ການປະກວດນາງສາວງາມທິດາງານມະຫະກໍາບຸນຊ້າງ ແລະ ເປີດປີທ່ອງທ່ຽວລາວ ປະຈໍາປີ 2024 ໄດ້ຈັດຂຶ້ນໃນຄໍ່າຄືນຂອງວັນທີ 15 ກຸມພາ ຜ່ານມາ ທີ່ເດີນສະໜາມຫຼວງຂອງແຂວງໄຊຍະບູລີ, ໃຫ້ກຽດເຂົ້າຮ່ວມຮັບຊົມມີທ່ານ ນາງ ບຸດສະດີ ທະນະເມືອງ ກໍາມະການສູນກາງພັກ ຮອງຫົວໜ້າຄະນະຈັດຕັ້ງສູນກາງພັກ, ທ່ານ ດວງຕາ ໄຊວຸດ ຮອງເລຂາພັກແຂວງ, ພ້ອມດ້ວຍມວນຊົນເຂົ້າຮ່ວມຊົມຢ່າງຫຼວງຫຼາຍ.
ໃນພິທີ, ທ່ານ ນາງ ບົວຈັນ ພັນທະວົງ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ ໄດ້ກ່າວເປີດພິທີວ່າ: ການຈັດງານປະກວດນາງສາວທິດາຊ້າງປະຈໍາປີ 2024 ນີ້ ເປັນການປົກປັກຮັກສາຮີດຄອງປະເພນີອັນດີງາມຂອງຊາດ, ຂອງປະຊາຊົນບັນດາເຜົ່າໃຫ້ຄຽງຄູ່ຢູ່ກັບຄົນລາວ, ຊາດລາວຕະຫຼອດໄປ. ການຈັດງານໃນຄັ້ງນີ້, ແມ່ນຕິດພັນກັບງານມະຫະກໍາບຸນຊ້າງ ແລະ ເປີດປີທ່ອງທ່ຽວລາວປະຈໍາປີ 2024 ເປັນການຊຸກຍູ້ສົ່ງເສີມວັດທະທໍາ ຊຶ່ງສະແດງອອກໃນການນຸ່ງຖື, ວາຈາ, ກິລິຍາມາລະຍາດ, ຍິ້ມແຍ້ມແຈ່ມໃສ, ມີນໍ້າໃຈ ທີ່ເປັນເອກະລັກວັດທະນະທໍາອັນດີງາມຂອງຄົນລາວ. ການຈັດງານປະກວດຄັ້ງນີ້, ເພື່ອດຶງດູດແຂກທັງພາຍໃນ ແລະ ຕ່າງປະເທດ ໃຫ້ເຂົ້າມາໃນງານດັ່ງກ່າວໃຫ້ນັບມື້ນັບຫຼາຍຂຶ້ນ. ການປະກວດນາງສາວງາມທິດາຊ້າງ ປະຈໍາປີ ພສ 2567 ຄສ 2024 ນີ້ ມີຕົວແທນ ຈາກ 11 ເມືອງ, ມີນ້ອງນາງສາວ 22 ນ້ອງ ຊຶ່ງເລີ່ມຕົ້ນໂຮມ ແລະ ຝຶກຊ້ອມມາແຕ່ວັນທີ 12 ກຸມພາ ເປັນຕົ້ນມາ. ຜ່ານການປະກວດທີ 1 ໄດ້ແກ່ ນາງ ສຸດທິດາ ກອງຊັບ ມາຈາກເມືອງແກ່ນທ້າວ ໄດ້ຮັບມົງກຸດຕໍາແໜ່ງ ພ້ອມເງິນສົດ 7 ລ້ານກີບ ພ້ອມດ້ວຍສາຍສະພາຍ, ຮອງອັນດັບ 1 ນາງ ວິນັດ ໄຊສົມຮັກສາ ມາຈາກເມືອງພຽງ ໄດ້ຮັບມົງກຸດປະຈໍາຕໍາແໜ່ງ ຮັບເງິນສົດ 6 ລ້ານກີບ ພ້ອມສາຍສະພາຍ, ຮອງອັນດັບ 2 ນາງ ສົມພອນ ຊົມພູສຸວັນ ມາຈາກເມືອງຊຽງຮ່ອນ ໄດ້ຮັບມົງກຸດປະຈໍາຕໍາແໜ່ງ ເງິນສົດ 5 ລ້ານກີບ ພ້ອມດ້ວຍສາຍສະພາຍ, ຮອງອັນດັບ 3 ນາງທິບດາຄີມ ຂຶນທະວົງ ມາຈາກເມືອງໄຊຍະບູລີ ໄດ້ຮັບມົງກຸດປະຈໍາຕໍາແໜ່ງ ພ້ອມເງິນສົດ 3 ລ້ານກີບ ພ້ອມດ້ວຍສາຍສະພາຍ ແລະ ຮອງອັນດັບທີ 4 ໄດ້ແກ່ ນາງ ເພັດຈະເລີນ ສັກດາວົງ ມາຈາກເມືອງບໍ່ແຕນ ໄດ້ຮັບມົງກຸດປະຈໍາຕໍາແໜ່ງພ້ອມເງິນສົດ 3 ລ້ານກີບ ພ້ອມດ້ວຍສາຍສະພາຍ. ນອກນັ້ນ, ຍັງໄດ້ປະກວດນາງສາວມິດຕະພາບ, ນາງສາວຂວັນໃຈປະຊາຊົນ, ນາງສາວງາມມີສະເໜ່ ແລະ ນາງສາວອື່ນໆ.
(ຂ່າວ+ພາບ: ຄໍາໝັ້ນ)
ໃນພິທີ, ທ່ານ ນາງ ບົວຈັນ ພັນທະວົງ ຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງ ໄດ້ກ່າວເປີດພິທີວ່າ: ການຈັດງານປະກວດນາງສາວທິດາຊ້າງປະຈໍາປີ 2024 ນີ້ ເປັນການປົກປັກຮັກສາຮີດຄອງປະເພນີອັນດີງາມຂອງຊາດ, ຂອງປະຊາຊົນບັນດາເຜົ່າໃຫ້ຄຽງຄູ່ຢູ່ກັບຄົນລາວ, ຊາດລາວຕະຫຼອດໄປ. ການຈັດງານໃນຄັ້ງນີ້, ແມ່ນຕິດພັນກັບງານມະຫະກໍາບຸນຊ້າງ ແລະ ເປີດປີທ່ອງທ່ຽວລາວປະຈໍາປີ 2024 ເປັນການຊຸກຍູ້ສົ່ງເສີມວັດທະທໍາ ຊຶ່ງສະແດງອອກໃນການນຸ່ງຖື, ວາຈາ, ກິລິຍາມາລະຍາດ, ຍິ້ມແຍ້ມແຈ່ມໃສ, ມີນໍ້າໃຈ ທີ່ເປັນເອກະລັກວັດທະນະທໍາອັນດີງາມຂອງຄົນລາວ. ການຈັດງານປະກວດຄັ້ງນີ້, ເພື່ອດຶງດູດແຂກທັງພາຍໃນ ແລະ ຕ່າງປະເທດ ໃຫ້ເຂົ້າມາໃນງານດັ່ງກ່າວໃຫ້ນັບມື້ນັບຫຼາຍຂຶ້ນ. ການປະກວດນາງສາວງາມທິດາຊ້າງ ປະຈໍາປີ ພສ 2567 ຄສ 2024 ນີ້ ມີຕົວແທນ ຈາກ 11 ເມືອງ, ມີນ້ອງນາງສາວ 22 ນ້ອງ ຊຶ່ງເລີ່ມຕົ້ນໂຮມ ແລະ ຝຶກຊ້ອມມາແຕ່ວັນທີ 12 ກຸມພາ ເປັນຕົ້ນມາ. ຜ່ານການປະກວດທີ 1 ໄດ້ແກ່ ນາງ ສຸດທິດາ ກອງຊັບ ມາຈາກເມືອງແກ່ນທ້າວ ໄດ້ຮັບມົງກຸດຕໍາແໜ່ງ ພ້ອມເງິນສົດ 7 ລ້ານກີບ ພ້ອມດ້ວຍສາຍສະພາຍ, ຮອງອັນດັບ 1 ນາງ ວິນັດ ໄຊສົມຮັກສາ ມາຈາກເມືອງພຽງ ໄດ້ຮັບມົງກຸດປະຈໍາຕໍາແໜ່ງ ຮັບເງິນສົດ 6 ລ້ານກີບ ພ້ອມສາຍສະພາຍ, ຮອງອັນດັບ 2 ນາງ ສົມພອນ ຊົມພູສຸວັນ ມາຈາກເມືອງຊຽງຮ່ອນ ໄດ້ຮັບມົງກຸດປະຈໍາຕໍາແໜ່ງ ເງິນສົດ 5 ລ້ານກີບ ພ້ອມດ້ວຍສາຍສະພາຍ, ຮອງອັນດັບ 3 ນາງທິບດາຄີມ ຂຶນທະວົງ ມາຈາກເມືອງໄຊຍະບູລີ ໄດ້ຮັບມົງກຸດປະຈໍາຕໍາແໜ່ງ ພ້ອມເງິນສົດ 3 ລ້ານກີບ ພ້ອມດ້ວຍສາຍສະພາຍ ແລະ ຮອງອັນດັບທີ 4 ໄດ້ແກ່ ນາງ ເພັດຈະເລີນ ສັກດາວົງ ມາຈາກເມືອງບໍ່ແຕນ ໄດ້ຮັບມົງກຸດປະຈໍາຕໍາແໜ່ງພ້ອມເງິນສົດ 3 ລ້ານກີບ ພ້ອມດ້ວຍສາຍສະພາຍ. ນອກນັ້ນ, ຍັງໄດ້ປະກວດນາງສາວມິດຕະພາບ, ນາງສາວຂວັນໃຈປະຊາຊົນ, ນາງສາວງາມມີສະເໜ່ ແລະ ນາງສາວອື່ນໆ.
(ຂ່າວ+ພາບ: ຄໍາໝັ້ນ)
ຄໍາເຫັນ