພັດທະນາສະມາຊິກພັກ ແລະ ໜ່ວຍພັກຂອງຕົນໃຫ້ມີຄວາມເຂັ້ມແຂງ ພ້ອມກັນຈັດຕັ້ງປະຕິບັດແນວທາງປ່ຽນແປງໃໝ່ໃຫ້ຖືກທິດ, ເພື່ອປະຕິບັດໜ້າທີ່ຂອງຕົນໃຫ້ສຳເລັດຜົນຕາມເປົ້າໝາຍທີ່ພັກ-ລັດວາງອອກໃນແຕ່ລະໄລຍະ.
(ຂ່າວ-ພາບ: ສຸກສະຫວັນ)
ຄໍາເຫັນ