 |
ການແລກປ່ຽນບົດຮຽນ ແລະ ປຶກສາຫາລືຮ່ວມກັນ ເພື່ອພັດທະນາ ແລະ ຍົກລະດັບ ວຽກງານການບໍລິການ ທາງດ້ານການທ່ອງທ່ຽວ ຂອງສອງແຂວງ ໃຫ້ນັບມື້ນັບມີບາດກ້າວທີ່ດີຂຶ້ນ ສາມາດຕອບສະໜອງຄວາມຕ້ອງການ ໃຫ້ແກ່ນັກທ່ອງທ່ຽວ ທັງພາຍໃນ ແລະ ຕ່າງປະເທດ ດ້ວຍການເຊື່ອມຈອດ, ເຊື່ອມໂຍງ ເຊິ່ງກັນ ແລະ ກັນ ພ້ອມທັງສາມາດເຊື່ອມຕໍ່ໄປຫາປະເທດໃກ້ຄຽງໄດ້, ຂະຫຍາຍຕາໜ່າງການບໍລິການ ການທ່ອງທ່ຽວໃຫ້ກວ້າງຂວາງ ດ້ວຍການສ້າງບັນດາພື້ນຖານໂຄ່ງລາງ ແລະ ສິ່ງອຳນວຍຄວາມສະດວກໃຫ້ຫລາຍຂຶ້ນ ໂດຍແນໃສ່ໃນການດຶງດູດນັກທ່ອງທ່ຽວ ໃຫ້ເຂົ້າມາທ່ອງທ່ຽວ ຢູ່ພາຍໃນແຂວງອຸດົມໄຊ ແລະ ແຂວງດຽນບຽນ ໃຫ້ນັບມື້ນັບເພີ່ມຂຶ້ນ ໃນນີ້, ທັງສອງຝ່າຍ ໄດ້ມີຄຳຄິດເຫັນ ແລະ ນຳສະເໜີແນວຄວາມຄິດ, ຮູບແບບ, ວິທີການ ຂອງຕົນເອງ ໃນການຮ່ວມມື ພັດທະນາ ແລະ ເຊື່ອມໂຍງການທ່ອງທ່ຽວເຊິ່ງກັນ ແລະ ກັນ ເປັນຕົ້ນ ຮ່ວມມືກັນປັບປຸງການຄຸ້ມຄອງ ພາຫະນະການທ່ອງທ່ຽວ, ເສັ້ນທາງການສັນຈອນໃຫ້ມີຄວາມສະດວກ-ສະບາຍ ແລະ ຮັບປະກັນຄວາມປອດໄພ, ສ້າງສາຍການທ່ອງທ່ຽວ ໃຫ້ເປັນລະບົບ ແລະ ປົກກະຕິຕໍ່ເນື່ອງ, ໂຄສະນາ, ເຜີຍແຜ່ຂໍ້ມູນຂ່າວສານ ບັນດາກິດຈະກຳການທ່ອງທ່ຽວ ຜ່ານທຸກຊ່ອງທາງ ໂດຍສະເພາະທາງອອນລາຍ, ເວບໄຊ, ຊຸກຍູ້ສົ່ງເສີມ ນັກລົງທຶນປັບປຸງຍົກລະດັບ ການບໍລິການໃຫ້ມີຄຸນນະພາບ ເປັນຕົ້ນ ສະຖານທີ່ພັກເຊົາ, ຮ້ານອາຫານ, ສະຖານທີ່ທ່ອງທ່ຽວ, ສ້າງໃຫ້ມີກິດຈະກຳ ແລະ ພົບປະ ແລກປ່ຽນ ທາງດ້ານສິລະປະ, ວັດທະນະທຳ, ຮີດຄອງປະເພນີ ແລະ ອື່ນໆ ລະຫວ່າງສອງແຂວງ, ພັດທະນາກິດຈະກຳການທ່ອງທ່ຽວ ໃຫ້ມີຄວາມຫຼາກຫຼາຍ, ຝຶກອົບຮົມຍົກລະດັບຄວາມຮູ້, ຄວາມສາມາດ ໃຫ້ແກ່ພະນັກງານລັດ, ຜູ້ປະກອບການ ແລະ ວິຊາການ ກ່ຽວກັບການບໍລິການນັກທ່ອງທ່ຽວ ໃຫ້ເປັນລະບົບຕໍ່ເນື່ອງ ແລະ ພຽງພໍ.
ການແລກປ່ຽນບົດຮຽນ ແລະ ປຶກສາຫາລື ເປັນບາດກ້າວສຳຄັນ ທີ່ຈະເຮັດໃຫ້ວຽກງານການທ່ອງທ່ຽວ ຂອງສອງແຂວງ ດຽນບຽນ-ອຸດົມໄຊ ມີໃບໜ້າໃໝ່, ໄດ້ຮັບການປັບປຸງ, ແກ້ໄຂ ແລະ ພັດທະນາ ຢ່າງຕໍ່ເນື່ອງ.ຂ່າວ-ພາບ: ຄານມະນີ ຮຽນດໍຈັນ
ຄໍາເຫັນ