ອົບຮົມການນໍາໃຊ້ລະບົບແຈ້ງພາສີແບບເອເລັກໂຕຣນິກ

ຊູດຝຶກອົບຮົມການນໍາໃຊ້ລະບົບແຈ້ງພາສີແບບເອເລັກໂຕຣນິກ, ລະບົບແຈ້ງພາສີປະຕູດຽວແບບເອເລັກໂຕນິກ ທີ່ກົມພາສີສ້າງຂຶ້ນ ໃຫ້ຜູ້ປະກອບການນໍາໃຊ້ເຂົ້າໃນການແຈ້ງພາສີ, ເພື່ອຊຳລະຄ່າພາສີ ແລະ ການນໍາສິນຄ້າອອກຈາກດ່ານ-ສາງ ແບບເອກເລັກໂຕຣນິກ ໄດ້ຈັດຂຶ້ນໃນວັນທີ 27 ກຸມພາ 2024 ຢູ່ທີ່ຫ້ອງປະຊຸມໄອຊີດີ ດ່ານສາກົນບໍ່ເຕ່ນ ແຂວງຫຼວງຍໍ້ທາ ໂດຍການເປັນປະທານຂອງທ່ານ ຫວ່າງເຊັງລີ ເຢຍເຊັງ ຮອງຫົວໜ້າພາສີປະຈໍາແຂວງຫຼວງນໍ້າທາ, ມີພາກສ່ວນກ່ຽວຂ້ອງ ແລະ ສໍາມະນາກອນຂົງເຂດພາສີປະຈໍາດ່ານເຂົ້າຮ່ວມ:
ທ່ານ ວົງຕາວັນ ພວງເພັດ ຮອງຫົວໜ້າພະແນກຄຸ້ມຄອງລະບົບຂໍ້ມູນຂ່າວສານ ແລະ ແຜນການໃຫ້ຮູ້ວ່າ: ໃນການຝຶກອົບຮົມໃນຄັ້ງນີ້ ແມ່ນເພື່ອແນ່ໃສ່ທິດຊີ້ນຳຂອງຄະນະກະຊວງການເງິນ ໃນການຫັນເປັນທັນສະໄໝ ຂອງຂະແໜງພາສີ, ການຫັນເປັນທັນສະໄໝ ແລະ ຫັນໄປສູ່ດີຈີຕ້ອນຂອງວຽກງານການແຈ້ງພາສີ, ການຍົກ ລະດັບຜູ້ປະກອບການໃນການແຈ້ງພາສີແບບເອເລັກໂຕຣນິກ, ເພື່ອຍົກລະດັບທັງພາກຜູ້ປະກອບການທີ່ດຳເນີນການນຳເຂົ້າ-ສົ່ງອອກ ແລະ ເປັນຜູ້ແຈ້ງພາສີທົ່ວໄປ ແລະ ຜູ້ບໍລິການແຈ້ງພາສີ ໃນການຍົກລະດັບໄປສູ່ການແຈ້ງພາສີແບບເອເລັກໂຕຣນີກ ທີ່ຫຼຸດຜ່ອນການນຳໃຊ້ເຈ້ຍສໍ ໃຫ້ໄປເປັນເອເລັກໂຕຣນິກທັງໝົດ. ການຍົກລະດັບໃນຄັ້ງນີ້,ແມ່ນເພື່ອ ອຳນວຍຄວາມສະດວກໃຫ້ຜູ້ປະກອບການສາມາດດຳເນີນການແຈ້ງພາສີຢູ່ຈຸດໃດກໍ່ໄດ້ ບໍ່ວ່າຈະເປັນຫ້ອງການ, ອາຄານ ແລະ ສໍານັກງານຂອງຜູ້ປະກອບການ ຂໍພຽງແຕ່ນໍາໃຊ້ອິນເຕີເນັດກໍສາມາດແຈ້ງພາສີໄດ້.  ນອກຈາກການແຈ້ງພາສີແລ້ວ ທາງຜູ້ປະກອບການຍັງຈະໄດ້ຮຽນຮູ້ ແລະ ດຳເນີນການລົງລາຍເຊັນເອເລັກໂຕຣນິກ ແບບພື້ນຖານໃນການ ຢັ້ງຢືນຄວາມຖືກຕ້ອງໃນການແຈ້ງພາສີ. 
(ຂ່າວ: ມຸນຕີ)