ບົດລາຍງານລະບຸວ່າ:ຄ່າພັນທຸກຳຄວາມທົນທານຕໍ່ຄວາມຮ້ອນຂອງອົສຕຣາລີ(Heat Tolerance Australian Breeding Value) ຊຶ່ງພັດທະນາໂດຍ ທ່ານ ທຸຍ ຫງຽວນ ນັກວິທະຍາສາດຈາກMelbourne ເປັນດັດຊະນີພັນທຸກໍາເພື່ອແນໃສ່ການຊອກຫາງົວທີ່ທົນທານຕໍ່ກັບຄວາມຮ້ອນໄດ້ດີຂຶ້ນ. ໂດຍການນໍາໃຊ້ຕົວຢ່າງ DNA ທີ່ງ່າຍດາຍເຊັ່ນ: ເສັ້ນຂົນ, ເພື່ອໃຫ້ຄະແນນຄວາມສາມາດທົນທານຕໍ່ຄວາມຮ້ອນ (ເຕັມ 100 ຄະແນນ).
ທ່ານ ເທເວີ ແພຣຣິຊ ຊາວກະສິກອນລ້ຽງງົວນົມໃນລັດ New South Wales ທາງພາກຕາເວັນອອກສ່ຽງໃຕ້ຂອງອົສຕຣາລີ ຊຶ່ງເປັນໜຶ່ງໃນຜູ້ນຳໃຊ້ເຕັກໂນໂລຊີນີ້ເປັນຄົນທໍາອິດກ່າວວ່າ:ປັດຈຸບັນ, ງົວໃນຟາມປະມານ 20%ມີຄວາມສາມາດທາງພັນທຸກຳໃນການທົນກັບອາກາດຮ້ອນໄດ້ດີຂຶ້ນ.
ທ່ານ ສະເຕຟານີ ບລູເລນ ຫົວໜ້າຝ່າຍສຸຂະພາບສັດແລະສະຫວັດດີການສັດ ຂອງອົງການຈັດຕັ້ງອຸດສາຫະກໍານົມແຫ່ງຊາດ (Dairy Australia) ລະບຸວ່າ:ຄວາມກົດດັນຈາກອາກາດຮ້ອນໄດ້ຫຼຸດການຜະລິດນໍ້ານົມເຖິງ 40%, ເນື່ອງຈາກວ່າງົວທີ່ໂຕຮ້ອນເກີນໄປມັກຈະກິນອາຫານໜ້ອຍລົງຫຼືຢຸດເຊົາການກິນອາຫານ. ດັ່ງນັ້ນ, ເລື່ອງນີ້ຈຶ່ງກ່ຽວຂ້ອງກັບການຮັກສາສະຫວັດດີການຂອງງົວບໍ່ນ້ອຍໄປກວ່າການຮັກສາຜົນຜະລິດ.
ຄໍາເຫັນ