ຂຶ້ນໃນວັນທີ 31 ຕຸລາຜ່ານມາ ທີ່ນະຄອນຫຼວງວຽງຈັນ (ນວ) ພາຍໃຕ້ໂຄງການຮ່ວມສ້າງ“ໜຶ່ງແລວໜຶ່ງເສັ້ນທາງ".ໂດຍມີທ່ານ ວິໄລ ວົງຂະເສີມ ຮອງປະທານສູນກາງສະຫະພັນກຳມະບານລາວ(ສກລ), ທ່ານ ດາວເພັດ ອາລຸນ ປະທານສະຫະພັນກຳມະບານນວ, ທ່ານ ວາງຮົງ ຮອງປະທານຜູ້ປະຈຳການສະຫະພັນກຳມະບານແຂວງຢຸນນານ ສປ ຈີນ ພ້ອມດ້ວຍຂະແໜງການກ່ຽວຂ້ອງສອງຝ່າຍເຂົ້າຮ່ວມ.
ທ່ານ ດາວເພັດ ອາລຸນ ໄດ້ກ່າວວ່າ: ການເປີດໂຄງການຄັ້ງນີ້ມີຄວາມໝາຍຄວາມສໍາຄັນຫຼາຍຕໍ່ວຽກງານການພັດທະນາສີມືແຮງງານຂອງກຳມະກອນ ແລະ ຊາວຜູ້ອອກແຮງງານຢູ່ນວ ໃນໄລຍະໃໝ່, ການສ້າງຄວາມເຂັ້ມແຂງທາງດ້ານທັກສະສີມືແຮງງານ ຊຶ່ງເປັນການຈັດຕັ້ງປະຕິບັດ ແລະ ຜັນຂະຫຍາຍການປະກອບສ່ວນໃຫ້ແກ່ການຮັດແໜ້ນສາຍພົວພັນມິດຕະພາບອັນເປັນມູນເຊື້ອ ການຮ່ວມມືແບບເພື່ອນມິດຍຸດທະສາດຮອບດ້ານໝັ້ນຄົງຍາວນານຕາມທິດ 4 ດີ ແລະ ການເປັນຄູ່ຮ່ວມຊາຕາກຳລາວ-ຈີນ ຈີນ-ລາວ ລະຫວ່າງສອງພັກສອງລັດ ແລະ ປະຊາຊົນສອງຊາດຊຶ່ງເຫັນໄດ້ຢ່າງຈະແຈ້ງການພົວພັນຮ່ວມມືລະຫວ່າງສອງຝ່າຍໄດ້ຮັບການສືບຕໍ່ເສີມຂະຫຍາຍຢ່າງຕໍ່ເນື່ອງ ແລະ ເກີດດອກອອກຜົນຕົວຈິງໃນຫຼາຍດ້ານ ໂດຍສະເພາະແມ່ນການຈັດຕັ້ງປະຕິບັດແຜນແມ່ບົດວ່າດ້ວຍການເປັນຄູ່ຮ່ວມຊາຕາກຳລາວ ແລະ ຈີນ ໃນປີ 2019, ໄດ້ເປັນຂີດໝາຍປະຫວັດສາດຂອງການພົວພັນ-ຮ່ວມມືລະຫວ່າງສອງປະເທດ ໂດຍສະເພາະແມ່ນສະຫະພັນກຳມະບານນວ ແລະ ສະຫະພັນກຳມະບານແຂວງຢຸນນານໃຫ້ເຂົ້າສູ່ລວງເລິກ ແລະ ມີບົດບາດສຳຄັນຕໍ່ການພັດທະນາເສດຖະກິດ- ສັງຄົມຂອງສອງປະເທດລາວ-ຈີນ ກໍຄືນວ ແລະ ແຂວງຢຸນນານ.
ໃນດ້ານການລົງທຶນຈາກ ສປ ຈີນ ແມ່ນເປັນອັນດັບ 1 ໃນນວ ໃນນັ້ນລວມມີນັກທຸລະກິດຂອງແຂວງຢຸນນານທີ່ມາດຳເນີນທຸລະກິດຢູ່ນວ. ໃນໄລຍະຜ່ານມາ ນວ ແລະ ແຂວງຢຸນນານຍັງບໍ່ທັນໄດ້ມີການລົງເລິກການຮ່ວມມື ແລະ ແລກປ່ຽນນຳກັນເທື່ອ. ດັ່ງນັ້ນ, ການເປີດໂຄງການຕົວແບບວ່າດ້ວຍການສ້າງຄວາມເຂັ້ມແຂງທາງດ້ານທັກສະສີມືແຮງງານຄັ້ງນີ້ເປັນຄັ້ງທຳອິດທີ່ສອງນະຄອນກໍຄືສອງສະຫະພັນກຳມະບານລາວ-ຈີນຈະໄດ້ລິເລີ່ມການເພີ່ມທະວີສ້າງສາຍພົວພັນການແລກປ່ຽນ ແລະ ການຮ່ວມມືໃຫ້ເກີດເປັນຮູບປະທຳໃນຕໍ່ໜ້າຕາມທິດ “ໜຶ່ງແລວໜຶ່ງເສັ້ນທາງ".
ຂ່າວ-ພາບ: ຍຸພິນທອງ
ຄໍາເຫັນ