ງານດັ່ງກ່າວມີຜູ້ແທນຈາກຕ່າງປະເທດຫຼາຍກວ່າ 200 ຄົນ ຈາກ 100 ປະເທດ ພ້ອມທັງຜູ້ແທນຈາກອົງການສາກົນ ແລະ ອົງການພາກພື້ນ ລວມທັງສຳນັກຂ່າວ ແລະ ສະຖາບັນສື່ມວນຊົນ 182 ແຫ່ງ ເຂົ້າຮ່ວມ.
ບັນດາຜູ້ເຂົ້າຮ່ວມເຫັນວ່າ ຂໍ້ລິເລີ່ມໜຶ່ງແລວໜຶ່ງເສັ້ນທາງ ນັບແຕ່ການສະເໜີເປັນແນວຄິດລິເລີ່ມຂອງ ສປ ຈີນ ຈົນກາຍມາເປັນການປະຕິບັດຮ່ວມກັນໃນລະດັບສາກົນ ໄດ້ກາຍເປັນສິນຄ້າສາທາລະນະສາກົນທີ່ໄດ້ຮັບການຍອມຮັບຢ່າງກວ້າງຂວາງ ແລະ ເປັນເວທີຮ່ວມມືດ້ານເສດຖະກິດສາກົນທີ່ໃຫຍ່ທີ່ສຸດໃນໂລກ ເມື່ອພິຈາລະນາຈາກຂະໜາດ ຂອບເຂດການກວມລວມ ແລະ ອິດທິພົນ.
 |
ບັນດາຜູ້ເຂົ້າຮ່ວມຍັງເຫັນວ່າ ສື່ມວນຊົນຈາກປະເທດຕ່າງໆ ຄວນຮ່ວມມືກັນໃນການບັນທຶກ ແລະ ເຜີຍແຜ່ເລື່ອງລາວອັນໜ້າປະທັບໃຈກ່ຽວກັບເສັ້ນທາງສາຍໄໝ ຊຸກຍູ້ການສື່ສານດ້ານນະໂຍບາຍ ແລະ ການແລກປ່ຽນປະຊາຊົນສູ່ປະຊາຊົນ ພ້ອມທັງຮ່ວມກັນສ້າງບັນຍາກາດຄວາມຄິດເຫັນສາທາລະນະທີ່ເອື້ອອຳນວຍຕໍ່ການຮ່ວມມື.
ເວທີດັ່ງກ່າວຈັດຂຶ້ນພາຍໃຕ້ຫົວຂໍ້ “ສ້າງຄວາມເຂົ້າໃຈຮ່ວມກັນ ແລະ ສານຄວາມປາຖະໜາຮ່ວມກັນຕາມແນວທາງໜຶ່ງແລວໜຶ່ງເສັ້ນທາງ” ໂດຍແມ່ນການຮ່ວມກັນຈັດຂຶ້ນຂອງສຳນັກພິມປະຊາຊົນ (People's Daily) ແລະ ລັດຖະບານແຂວງຝູຈ້ຽນ ສປ ຈີນ. ກອງປະຊຸມປະກອບມີພິທີເປີດ, ເວທີສົນທະນາຍ່ອຍ 3 ຫົວຂໍ້ ແລະ ການວາງສະແດງຜົນສຳເລັດຂອງການຮ່ວມມືພາຍໃຕ້ຂໍ້ລິເລີ່ມໜຶ່ງແລວໜຶ່ງເສັ້ນທາງ.
ພາຍຫຼັງສິ້ນສຸດເວທີດັ່ງກ່າວ ຜູ້ແທນສື່ມວນຊົນຈີນ ແລະ ສາກົນ ຈະຮ່ວມກັນລົງພື້ນທີ່ເພື່ອປະຕິບັດວຽກງານຂ່າວ ແລະ ລາຍງານຂ່າວຢູ່ພາຍໃນແຂວງຝູຈ້ຽນ ລວມທັງພື້ນທີ່ອື່ນໆຂອງປະເທດຈີນ.
ແຫຼ່ງຂ່າວ: china daily people
ຄໍາເຫັນ