ປະທານ ສຸພານຸວົງ ກັບວຽກງານແນວໂຮມ

ປະທານ ສຸພານຸວົງ ກັບວຽກງານແນວໂຮມ

ປະທານ ສຸພານຸວົງ ກັບວຽກງານແນວໂຮມ
ປະທານ ສຸພານຸວົງ ແມ່ນໜຶ່ງໃນບັນດາຜູ້ນໍາຮຸ່ນທໍາອິດຂອງພັກ ແລະ ລັດເຮົາ ທີ່ໄດ້ລິເລີ່ມນໍາພາຂະບວນການຕໍ່ສູ້ກູ້ຊາດ ໂດຍເລີ່ມຈາກການເຕົ້າໂຮມ ກໍ່ສ້າງ ແລະ ຂະຫຍາຍກໍາລັງປະຕິວັດໃຫ້ນັບມື້ເຕີບໃຫຍ່ເຂັ້ມແຂງຂຶ້ນເລື້ອຍໆ.ເພິ່ນໄດ້ຮ່ວມເຄື່ອນໄຫວກັບບັນດາທ່ານຜູ້ນໍາ ເຄື່ອນໄຫວນໍາພາການຕໍ່ສູ້ຂອງປະຊາຊົນລາວ ດ້ວຍຄວາມທໍລະຫົດອົດທົນ,ບໍ່ທໍ້ຖອຍຕໍ່ຄວາມລໍາບາກ ແລະ ຕໍ່ການທົດສອບທີ່ສ່ຽງໄພແຕ່ປະການໃດ.ອັນໄດ້ເຮັດໃຫ້ເພິ່ນສາມາດສ້າງໄດ້ຜົນງານອັນຍິ່ງໃຫຍ່ ແລະ ມີຄຸນງາມຄວາມດີຢ່າງຫຼວງ ຫຼາຍ.ເວົ້າລວມແມ່ນການປະກອບສ່ວນເຂົ້າໃນການນໍາພາຂອງພັກ,ແນວລາວສ້າງຊາດ, ໃນໄຊຊະນະຂອງພາລະກິດຕໍ່ສູ້ປ່ອຍຊາດໃນເມື່ອກ່ອນກໍຄືການນໍາພາຂອງພັກ,ລັດໃນຊຸມຕົ້ນປີຂອງພາລະກິດປ່ຽນແປງໃໝ່ຂອງປະເທດເຮົາ.

 

ປະທານ ສຸພານຸວົງ ແມ່ນຜູ້ນໍາທີ່ມີບົດບາດພົ້ນເດັ່ນໃນພາລະກິດປະຕິວັດປົດປ່ອຍຊາດ ແລະ ພາລະກິດປົກປັກຮັກສາ ແລະ ສ້າງສາປະເທດຊາດ, ເປັນຜູ້ນໍາທີ່ມີຄວາມເສຍສະຫຼະຜົນປະໂຫຍດສ່ວນຕົວເພື່ອສ່ວນລວມຂອງປະເທດຊາດ ແລະ ປະຊາຊົນບັນດາເຜົ່າ. ເປັນຫຼັກແຫຼ່ງແກ່ນສານໃຫ້ແກ່ການເຕົ້າໂຮມຄວາມສາມັກຄີປະຊາຊົນບັນດາເຜົ່າ, ຊັ້ນຄົນ, ສາສະໜາ ແລະ ເພດ-ໄວ ເຂົ້າໃນພາລະກິດປະຕິວັດ.

ຕະຫຼອດຊີວິດການເຄື່ອນໄຫວປະຕິວັດ ເພິ່ນໄດ້ອຸທິດປັນຍາ, ຫົວຄິດປະດິດສ້າງ ແລະ ກໍາລັງວັງຊາຂອງຕົນ ເພື່ອພາລະກິດປະຕິວັດແຕ່ຕົ້ນຕະຫຼອດປາຍ. ປະທານ ສຸພານຸວົງ ໄດ້ທຸ່ມເທສະຕິປັນຍາ ແລະ ເຫຼື່ອແຮງເພື່ອສ້າງຕັ້ງແນວໂຮມຂຶ້ນ ແລະ ໄດ້ເອົາໃຈໃສ່ປັບປຸງວຽກແນວໂຮມຢ່າງຕັ້ງໜ້າ. ເພິ່ນຖືວ່າການປັບປຸງ ແລະ ເພີ່ມທະວີວຽກງານແນວໂຮມ ແມ່ນພື້ນຖານອັນສໍາຄັນຂອງຄວາມສາມັກຄີເປັນປຶກແຜ່ນແໜ້ນໜາຂອງປວງຊົນລາວທັງຊາດ ຊຶ່ງເປັນໜຶ່ງໃນບັນດາປັດໄຈຕັດສິນໄຊຊະນະຂອງການຕໍ່ສູ້ປົດປ່ອຍຊາດ ແລະ ການຈັດຕັ້ງປະຕິບັດສອງໜ້າທີ່ຍຸດທະສາດ.

ປະທານ ສຸພານຸວົງ ແມ່ນຜູ້ນໍາທີ່ສະຫຼາດສ່ອງໃສ, ແມ່ນສັນຍາລັກແຫ່ງຄວາມສາມັກຄີ ຄວາມປອງດອງຊາດ, ມີທັດສະນະຖືກຕ້ອງເປັນທໍາ ໂດຍເລີ່ມຈາກແນວຄິດທີ່ວ່າ: ການປະຕິວັດ ແມ່ນພາລະກິດຂອງມະຫາຊົນ, ທຸກສິ່ງທຸກຢ່າງມາຈາກປະຊາຊົນ, ເພື່ອຜົນປະໂຫຍດຂອງປະຊາຊົນ ແລະ ຄວາມສາມັກຄີ ແມ່ນກໍາລັງແຮງແຫ່ງໄຊຊະນະຂອງການປະຕິວັດນັ້ນ ໄດ້ສ້າງແບບແຜນວິທີເຮັດວຽກ,ການດໍາລົງຊີວິດທີ່ລຽບງ່າຍ ແລະ ເປັນແບບຢ່າງອັນດີເດັ່ນ, ມີລັກສະນະຮອບດ້ານ, ຖືເອົາຄວາມສາມັກຄີເປັນອັນໜຶ່ງອັນດຽວຂອງປະຊາຊົນບັນດາເຜົ່າ ເປັນກ້ອນກໍາລັງມະຫາສານຂອງການປະຕິວັດ, ເຊື່ອໝັ້ນກໍາລັງແຮງອັນມະຫາສານຂອງການປະຕິວັດ, ເຊື່ອໝັ້ນກໍາລັງແຮງຂອງມະຫາຊົນໃນການຕໍ່ສູ້ຕ້ານພວກຈັກກະພັດລ່າຫົວເມືອງຂຶ້ນ ພາຍໃຕ້ພັກຂອງຊົນຊັ້ນກໍາມະກອນ ທີ່ຢຶດໝັ້ນລັດທິມາກ-ເລນິນ ເປັນຜູ້ນໍາພາ.

ໃນຄໍາປາໄສຄັ້ງທໍາອິດ ໃນວັນທີ 6 ກັນຍາ 1945 ຂອງປະທານ ສຸພານຸວົງ ກ່າວຢູ່ງານໂຮມຊຸມນຸມຂອງປະຊາຊົນເມືອງເຊໂປນ ແຂວງສະຫວັນນະເຂດ ພາຍຫຼັງ ປະທານ ຕັດສິນໃຈກັບຄືນປະເທດ ເພື່ອເຂົ້າຮ່ວມຂະບວນການຕໍ່ສູ້ກູ້ຊາດ. ປະທານ ໄດ້ກ່າວວ່າ: ແຜ່ນດິນລາວ ຕ້ອງແມ່ນຄົນລາວເປັນເຈົ້າຂອງ. ສະນັ້ນ, ພວກເຮົາທຸກຄົນຕ້ອງສາມັກຄີ, ໂຮມແຮງກັນຕໍ່ສູ້ກູ້ເອົາປະເທດຊາດອັນແສນຮັກຂອງພວກເຮົາກັບຄືນມາໃຫ້ໄດ້. ການທົດສອບຄັ້ງທໍາອິດໃນແປວໄຟປະຕິວັດໄດ້ເກີດຂຶ້ນໃນບັ້ນຮົບປ້ອງກັນຕົວເມືອງທ່າແຂກຄັ້ງວັນທີ 21 ມີນາ 1946 ອັນໄດ້ພິສູດຄວາມສາມາດຂອງປະທານ ສຸພານຸວົງ ໃນຖານະເປັນນັກຍຸດທະວິທີການທະຫານ ແລະ ເປັນຜູ້ນໍາພາ, ເຖິງວ່າໄດ້ຮັບບາດເຈັບໜັກໃນການຕໍ່ສູ້ທີ່ບໍ່ກໍ້າເກິ່ງກັບກອງທັບຈັກກະພັດໂຕເກົ່າກໍຕາມ ແຕ່ແປວໄຟປະຕິວັດໃນໃຈຂອງປະທານ ກໍບໍ່ໄດ້ດັບມອດແຕ່ປະການໃດ,ກົງກັນຂ້າມ ກໍຍັງເພີ່ມທະວີຄູນຂຶ້ນ ນັ້ນແມ່ນຈິດໃຈຮັກຊາດຂອງທ່ານ ປະທານ ສຸພານຸວົງ.

ວັນທີ 13 ສິງຫາ 1950 ກອງປະຊຸມໃຫຍ່ຜູ້ແທນແນວລາວຕໍ່ຕ້ານທົ່ວປະເທດໄດ້ເປີດຂຶ້ນຢູ່ ຕວຽນ (ຫວຽດນາມ) ໄດ້ຕົກລົງສ້າງຕັ້ງແນວໂຮມເອກະພາບແຫ່ງຊາດຢ່າງເປັນທາງການ ໂດຍໃສ່ຊື່ວ່າ ແນວລາວອິດສະຫຼະ ແລະ ສ້າງຕັ້ງລັດຖະບານລາວຕໍ່ຕ້ານ. ປະທານ ສຸພານຸວົງ ໄດ້ຮັບເລືອກຕັ້ງໃຫ້ເປັນປະທານແນວລາວອິດສະຫຼະ ທັງເປັນລັດຖະເສນາ (ນາຍົກລັດຖະມົນຕີ) ຂອງລັດຖະບານລາວຕໍ່ຕ້ານ.

ກອງປະຊຸມໃຫຍ່ໄດ້ຮຽກຮ້ອງໃຫ້ປະຊາຊົນລາວບັນດາເຜົ່າໃນທົ່ວປະເທດ ຄົນລາວທຸກຄົນ ບໍ່ວ່າຍິງ-ຊາຍນ້ອຍໃຫຍ່ ບໍ່ຈໍາແນກວ່າເຜົ່າໃດ, ສາສະໜາໃດ, ຈົ່ງສາມັກຄີກັນເຂົ້າເປັນກ້ອນກໍາລັງອັນກ້າແກ່ນ,ເດັດດ່ຽວດໍາເນີນການຕໍ່ຕ້ານຈົນເຖິງໄຊຊະນະສົມບູນ. ຂັບໄລ່ພວກຈັກກະພັດອອກຈາກປະເທດ, ກໍາຈັດພວກຂາຍຊາດ, ເຮັດໃຫ້ປະເທດຊາດເປັນເອກະພາບ, ຄັດຄ້ານກ່າວປະນາມ ແລະ ຕ້ານທຸກກົນອຸບາຍແຊກແຊງບໍ່ວ່າຈັກກະພັດໂຕໃດໆ.

ວັນທີ 6 ມັງກອນ 1956 ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ II ຂອງແນວລາວອິດສະຫຼະ ໄດ້ເປີດຂຶ້ນຢູ່ ແຂວງຫົວພັນ ໄດ້ຕົກລົງປ່ຽນຊື່ ແນວລາວອິດສະຫຼະ ມາເປັນແນວລາວຮັກຊາດ ປະທານ ສຸພານຸວົງ ໄດ້ຮັບເລືອກຕັ້ງ ເປັນປະທານຄະນະກໍາມະການສູນກາງແນວລາວຮັກຊາດ. ປະທານ ສຸພານຸວົງ ໄດ້ຖະແຫຼງວ່າ: ຢາກເຮັດການຕໍ່ສູ້ກູ້ຊາດໄດ້ຮັບໄຊຊະນະຕ້ອງຮັບປະກັນ 3 ປັດໄຈໄປພ້ອມໆກັນຄື: ຕ້ອງມີພັກນໍາພາ, ມີກໍາລັງອາວຸດທີ່ເຂັ້ມແຂງ ແລະ ມີແນວໂຮມເອກະພາບທີ່ກວ້າງຂວາງ.

ໜ້າທີ່ຂອງແນວລາວຮັກຊາດໃນສະໄໝນັ້ນ ແມ່ນຕ້ອງອອກແຮງສາມັກຄີປວງຊົນຕ້ານຈັກກະພັດ ແລະ ລູກມື, ເຕົ້າໂຮມທຸກກໍາລັງ ແລະ ສິດປະຊາທິປະໄຕ, ປະຕິບັດຄວາມສະເໝີພາບລະຫວ່າງຍິງ-ຊາຍ, ປົກປັກຮັກສາ ແລະ ຂະຫຍາຍກໍາລັງຮັກຊາດ, ຍາດແຍ່ງເອົາຄວາມເປັນໃຈສະໜັບສະໜູນຂອງປະຊາຊົນຜູ້ຮັກຫອມສັນຕິພາບໃນໂລກ.

ໃນເວລາທີ່ພັກເຮົາຍັງເຄື່ອນໄຫວແບບປິດລັບນັ້ນ, ແນວລາວຮັກຊາດ ໂດຍແມ່ນ ປະທານ ສຸພານຸວົງ ເປັນຄັນທຸງ ໄດ້ເຄື່ອນໄຫວແບບເປີດເຜີຍ. ເປັນຜູ້ນໍາເອົາແນວທາງນະໂຍບາຍຂອງພັກເຂົ້າສູ່ປະຊາຊົນບັນດາເຜົ່າ ທັງເປັນຍຸດໂທບາຍທີ່ມີຜົນສັກສິດໃນການປະຕິບັດແນວທາງການປະຕິວັດຊາດປະຊາທິປະໄຕຂອງພັກ; ໃນຖານະເປັນປະທານຄະນະກໍາມະການສູນກາງແນວລາວສ້າງຊາດ ປະທານ ສຸພານຸວົງ ໄດ້ໝູນໃຊ້ນະໂຍບາຍແນວໂຮມຂອງພັກຢ່າງມີໄຫວພິບ, ສົມທົບກັບຫຼາຍຮູບການຢ່າງອຸດົມສົມບູນ. ເພິ່ນບໍ່ພຽງແຕ່ດຶງດູດເອົາປະຊາຊົນຢູ່ເຂດຊົນນະບົດຫ່າງໄກສອກຫຼີກ ໂດຍສະເພາະແມ່ນຢູ່ສອງແຂວງເຕົ້າໂຮມ (ຫົວພັນ ແລະ ຜົ້ງສາລີ) ເທົ່ານັ້ນ, ຍັງເປັນທີ່ຍ່ອມຮັບຂອງຊົນຊັ້ນຕ່າງໆໃນຕົວເມືອງໃຫຍ່ ແລະ ປະຊາຊົນບັນດາເຜົ່າໃນ 10 ແຂວງ ທົ່ວປະເທດໃນເວລານັ້ນ ຊຶ່ງສະແດງອອກໃນບັ້ນເລືອກຕັ້ງເພີ່ມໃນປີ 1958 ປະທານ ສຸພານຸວົງ ໄດ້ຮັບຄະແນນສຽງຢ່າງຖ້ວມລົ້ນເປັນປະຫວັດສາດຂອງການເລືອກຕັ້ງສະມາຊິກສະພາຜູ້ແທນລາຊະດອນ.

ວັນທີ 6 ເມສາ 1964 ກອງປະຊຸມໃຫຍ່ແນວລາວຮັກຊາດຄັ້ງທີ III ໄດ້ເປີດຂຶ້ນຢູ່ແຂວງຫົວພັນປະທານ ສຸພານຸວົງ ໄດ້ຮັບເລືອກຕັ້ງ ເປັນປະທານຄະນະກໍາມະການສູນກາງແນວລາວຮັກຊາດ. ເພິ່ນຍັງໄດ້ຮຽກຮ້ອງເຖິງປະຊາຊົນລາວບັນດາເຜົ່າທຸກຊັ້ນຄົນ, ສາສະໜາ, ທຸກເພດໄວ ຈົ່ງຮັດແໜ້ນຄວາມສາມັກຄີ ປົກປັກຮັກສາເຂດປົດປ່ອຍໄວ້ໃຫ້ໄດ້ຢ່າງໝັ້ນຄົງ ແລະ ຂະຫຍາຍຂະບວນການຕໍ່ສູ້ເຂົ້າສູ່ເຂດຄວບຄຸມຂອງ ສັດຕູ.

ວັນທີ 1-2 ທັນວາ 1975 ກອງປະຊຸມໃຫຍ່ຜູ້ແທນທົ່ວປະເທດ ເປີດຂຶ້ນຢູ່ນະຄອນຫຼວງວຽງຈັນ ກອງປະຊຸມໄດ້ເປັນເອກະພາບແຕ່ງຕັ້ງ ປະທານ ສຸພານຸວົງ ເປັນປະທານປະເທດຜູ້ທໍາອິດຂອງ ສປປ ລາວ ແລະ ເປັນປະທານສະພາປະຊາຊົນສູງສຸດ. ຊື່ສຽງຂອງເພິ່ນໄດ້ຕິດແໜ້ນກັບປະຫວັດສາດຂອງປະຊາຊົນບັນດາເຜົ່າ, ຕິດແໜ້ນກັບວຽກງານແນວໂຮມ, ປະທານໄດ້ອຸທິດສະຕິປັນຍາ, ເຫຼື່ອແຮງທັງໝົດຂອງຕົນປະກອບສ່ວນໃນຂະບວນການຕໍ່ສູ້ ຈົນເຮັດສໍາເລັດພາລະກິດປົດປ່ອຍຊາດຢ່າງສົມບູນ.

ປະທານ ໄກສອນ ພົມວິຫານ ໄດ້ກ່າວສັນລະເສີນ ປະທານ ສຸພານຸວົງ ວ່າ: ໂດຍເດີນຕາມເສັ້ນທາງຂອງພັກຄວາມສາມາດ, ຄຸນນະທໍາ ແລະ ອິດທິພົນຂອງສະຫາຍ ໄດ້ກາຍເປັນສິ່ງຊຸກຍູ້ປຸກລະດົມ, ດຶງດູດປະຊາຊົນບັນດາເຜົ່າ, ຊັ້ນຄົນຕ່າງໆທີ່ຢູ່ພາຍໃນ ແລະ ຕ່າງປະເທດ, ປະກອບສ່ວນສ້າງກ້ອນກໍາລັງສາມັກຄີ ເປັນອັນໜຶ່ງອັນດຽວກັນ ໃນແນວໂຮມເອກະພາບແຫ່ງຊາດ ຊຶ່ງອັນນັ້ນໄດ້ເປັນໜຶ່ງໃນປັດໄຈອັນສໍາຄັນທີ່ຮັບປະກັນໄຊຊະນະຂອງການປະຕິວັດປະເທດເຮົາໃນແຕ່ລະໄລຍະ.

ໃນໂອກາດວັນຄ້າຍວັນເກີດ ຂອງປະທານ ສຸພານຸວົງ ຄົບຮອບ 116 ປີ (13/7/1909 - 13/7/2025) ທົ່ວພັກ, ທົ່ວກອງທັບ, ພະນັກງານ-ສະມາຊິກພັກ ຕະຫຼອດຮອດປະຊາຊົນບັນດາເຜົ່າ ຈົ່ງຮໍ່າຮຽນເອົາ ຄຸນສົມບັດ, ແບບຢ່າງທີ່ດີ ຂອງທ່ານ ປະທານ ສຸພານຸວົງ ໃນການເພີ່ມທະວີການເຕົ້າໂຮມກໍ່ສ້າງ ແລະ ສຶກສາອົບຮົມກ້ອນກໍາລັງສາມັກຄີປອງດອງທົ່ວປວງຊົນລາວທັງຊາດຢ່າງແໜ້ນແຟ້ນ ບົນພື້ນຖານພັນທະພາບກໍາມະກອນຊາວກະສິກອນ ແລະ ນັກຮຽນຮູ້ປັນຍາຊົນປະຕິວັດໃຫ້ມີຄວາມເປັນເອກະພາບ ເດີນຕາມອຸດົມການແຫ່ງການສ້າງປະເທດລາວໃຫ້ມັ່ງຄັ່ງເຂັ້ມແຂງ ປະຊາຊົນຮັ່ງມີຜາສຸກ ສັງຄົມມີຄວາມສາມັກຄີປອງດອງ, ມີປະຊາທິປະໄຕ, ຍຸຕິທໍ ແລະ ສີວິໄລ. ປຸກລະດົມກໍາລັງແຮງຂອງທຸກຊັ້ນຄົນ, ຊົນເຜົ່າ, ເພດໄວ ເຂົ້າຮ່ວມປະຕິບັດທຸກຂະບວນວຽກງານແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດຕາມແນວທາງປ່ຽນແປງໃໝ່ຢ່າງຮອບດ້ານຂອງພັກ ໂດຍເສີມຂະຫຍາຍນໍ້າໃຈຮັກຊາດ, ຈິດໃຈເປັນເອກະລາດ ເປັນເຈົ້າຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.

ປະທານ ສຸພານຸວົງ ວິລະບູລຸດຂອງຊາດລາວ ຍັງຝັງເລິກໃນດວງໃຈຂອງປວງຊົນລາວທົ່ວທັງຊາດຕະຫຼອດໄປ.

ຄໍາເຫັນ

ຂ່າວວັດທະນະທຳ-ສັງຄົມ

6 ເດືອນຕົ້ນປີ ອຄ ເຊກອງ ສາມາດສົ່ງອອກສິນຄ້າ 121,16 ລ້ານໂດລາ

6 ເດືອນຕົ້ນປີ ອຄ ເຊກອງ ສາມາດສົ່ງອອກສິນຄ້າ 121,16 ລ້ານໂດລາ

ທ່ານ ນາງ ວິລະຄອນ ບັນທະເວີ ຮອງຫົວໜ້າພະແນກອຸດສາຫະກໍາ ແລະ ການຄ້າ (ອຄ) ຜູ້ຊີ້ນໍາວຽກງານການຄ້າພາຍໃນ ແລະ ສົ່ງເສີມການຜະລິດເປັນສິນຄ້າແຂວງເຊກອງ ໄດ້ໃຫ້ສຳພາດຕໍ່ສື່ມວນຊົນໃນວັນທີ 27 ສິງຫາຜ່ານມາ ທີ່ພະແນກ ອຄ ແຂວງວ່າ: ໃນ 6 ເດືອນຕົ້ນປີຜ່ານມາ, ສາມາດຈັດຕັ້ງປະຕິບັດການນຳເຂົ້າສິນ ຄ້າ 4,17 ລ້ານກວ່າໂດລາ, ໃນນັ້ນຜະລິດຕະພັນທີ່ນໍາເຂົ້າສ່ວນໃຫຍ່ແມ່ນປະເພດກົນຈັກ, ປຸ໋ຍ, ອຸປະກອນນໍາໃຊ້ເຂົ້າໃນການຜະລິດເປັນສິນຄ້າຂອງບັນດາໂຄງການຕ່າງໆ ທີ່ມາລົງທຶນພາຍໃນແຂວງ.
ສສຊ ແລະ ສສ ນວ ລົງພົບປະຜູ້ມີສິດເລືອກຕັ້ງ ຢູ່ ກະຊວງ ອຄ

ສສຊ ແລະ ສສ ນວ ລົງພົບປະຜູ້ມີສິດເລືອກຕັ້ງ ຢູ່ ກະຊວງ ອຄ

ສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ (ສສ ນວ), ນຳໂດຍ ທ່ານ ວຽງວິໄລ ທ່ຽງຈັນໄຊ ສະມາຊິກສະພາແຫ່ງຊາດ ຊຸດທີ IX ປະຈຳເຂດເລືອກຕັ້ງທີ 1 ນະຄອນຫຼວວຽງຈັນ ຮອງປະທານຄະນະກຳມາທິການຍຸຕິທຳ ສະພາແຫ່ງຊາດ, ທ່ານ ນາງ ວິໄຊ ສຣິດທິລາດ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ ຮອງປະທານກຳມາທິການແຜນການ, ການເງິນ ແລະ ການກວດສອບ ສະພາແຫ່ງຊາດ, ທ່ານ ນາງ ສົມພຽນ ວົງໄຊ ສະມາຊິກສະພາແຫ່ງຊາດ ຊຸດທີ IX ປະຈໍາເຂດເລືອກຕັ້ງທີ 1 ນະຄອນຫຼວງວຽງຈັນ, ຄະນະປະຈຳ ສະພາປະຊາຊົນ ນວ ປະທານ ຄະນະກຳມະການຍຸຕິທຳ ແລະ ປ້ອງກັນຊາດ-ປ້ອງກັນຄວາມສະຫງົບ ໄດ້ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນ ນະຄອນຫຼວງວຽງຈັນ ຊຸດທີ IV ທີ່ ກະຊວງອຸດສາຫະກຳ ແລະ ການຄ້າ (ອຄ), ໃນວັນທີ 28 ສິງຫານີ້, ໂດຍມີ ທ່ານ ມະໂນທອງ ວົງໄຊ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ ແລະ ພະນັກງານ-ລັດຖະກອນ ເຂົ້າຮ່ວມ.
ການລ້ຽງສັດເປັນຟາມ ໜຶ່ງໃນທ່າແຮງຫຼັກຂອງແຂວງເຊກອງ

ການລ້ຽງສັດເປັນຟາມ ໜຶ່ງໃນທ່າແຮງຫຼັກຂອງແຂວງເຊກອງ

ການລ້ຽງສັດເປັນຟາມຢູ່ແຂວງເຊກອງ ໜຶ່ງໃນທ່າແຮງຫຼັກ ສາມາດຕອບສະໜອງດ້ານສະບຽງອາຫານພາຍໃນ ແລະ ສົ່ງອອກຕ່າງແຂວງ ສາມາດສ້າງວຽກເຮັດງານທຳໃຫ້ປະຊາຊົນພາຍໃນທ້ອງຖິ່ນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງແຂວງເປັນຢ່າງດີ.
ຈາກອາຊີບຂາຍຜັກ ມາລ້ຽງ ແລະຊື້-ຂາຍງົວ ເຮັດໃຫ້ມີລາຍຮັບ 300 ລ້ານກີບຕໍ່ປີ

ຈາກອາຊີບຂາຍຜັກ ມາລ້ຽງ ແລະຊື້-ຂາຍງົວ ເຮັດໃຫ້ມີລາຍຮັບ 300 ລ້ານກີບຕໍ່ປີ

ຕະຫຼອດໄລຍະຜ່ານມາ ພັກ-ລັດຖະບານ ໄດ້ມີແນວທາງປ່ຽນແປງໃໝ່ເພື່ອຊຸກຍູ້ປະຊາຊົນ ໃຫ້ຫັນມາເຮັດອາຊີບຄົງທີ່ ເພື່ອສ້າງລາຍຮັບເຂົ້າສູ່ຄອບຄົວໃຫ້ຫຼາຍຂຶ້ນ ດ້ວຍການນຳໃຊ້ທ່ແຮງທີ່ມີຂອງທ້ອງຖິ່ນ ແລະການເຂົ້າເຖິງແຫຼ່ງທຶນ ເພື່ອເຮັດໃຫ້ການດຳເນີນທຸລະກິດໄດ້ຮັບຜົນດີ.
ຫຼາຍປັດໄຈເຮັດໃຫ້ຂີ້ເຫຍື້ອຕົກຄ້າງໃນ ນວ

ຫຼາຍປັດໄຈເຮັດໃຫ້ຂີ້ເຫຍື້ອຕົກຄ້າງໃນ ນວ

ບັນຫາຂີ້ເຫຍື້ອຕົກຄ້າງຫຼາຍເຂດໃນນະຄອນຫຼວງວຽງຈັນ (ນວ) ປັດຈຸບັນແຕ່ລະບໍລິສັດກໍາລັງເລັ່ງດໍາເນີນການແກ້ໄຂ ໃນຂະນະທີ່ພຶດຕິກໍາການຖິ້ມຂີ້ເຫຍື້ອບໍ່ເປັນລະບຽບຂອງປະຊາຊົນຍັງເປັນອຸປະສັກໃນການເກັບມ້ຽນຂີ້ເຫຍື້ອໃນໄລຍະທີ່ຜ່ານມາ ຈຶ່ງເຮັດໃຫ້ມີກະແສສັງຄົມ, ເປັນຫາງສຽງຈົ່ມວ່າຂອງປະຊາຊົນກ່ຽວກັບບັນຫາດັ່ງກ່າວ. ດັ່ງນັ້ນ, ຫຼາຍບໍລິສັດ ຈຶ່ງໄດ້ສຸມໃສ່ການແກ້ໄຂຂີ້ເຫຍື້ອຕົກຄ້າງໃນເຂດທີ່ຕົນເອງຮັບຜິດຊອບທົ່ວ ນວ.
ງົບປະມານ ເຂົ້າໃນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນປີຜ່ານມາ

ງົບປະມານ ເຂົ້າໃນວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນປີຜ່ານມາ

ປີຜ່ານມາ, ວຽກງານພັດທະນາຊົນນະບົດ ແລະ ແກ້ໄຂຄວາມທຸກຍຸກ ທີ່ກົມພັດທະນາຊົນນະບົດໄດ້ຮັບການອະນຸມັດງົບປະມານໂຄງການທຶນຂອງລັດ ລວມ 196.8 ຕື້ກີບ, ທຶນກູ້ຢືມ 52.45 ກວ່າຕື້ກີບ ແລະ ທຶນຊ່ວຍເຫຼືອ 2.8 ລ້ານຢວນ ຊຶ່ງໄດ້ເປັນເງື່ອນໄຂຊ່ວຍໃຫ້ການຈັດຕັ້ງປະຕິບັດວຽງການດັ່ງກ່າວ ມີຫຼາຍຄາດໝາຍສູ້ຊົນທີ່ສາມາດປະຕິບັດໄດ້ລື່ນແຜນການ ກໍຄືການສ້າງຄອບຄົວພັດທະນາ, ການສ້າງບ້ານໃຫຍ່ເປັນຕົວເມືອງໃນຊົນນະບົດ ແລະ ການສ້າງເມືອງເຂັ້ມແຂງຮອບດ້ານ.
ວີແຄຣ໌ ໂສມສະກັດເພື່ອສຸຂະພາບຊ່ວຍບໍາລຸງຮ່າງກາຍ

ວີແຄຣ໌ ໂສມສະກັດເພື່ອສຸຂະພາບຊ່ວຍບໍາລຸງຮ່າງກາຍ

ໂສມສະກັດວີແຄຣ໌ (We care)ເປັນຜະລິດຂອງຄົນລາວ ນໍາໃຊ້ວັດຖຸດິບຈາກທຳມະຊາດ ເປັນໂສມສະກັດເພື່ອບໍາລຸງສຸຂະພາບບໍ່ມີສານເຄມີເຈືອປົນ ສະກັດຈາກໂສມທຳມະຊາດແທ້ເໝາະແກ່ການເບິ່ງແຍງສຸຂະພາບຄຶດເຫັນເຊກອງ ຕ້ອງຄຶດເຫັນໂສມດາກຈືງ ຊຶ່ງກາຍເປັນຜະລິດຕະພັນທີ່ໄດ້ຮັບຄວາມນິຍົມຂອງສັງຄົມ ແລະ ເປັນໜຶ່ງໃນທ່າແຮງຫຼັກຂອງແຂວງເຊກອງ.
ທະຫານແຂວງຜົ້ງສາລີ ເລື່ອນຊັ້ນ, ເລື່ອນທຽບຊັ້ນໃຫ້ນາຍ ແລະ ພົນທະຫານ

ທະຫານແຂວງຜົ້ງສາລີ ເລື່ອນຊັ້ນ, ເລື່ອນທຽບຊັ້ນໃຫ້ນາຍ ແລະ ພົນທະຫານ

ເມື່ອບໍ່ດົນມານີ້, ກອງບັນຊາການທະຫານແຂວງຜົ້ງສາລີ ໄດ້ຈັດພິທີປະກາດເລື່ອນຊັ້ນ, ເລື່ອນທຽບ ຊັ້ນໃຫ້ນາຍ ແລະ ພົນທະຫານທົ່ວທະຫານແຂວງ, ໂດຍການເປັນປະທານຂອງ ສະຫາຍ ພົນຈັດຕະວາ ຊຽງເພັງ ບົວລະວົງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງຜົ້ງສາລີ.
ຄະນະຮັບຜິດຊອບ ນະໂຍບາຍສິນເຊື່ອແຂວງຄໍາມ່ວນ ລົງຕິດຕາມ ຫົວໜ່ວຍທຸລະກິດທີ່ໄດ້ຮັບແຫຼ່ງທຶນ

ຄະນະຮັບຜິດຊອບ ນະໂຍບາຍສິນເຊື່ອແຂວງຄໍາມ່ວນ ລົງຕິດຕາມ ຫົວໜ່ວຍທຸລະກິດທີ່ໄດ້ຮັບແຫຼ່ງທຶນ

ໃນວັນທີ 26 ສິງຫາຜ່ານມາ, ທ່ານ ສົມສະອາດ ອຸ່ນສີດາ ຮອງເຈົ້າແຂວງຄໍາມ່ວນ, ທ່ານ ສົມປະດິດ ວໍລະຈິດ ວ່າການແທນຫົວໜ້າ ທະນາຄານແຫ່ງ ສປປ ລາວ ພາກກາງແຂວງສະຫວັນນະເຂດ (ທຫລ.ສຂ) ພ້ອມດ້ວຍຄະນະ ໄດ້ລົງເຄື່ອນໄຫວຕິດຕາມ, ກວດກາ ບັນດາຫົວໜ່ວຍທຸລະກິດ ທີ່ໄດ້ຮັບແຫຼ່ງທຶນ ນະໂຍບາຍສິນເຊື່ອ ເພື່ອກະຈາຍແຫຼ່ງທຶນສູ່ທ້ອງຖິ່ນ ຂອງແຂວງຄໍາມ່ວນ.
ວຽກງານ ປກຊ-ປກສ ມີຄວາມເຂັ້ມແຂງຕິດ​ພັນ​ກັບ​​ວາລະ​ແຫ່ງ​ຊາດ ​ວ່າ​ດ້ວຍ​ການ​ແກ້​ໄຂ​ບັນຫາ​ຢາ​ເສບ​ຕິດ

ວຽກງານ ປກຊ-ປກສ ມີຄວາມເຂັ້ມແຂງຕິດ​ພັນ​ກັບ​​ວາລະ​ແຫ່ງ​ຊາດ ​ວ່າ​ດ້ວຍ​ການ​ແກ້​ໄຂ​ບັນຫາ​ຢາ​ເສບ​ຕິດ

ສະຫາຍ ພົຈວ ກົງຈັນ ໄຊປັນຍາ ກຳມະການພັກແຂວງ ເລຂາຄະນະພັກ ຫົວໜ້າກອງບັນຊາການ ປກສ ແຂວງ ບໍລິຄຳໄຊ ໄດ້ຕາງໜ້າໃຫ້ແກ່ຂົງເຂດປ້ອງກັນຊາດ-ປ້ອງກັນຄວາມສະຫງົບປະກອບຄໍາເຫັນຕໍ່ກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VIII ໃນວັນທີ 25 ສິງຫານີ້ ກ່ຽວກັບ “ວຽກງານປ້ອງກັນຊາດ-ປ້ອງກັນຄວາມສະຫງົບ ໃຫ້ມີຄວາມເຂັ້ມແຂງ, ຕິດພັນກັບວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ”.
ເພີ່ມເຕີມ