 |
ທ່ານ ຂຸນສຸວັນ ສຸທຳມະວົງ ຄະນະປະຈຳພັກ ຫົວໜ້າກົມຈັດຕັ້ງ - ພະນັກງານ ສານປະຊາຊົນສູງສຸດ ໄດ້ຜ່ານ ລັດຖະດຳລັດ ຂອງປະທານປະເທດ ແຫ່ງ ສປປ ລາວ ໂດຍອີງຕາມ ລັດຖະທຳມະນູນ ແຫ່ງ ສປປ ລາວ (ສະບັບປັບປຸງ) ໝວດທີ VI ມາດຕາ 68 ຂໍ້ 5, ອີງຕາມກົດໝາຍວ່າດ້ວຍສານປະຊາຊົນສູງສຸດ ສະບັບເລກທີ 22/ສພຊ, ລົງວັນທີ 10 ພຶດສະພາ 2017, ອີງຕາມ ໜັງສືສະເໜີຂອງ ປະທານສານປະຊາຊົນສູງສຸດ ສະບັບເລກທີ 555/ສປສສ, ລົງວັນທີ 16 ມິຖຸນາ 2025.
ປະທານປະເທດ ສາທາລະນະລັດ ປະຊາທິປະໄຕ ປະຊາຊົນລາວ ອອກລັດຖະດຳລັດ ມາດຕາ 1 ຍົກຍ້າຍ ທ່ານ ຄຳພັນ ບຸນພາຄົມ ກຳມະການປະຈຳພັກ ຮອງປະທານສານປະຊາຊົນສູງສຸດ ໄປຮັບໜ້າທີ່ໃໝ່ຢູ່ ກະຊວງຍຸຕິທຳ.
ໃນພິທີທີ່ມີຄວາມສຳຄັນນີ້, ທ່ານ ນາງ ວຽງທອງ ສີພັນດອນ ໄດ້ໂອ້ລົມຕໍ່ພິທີວ່າ:ຜ່ານຂະບວນວິວັດແຫ່ງການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍ ໂດຍສະເພາະແມ່ນກົດໝາຍວ່າດ້ວຍສານປະຊາຊົນ, ກົດໝາຍວ່າດ້ວຍຜູ້ພິພາກສາ ແລະ ກົດໝາຍວ່າດ້ວຍພະນັກງານ-ລັດຖະກອນ ໃນຜ່ານມາແມ່ນເພື່ອແນໃສ່ປັບປຸງກົງຈັກການຈັດຕັ້ງ ແລະ ບຸກຄະລາກອນ ໃຫ້ມີຄວາມໜັກແໜ້ນເຂັ້ມແຂງ ເພື່ອພ້ອມກັນປະຕິບັດໜ້າທີ່ການເມືອງທີ່ພັກ-ລັດມອບໝາຍໃຫ້ ຈຶ່ງໄດ້ມີການຍົກຍ້າຍບ່ອນປະຈຳການຂັ້ນການນຳຂອງສານປະຊາຊົນສູງສຸດ ໄປຮັບໜ້າທີ່ໃໝ່ຢູ່ຂະແໜງການອື່ນ ເພື່ອສືບຕໍ່ປະຕິບັດ ບັນດາໜ້າທີ່ການເມືອງອັນສຳຄັນ ທີ່ພັກ-ລັດມອບໝາຍໃຫ້; ສະນັ້ນ, ການຍົກຍ້າຍບ່ອນປະຈໍາການ ພະນັກງານນໍາພາ - ຄຸ້ມຄອງທຸກລະດັບ ແມ່ນຖືເປັນຫຼັກການນຳພາຂອງພັກ "ຮັບປະກັນຫຼັກການ, ມີຂຶ້ນ-ມີລົງ, ມີເຂົ້າ-ມີອອກຕໍ່ພະນັກງານທຸກລະດັບ", ທັງແມ່ນວຽກປົກກະຕິ, ເປັນການຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່, ເຮັດໃຫ້ການສັບຊ້ອນຈັດວາງກຳລັງແຮງຫັນເຂົ້າສູ່ວິຊາຊີບ, ຕາມຂະແໜງ ການ, ຕາມຄວາມຮູ້, ຄວາມສາມາດ, ຖືກກັບໜ້າວຽກ, ຖືກກັບວິຊາສະເພາະຕາມທິດ (ມືອາຊີບ) ຮັບປະກັນທາງດ້ານຄຸນທາດ ທາງດ້ານການເມືອງ, ຄຸນສົມບັດສິນທຳປະຕິວັດ, ຄວາມຮູ້, ຄວາມສາມາດໃນການນໍາພາຄຸ້ມຄອງ ໃຫ້ສົມຄູ່ກັບຕໍາແໜ່ງທີ່ຖືກມອບໝາຍ.
(ຂໍ້ມູນ ສປສສ ຂ່າວ: ຕຸໄລເພັດ)
ຄໍາເຫັນ