ປະທານ ສສຍລ ຕ້ອນຮັບຫົວໜ້າສູນວັດທະນະທໍາຈີນອວຍພອນໂອກາດວັນແມ່ຍິງສາກົນ

ເພື່ອຮັບປະກັນການສະໜອງນໍ້າມັນເຊື້ອໄຟໃຫ້ເປັນປົກກະຕິ ແລະ ປົກປ້ອງສິດຜົນປະໂຫຍດຂອງຜູ້ຊົມໃຊ້ ໃນທ່າມກາງສະພາບການໃນພາກພື້ນຕາເວັນອອກກາງມີຄວາມບໍ່ສະຫງົບ, ກະຊວງອຸດສາຫະກຳ ແລະ ການຄ້າ (ອຄ) ຂໍແຈ້ງປະຊາສຳພັນມາຍັງປະຊາຊົນ ແລະ ຜູ້ຊົມໃຊ້ລົດໃຊ້ຖະໜົນທຸກທ່ານ ຊາບວ່າ: ອີງຕາມແຈ້ງການຂອງຫ້ອງການ, ກະຊວງ ອຄ ສະບັບເລກທີ 0583/ຫກ, ລົງວັນທີ 2 ມີນາ 2026, ທາງກະຊວງໄດ້ວາງມາດຕະການຢ່າງເຂັ້ມງວດໃຫ້ທຸກປໍ້ານໍ້າມັນຕ້ອງເປີດບໍລິການເປັນປົກກະຕິ ແລະ ຫ້າມມີການກັກຕຸນ ຫຼື ປະຕິເສດການສະໜອງນໍ້າມັນໂດຍບໍ່ມີເຫດຜົນ.

ກົມສ່ວຍສາອາກອນ ກະຊວງການເງິນ ໄດ້ຈັດພິທີເປີດຊຸດຝຶກອົບຮົມ ການນໍາໃຊ້ລະບົບຄຸ້ມຄອງລາຍຮັບສ່ວຍສາອາກອນ (TaxRIS) ຊຸດທີ 1 ຂຶ້ນໃນວັນທີ 2 ມີນາຜ່ານມາ ທີ່ກະຊວງດັ່ງກ່າວ ໂດຍການເປັນປະທານ ຂອງທ່ານ ອານຸວົງ ບົວພັນ ຮອງຫົວໜ້າກົມສ່ວຍສາອາກອນ, ມີສຳມະນາກອນຈາກບັນດາເມືອງເປົ້າໝາຍເຂົ້າຮ່ວມ.

ພິທີປະກາດການແຕ່ງຕັ້ງ ຮອງຫົວໜ້າພະແນກການເງິນແຂວງຄໍາມ່ວນ ໄດ້ຈັດຂຶ້ນໃນວັນທີ 3 ມີນາ 2026, ໂດຍການເປັນປະທານຂອງທ່ານ ສົມໃຈ ພານີຈັນ ຮອງເລຂາພັກແຂວງຄໍາມ່ວນ ຜູ້ຊີ້ນໍາວຽກງານການເມືອງ-ແນວຄິດ, ວຽກງານພັກ-ພະນັກງານ, ມີແຂກຖືກເຊີນ ຕະຫຼອດເຖິງພະນັກງານຫຼັກແຫຼ່ງພາຍໃນພະແນກການເງິນແຂວງເຂົ້າຮ່ວມ.

ສຳນັກພິມດີບຸກ ຮ່ວມກັບມະຫາວິທະຍາໄລແຫ່ງຊາດ (ມຊ) ຈັດພິທີຖະແຫຼງຂ່າວງານມະຫະກຳໜັງສື ແລະ ວັດທະນະທຳນານາຊາດ ຄັ້ງທີ VI ປີ 2026 ຂຶ້ນຫວ່າງບໍ່ດົນມານີ້ ທີ່ ມຊ ເພື່ອແຈ້ງເຖິງຄວາມພ້ອມຮອບດ້ານ ໃນການຈັດງານໃນວັນທີ 10-15 ມີນາ 2026 ທີ່ສະໂມສອນໃຫຍ່ ມຊ (ວິທະຍາເຂດດົງໂດກ) ເມືອງໄຊທານີ ນະຄອນຫຼວງວຽງຈັນ ພາຍໃຕ້ຄຳຂວັນ “ໜັງສືເຊື່ອມໂຍງວັດທະນະທຳ (Books Connecting Culture)”.

ກະຊວງແຮງງານ ແລະ ສະຫວັດດີການສັງຄົມ (ຮສສ) ຈັດພິທີມອບ-ຮັບເຄື່ອງນຸ່ງຫົ່ມກັນໜາວ ເພື່ອຊ່ວຍເຫຼືອເດັກນ້ອຍຜູ້ດ້ອຍໂອກາດ ແລະ ປະຊາຊົນທີ່ໄດ້ຮັບຜົນກະທົບຈາກໄພໜາວ ໃນເຂດຊົນນະບົດຫ່າງໄກສອກຫຼີກ ໂດຍສະເພາະແມ່ນບັນດາແຂວງພາກເໜືອຂອງລາວໃນວັນທີ 2 ມີນານີ້ ທີ່ນະຄອນຫຼວງວຽງຈັນ

ເມື່ອບໍ່ດົນຜ່ານມານີ້, ຢູ່ທີ່ຫ້ອງປະຊູມ ຫ້ອງວ່າການເມືອງຫຼວງນ້ຳທາ ແຂວງຫຼວງນໍ້າທາ ໄດ້ຈັດພິທີມອບ-ຮັບຜ້າຫົ່ມໃຫ້ 16 ບ້ານເປົ້າໜາຍໂດຍການໃຫ້ກຽດເຂົ້າຮ່ວມຂອງທ່ານ ບຸນຄົງ ພິມມະສອນ ກຳມະການພັກແຂວງ ເລຂາຄະນະບໍລິຫານງານພັກເມືອງຫຼວງນ້ຳທາ, ມີທ່ານ ສຸບັນເພຍສັກຂາ ຮອງຜູ້ອຳນວຍການບໍລິສັດຫວຍພັດທະນາ, ມີພາກສ່ວນກ່ຽວຂ້ອງ ແລະ ນາຍບ້ານເປົ້າໝາຍເຂົ້າຮ່ວມ.

ບໍລິສັດ ສາຍພູຫຼວງອັດຕະປື ພັດທະນາ ຈໍາກັດຜູ້ດຽວ ດໍາເນີນທຸລະກິດ ເນັ້ນການຊຸກຍູ້ສົ່ງເສີມການຜະລິດກະສິກໍາ ເພື່ອປະກອບສ່ວນເຂົ້າໃນການສ້າງອາຊີບ, ສ້າງວຽກເຮັດງານທໍາ, ສ້າງລາຍໄດ້ທີ່ໝັ້ນຄົງ ແລະ ແກ້ໄຂຄວາມທຸກຍາກຂອງປະຊາຊົນ ຕາມແນວທາງນະໂຍບາຍຂອງພັກ ແລະ ລັດຖະບານວາງອອກ.

ວັນທີ 2 ມີນານີ້ ທີ່ສະພາແຫ່ງຊາດໄດ້ມີຖະແຫຼງຂ່າວການປະກາດຜົນສະໝັກ ສະມາຊິກສະພາແຫ່ງຊາດ(ສສຊ) ຊຸດທີ X, ໃຫ້ກຽດຖະແຫຼງຂ່າວໂດຍ ທ່ານ ນາງສູນທອນ ໄຊຍະຈັກ ຮອງປະທານສະພາແຫ່ງຊາດ ຮອງຫົວໜ້າອະນຸກໍາມະການໂຄງປະກອບ ແລະ ບຸກຄະລາກອນ(ຄລຊ).

ໃນວັນທີ 2 ມີນານີ້ຢູ່ທີ່ສະພາປະຊາຊົນແຂວງວຽງຈັນ, ທ່ານ ບຸນສອນ ເພັດລາວັນ ປະທານສະພາປະຊາຊົນແຂວງຮອງປະທານຄະນະກຳມະການເລືອກຕັ້ງແຂວງວຽງຈັນ ໄດ້ປະກາດ ລາຍຊື່ຜູ້ສະໝັກ ໄດ້ຮັບເລືອກຕັ້ງເປັນສະມາຊິກສະພາປະຊາຊົນແຂວງວຽງຈັນ ຊຸດທີ V ຊຶ່ງມີຈຳນວນທັງໝົດ 55 ທ່ານຍິງ 12 ທ່ານ ມີດັ່ງນີ້:ເຂດເລືອກຕັ້ງ ເມືອງວຽງຄຳ:ມີທ່ານ ສົມໝາຍ ໄຊຍະວົງ, ທ່ານ ພູວົງ ສຸພັນທອນ, ທ່ານ ນາງ ເພັດສະໝອນ ສຸທຳມະວົງ, ທ່ານ ສາຍໃຈ ພົງສະນິດ, ທ່ານ ພັທ ສາຍຟອງ ແກ້ວປະເສີດ.

ເມື່ອບໍ່ດົນມານີ້, ທີ່ໂຮງຮຽນປະຖົມບ້ານດົງບັງເມືອງພະລານໄຊ ແຂວງສະຫວັນນະເຂດໄດ້ຈັດພິມີມອບ-ຮັບຊົ່ວຄາວໂຄງການປັບປຸງຍົກລະດັບທາງດິນທາງບ້ານດົງບັງ(ລວມທັງຄຸ້ມດົງສະຫວັນ-ຄຸ້ມດົງນ້ອຍ) ເມືອງພະລານໄຊ ທີ່ໄດ້ຮັບການສະໜັບສະໜູນຈາກໂຄງການພູມີທັດ ແລະຊີວິດການເປັນຢູ່ ໃນ ສປປ ລາວ. ໂດຍການເປັນປະທານຂອງທ່ານ ມ່ານ ໄຊຍະສານ ປະທານຄະນະກຳມະການປົກຄອງເມືອງພະລານໄຊ ທັງເປັນຜູ້ຊີ້ນຳໂຄງການຂັ້ນເມືອງ, ມີພາກສ່ວນກ່ຽວຂ້ອງຂັ້ນສູນກາງ, ຂັ້ນແຂວງ ແລະເມືອງ, ບໍລິສັດຜູ້ຮັບເໝົາກໍ່ສ້າງ ພ້ອມດ້ວຍພໍ່ແມ່ປະຊາຊົນບ້ານບ້ານອ້ອມຂ້າງເຂົ້າຮ່ວມ.