ໃຫ້ກຽດເຂົ້າຮ່ວມພິທີຄັ້ງນີ້, ມີທ່ານ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງນ້ຳທາ, ທ່ານພົນຈັດຕະວາ ອິ່ນສົມ ທຳລະສິນ ກຳມະການພັກແຂວງຫົວໜ້າກອງບັນຊາການ ປກສ ແຂວງຫຼວງນ້ຳທາ, ທ່ານ ບຸນທອງ ແສງສີກອງ ກຳມະການພັກແຂວງຫົວໜ້າຄະນະຄຸ້ມຄອງເຂດເສດຖະກິດພິເສດແຂວງບໍ່ແກ້ວ ພ້ອມດ້ວຍຄະນະສະພາເຂດ, ຄະນະຄຸ້ມຄອງເຂດ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.
ໃນພິທີທ່ານພົນຈັດຕະວາ ອິ່ນສົມ ທຳລະສິນ ໄດ້ຂຶ້ນຜ່ານລັດຖະດຳລັດຂອງປະທານປະເທດແຫ່ງ ສປປ ລາວ ສະບັບເລກທີ 231/ປປທ ລົງວັນທີ 29 ຕຸລາ 2024 ວ່າດ້ວຍການມອບຫຼຽນໄຊພັດທະນາຊັ້ນ III ໃຫ້ແກ່ທ່ານ ຈ້າວເຫວີຍ ທີ່ມີຜົນງານດີເດັ່ນໃນການປະກອບສ່ວນຊ່ວຍເຫຼືອດ້ານວັດຖຸ-ທຶນຮອນໃຫ້ກອງບັນຊາການ ປກສ ແຂວງຫຼວງນ້ຳທາ ເພື່ອຮັບໃຊ້ເຂົ້າໃນວຽກງານປ້ອງກັນຄວາມສະຫງົບ ແລະ ເປັນການປະກອບສ່ວນທີ່ສຳຄັນໃຫ້ແກ່ການພັດທະນາປະເທດຊາດ; ເປັນກຽດຂຶ້ນມອບໂດຍທ່ານ ວຽງສະຫວັດ ສີພັນດອນ ເຈົ້າແຂວງຫຼວງນໍ້າທາ ໃນໂອກາດນີ້, ທ່ານເຈົ້າແຂວງຫຼວງນໍ້າທາ ກໍຍັງໄດ້ສະແດງຄວາມຍ້ອງຍໍຊົມເຊີຍຕໍ່ ທ່ານ ຈ້າວເຫວີຍ ທີ່ໄດ້ຮັບຫຼຽນໄຊພັດທະນາຊັ້ນ III ຊຶ່ງແມ່ນຫຼຽນໄຊທີ່ມີຄຸນຄ່າຂອງສປປ ລາວ ປະດັບໃຫ້ແກ່ທ່ານທີ່ມີຜົນງານ, ຄຸນງາມຄວາມດີໃນການປະກອບສ່ວນຊ່ວຍເຫຼືອທາງດ້ານວັດຖຸ, ທຶນຮອນ, ເງິນຄຳເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ.
ທ່ານ ຈ້າວເຫວີຍ ກໍໄດ້ສະແດງຄວາມຮູ້ສຶກດີໃຈຢ່າງລົ້ນເຫຼືອຕໍ່ພັກ ແລະ ລັດຖະບານກໍຄືການນຳຂອງແຂວງຫຼວງນ້ຳທາ ຊຶ່ງເວລາໃດກໍໃຫ້ການຊີ້ນຳຢ່າງໃກ້ຊິດໃນການພັດທະນາດ້ານຕ່າງໆມາໂດຍຕະຫຼອດ; ພ້ອມດຽວກັນ, ທ່ານ ຈ້າວ ເຫວີຍ ກໍໄດ້ສັນຍາວ່າ: ຈະສືບຕໍ່ເອົາໃຈໃສ່ສົ່ງເສີມການພັດທະນາໃນທຸກດ້ານໃຫ້ມີຜົນສຳເລັດພ້ອມທັງຮຽກຮ້ອງໃຫ້ພະນັກງານທຸກຄົນຈົ່ງຮ່ຳຮຽນເອົາແບບຢ່າງທີ່ດີ ແລະ ກາຍເປັນຜູ້ສືບທອດໃນການພັດທະນາໃຫ້ມີຄວາມຍືນຍົງ ແລະ ກ້າວໜ້າ. (ຂ່າວ-ພາບ: ເຂດເສດຖະກິດພິເສດສາມຫຼ່ຽມ)
ຄໍາເຫັນ