ກຳມະການສູນກາງພັກ ເລຂາພັກແຂວງ ເຈົ້າແຂວງເຊກອງ, ສະຫາຍ ພົນຈັດຕະວາ ແສງມະນີວອນ ຄຳມະນີ ກຳມະການຄະນະພັກກະຊວງ ຮອງຫົວໜ້າກົມໃຫຍ່ການເມືອງກອງທັບ ຮອງລັດຖະມົນຕີ ກະຊວງປ້ອງກັນປະເທດ, ສະຫາຍ ພົນຈັດຕະວາ ທອງສີ ກຸນສະນະ ຄະນະປະຈຳພັກແຂວງ ເລຂາຄະນະພັກ ຫົວໜ້າການທະຫານ ກອງບັນຊາການທະຫານແຂວງເຊກອງ, ມີແຂກຖືກເຊີນ ແລະ ຜູ້ແທນສົມບູນ ເຂົ້າຮ່ວມ.
ສະຫາຍ ພົນຈັດຕະວາ ທອງສີ ກຸນສະນະ ກ່າວວ່າ: ກອງປະຊຸມຄັ້ງນີ້, ມີຜູ້ແທນເຂົ້າຮ່ວມທັງໝົດ 138 ສະຫາຍ, ຍິງ 3 ສະຫາຍ. ໃນນັ້ນ, ຜູ້ແທນສົມບູນ 117 ສະຫາຍ ຍິງ 3 ສະຫາຍ ເຊິ່ງເປັນຕົວແທນໃຫ້ແກ່ສະມາຊິກພັກ ໃນທົ່ວກອງບັນຊາການທະຫານແຂວງເຊກອງ ຈໍານວນ 1,168 ສະຫາຍ ແລະ ໄດ້ຜ່ານຮ່າງບົດລາຍງານການເມືອງ ແລະ ທິດທາງແຜນການຈັດຕັ້ງປະຕິບັດໃນຕໍ່ໜ້າ, ຜ່ານຮ່າງບົດສຳຫຼວດການນໍາພາ-ຊີ້ນຳລວມ ຂອງອົງຄະນະພັກ ສະໄໝທີ V ແລະ ມີການປະກອບຄໍາຄິດ ຄໍາເຫັນ ຂອງຜູ້ແທນກອງປະຊຸມ ເພື່ອເຮັດໃຫ້ທິດທາງແຜນການຈັດຕັ້ງປະຕິບັດມີຜົນສໍາເລັດດີຂຶ້ນກວ່າເກົ່າ. ຈາກນັ້ນ, ກໍຈະໄດ້ພ້ອມກັນປ່ອນບັດເລືອກຕັ້ງເອົາຄະນະບໍລິຫານງານພັກ ກອງບັນຊາການທະຫານແຂວງເຊກອງ ສະໄໝທີ VI; ປ່ອນບັດເລືອກເອົາຜູ້ແທນສົມບູນ, ສໍາຮອງ ເພື່ອເຂົ້າຮ່ວມກອງປະຊຸມໃຫຍ່ອົງຄະນະພັກແຂວງເຊກອງ ຄັ້ງທີ XI ທີ່ຈະໄຂຂຶ້ນໃນຕໍ່ໜ້າ; ພ້ອມນັ້ນ, ກໍຈະໄດ້ຮັບຟັງການໂອ້ລົມ ຂອງສະຫາຍປະທານກອງປະຊຸມ ເພື່ອເປັນແນວທາງໃນການຈັດຕັ້ງປະຕິບັດໜ້າທີ່ວຽກງານ ໃຫ້ບັນລຸຕາມແຜນການວາງເອົາໄວ້.
(ຂ່າວ: ອັດສະວິນ)
ຄໍາເຫັນ