ໃນວັນທີ 15 ພະຈິກ ນີ້ ທີ່ອົງການໄອຍະການປະຊາຊົນສູງສຸດ(ອອສປ) ໄດ້ຈັດພິທີປະກາດການແຕ່ງຕັ້ງ ຮອງຫົວໜ້າອົງການໄອຍະການປະຊາຊົນສູງສຸດ ໂດຍພາຍໃຕ້ການເປັນປະທານຂອງທ່ານ ໄຊຊະນະ ໂຄດພູທອນ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ ມີບັນທ່ານຮອງຫົວໜ້າອົງການໄອຍະການປະຊາຊົນສູງສຸດ, ຫົວໜ້າຫ້ອງການ, ຮອງຫົວໜ້າຫ້ອງການ, ຫົວໜ້າກົມ, ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ ແລະ ຕາງໜ້າຄະນະຈັດຕັ້ງສູນກາງພັກ ເຂົ້າຮ່ວມ.
ໃນພິທີ, ທ່ານ ທົງສັກ ກົມມະເມືອງ ຕາງໜ້າຄະນະຈັດຕັ້ງສູນກາງພັກ ໄດ້ຜ່ານລັດຖະດໍາລັດຂອງປະທານປະເທດ ແຫ່ງ ສປປ ລາວ ສະບັບເລກທີ 184/ປປທ, ລົງວັນທີ 27 ຕຸລາ 2023 ວ່າດ້ວຍການແຕ່ງຕັ້ງ ຮອງຫົວໜ້າອົງການໄອຍະການປະຊາຊົນສູງສຸດ ທ່ານ ນາງ ພອນເພັດ ອຸ່ນແກ້ວ ກຳມະການຄະນະພັກ ເລຂາໜ່ວຍພັກ ຫົວໜ້າຫ້ອງການ ອົງການໄອຍະການປະຊາຊົນສູງສຸດ ເປັນຮອງຫົວໜ້າອົງການໄອຍະການປະຊາຊົນສູງສຸດ. ຈາກນັ້ນ, ທ່ານ ຈັນທະບູນ ເພັງຄຳໃສ່ ຫົວໜ້າກົມຈັດຕັ້ງ-ພະນັກງານ ໄດ້ຜ່ານຂໍ້ຕົກລົງຂອງຫົວໜ້າອົງການໄອຍະການປະຊາຊົນສູງສຸດ ວ່າດ້ວຍການແຕ່ງ ທ່ານ ບຸນທຽງ ວິໄລວົງ ເປັນຮັກສາການຫົວໜ້າຫ້ອງການ ອົງການໄອຍະການປະຊາຊົນສູງສຸດ.
ໃນໂອກາດດັ່ງກ່າວ, ທ່ານ ໄຊຊະນະ ໂຄດພູທອນ ໄດ້ໂອ້ລົມ ແລະ ໃຫ້ທິດຊີ້ນຳຕໍ່ ບັນດາທ່ານທີ່ໄດ້ຮັບຕຳແໜ່ງໃໝ່ ໂດຍເນັ້ນໃຫ້ສືບຕໍ່ເພີ່ມທະວີກໍາລັງແຮງ ແລະ ສຸມສະຕິປັນຍາເຂົ້າໃນການປະຕິບັດໜ້າທີ່ການເມືອງ, ທີ່ພັກ-ລັດມອບໝາຍໃຫ້ ແລະ ເພີ່ມທະວີກຳລັງແຮງຄວາມສາມັກຄີພາຍໃນ, ຄວາມເປັນແບບຢ່າງນຳໜ້າໃນການຊີ້ນຳ-ນຳພາ, ເດັດຂາດໃນການປະຕິບັດໜ້າທີ່ວຽກງານບົນຫຼັກການເຮັດວຽກເປັນໝູ່ຄະນະເພື່ອຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ການເມືອງ, ວຽກງານໄອຍະການໃນໄລຍະໃໝ່. ພ້ອມນີ້, ຍັງໄດ້ຮຽກຮ້ອງໃຫ້ພະນັກງານຫຼັກແຫຼ່ງ ນໍາພາທຸກຂັ້ນຢູ່ພາຍໃນອົງການໄອຍະການປະຊາຊົນສູງສຸດເຊີດຊູຄວາມເປັນແບບຢ່າງນໍາໜ້າໃນການຊີ້ນຳ-ນຳພາ ແລະ ຈັດຕັ້ງປະຕິບັດໜ້າທີ່ວຽກງານທີ່ພັກ-ລັດມອບໝາຍໃຫ້, ໂດຍສະເພາະການນຳພາຈັດຕັ້ງປະຕິບັດວຽກງານຕິດຕາມກວດກາການປະຕິບັດ ແລະ ເຄົາລົບກົດໝາຍ ແລະ ສັ່ງຟ້ອງຜູ້ຖືກຫາຂຶ້ນສານຕັດສິນ ໃຫ້ໄດ້ຮັບຜົນສຳເລັດ.
ຂ່າວ-ພາບ: ຈະເລີນສິນ
ໃນພິທີ, ທ່ານ ທົງສັກ ກົມມະເມືອງ ຕາງໜ້າຄະນະຈັດຕັ້ງສູນກາງພັກ ໄດ້ຜ່ານລັດຖະດໍາລັດຂອງປະທານປະເທດ ແຫ່ງ ສປປ ລາວ ສະບັບເລກທີ 184/ປປທ, ລົງວັນທີ 27 ຕຸລາ 2023 ວ່າດ້ວຍການແຕ່ງຕັ້ງ ຮອງຫົວໜ້າອົງການໄອຍະການປະຊາຊົນສູງສຸດ ທ່ານ ນາງ ພອນເພັດ ອຸ່ນແກ້ວ ກຳມະການຄະນະພັກ ເລຂາໜ່ວຍພັກ ຫົວໜ້າຫ້ອງການ ອົງການໄອຍະການປະຊາຊົນສູງສຸດ ເປັນຮອງຫົວໜ້າອົງການໄອຍະການປະຊາຊົນສູງສຸດ. ຈາກນັ້ນ, ທ່ານ ຈັນທະບູນ ເພັງຄຳໃສ່ ຫົວໜ້າກົມຈັດຕັ້ງ-ພະນັກງານ ໄດ້ຜ່ານຂໍ້ຕົກລົງຂອງຫົວໜ້າອົງການໄອຍະການປະຊາຊົນສູງສຸດ ວ່າດ້ວຍການແຕ່ງ ທ່ານ ບຸນທຽງ ວິໄລວົງ ເປັນຮັກສາການຫົວໜ້າຫ້ອງການ ອົງການໄອຍະການປະຊາຊົນສູງສຸດ.
ໃນໂອກາດດັ່ງກ່າວ, ທ່ານ ໄຊຊະນະ ໂຄດພູທອນ ໄດ້ໂອ້ລົມ ແລະ ໃຫ້ທິດຊີ້ນຳຕໍ່ ບັນດາທ່ານທີ່ໄດ້ຮັບຕຳແໜ່ງໃໝ່ ໂດຍເນັ້ນໃຫ້ສືບຕໍ່ເພີ່ມທະວີກໍາລັງແຮງ ແລະ ສຸມສະຕິປັນຍາເຂົ້າໃນການປະຕິບັດໜ້າທີ່ການເມືອງ, ທີ່ພັກ-ລັດມອບໝາຍໃຫ້ ແລະ ເພີ່ມທະວີກຳລັງແຮງຄວາມສາມັກຄີພາຍໃນ, ຄວາມເປັນແບບຢ່າງນຳໜ້າໃນການຊີ້ນຳ-ນຳພາ, ເດັດຂາດໃນການປະຕິບັດໜ້າທີ່ວຽກງານບົນຫຼັກການເຮັດວຽກເປັນໝູ່ຄະນະເພື່ອຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ການເມືອງ, ວຽກງານໄອຍະການໃນໄລຍະໃໝ່. ພ້ອມນີ້, ຍັງໄດ້ຮຽກຮ້ອງໃຫ້ພະນັກງານຫຼັກແຫຼ່ງ ນໍາພາທຸກຂັ້ນຢູ່ພາຍໃນອົງການໄອຍະການປະຊາຊົນສູງສຸດເຊີດຊູຄວາມເປັນແບບຢ່າງນໍາໜ້າໃນການຊີ້ນຳ-ນຳພາ ແລະ ຈັດຕັ້ງປະຕິບັດໜ້າທີ່ວຽກງານທີ່ພັກ-ລັດມອບໝາຍໃຫ້, ໂດຍສະເພາະການນຳພາຈັດຕັ້ງປະຕິບັດວຽກງານຕິດຕາມກວດກາການປະຕິບັດ ແລະ ເຄົາລົບກົດໝາຍ ແລະ ສັ່ງຟ້ອງຜູ້ຖືກຫາຂຶ້ນສານຕັດສິນ ໃຫ້ໄດ້ຮັບຜົນສຳເລັດ.
ຂ່າວ-ພາບ: ຈະເລີນສິນ
ຄໍາເຫັນ