ພາ​ຍຸ​ໄຕ້​ຝຸ່ນ​ເຮັດ​ໃຫ້​ຟີ​ລິບ​ປິນມີ​ຜູ້​ເສຍ​ຊີ​ວິດ 27 ຄົນ​ ແລະ ​ສູນ​ຫາຍ 16 ຄົນ

ຂ່າວຕ່າງປະເທດລາຍງານ ໃນວັນທີ 30 ກັນຍາ ຜ່ານມາວ່າ: ກອງທຶນຄວາມຮັ່ງມີແຫ່ງຊາດດານັນຕາຣາ (Danantara) ປະກາດວ່າ: ອິນໂດເນເຊຍ ຈະເປີດໂຄງການປ່ຽນຂີ້ເຫຍື້ອເປັນພະລັງງານ (WTE) ໃນທ້າຍເດືອນຕຸລາ ນີ້ ຊຶ່ງເປັນສ່ວນໜຶ່ງຂອງຄວາມພະຍາຍາມໃນການຄຸ້ມຄອງຂີ້ເຫຍື້ອທີ່ເພີ່ມຂຶ້ນ ແລະສົ່ງເສີມພະລັງງານໝູນວຽນ.

ຂ່າວສານຊີອາໄອລາຍງານ ຫວ່າງມໍ່ໆມານີ້ວ່າ: ຫ້ອງການຖະແຫຼງຂ່າວລັດຖະບານຈີນໄດ້ຈັດກອງປະຊຸມຖະແຫຼງຂ່າວເພື່ອແຈ້ງຜົນສໍາເລັດການພັດທະນາທີ່ມີຄຸນນະພາບສູງດ້ານຊົນລະປະທານໃນໄລຍະປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 14 ຂອງຈີນ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 30 ກັນຍາ ຜ່ານມາ, ຢູ່ສຳນັກງານລັດຖະບານ, ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ຕ້ອນຮັບທ່ານນາງ ມາເຣຍ ຊິງໂກນີ ຜູ້ອຳນວຍການຝ່າຍບໍລິຫານຮັບຜິດຊອບແຫຼ່ງໄຟຟ້າຂອງບໍລິສັດ GE Vernova (ສະຫະລັດ ອາເມຣິກາ) ແລະ ບັນດາຄູ່ຮ່ວມງານຂອງບໍລິສັດ ຊຶ່ງພວມຢ້ຽມຢາມ, ເຮັດວຽກຢູ່ຫວຽດນາມ.

ຂ່າວຕ່າງປະເທດລາຍງານ ໃນວັນທີ 29 ກັນຍາ ຜ່ານມາວ່າ: ທ່ານ ອັບດຸລ ຟັດຕາ ອັສຊີຊີ ປະທານາທິບໍດີເອຢິບ ເປີດເຜີຍວ່າ: ລາຍຮັບຈາກຄອງຊູແອດ ຊຶ່ງເປັນແຫຼ່ງເງິນຕາຕ່າງປະເທດຂອງເອຢິບໄດ້ຫຼຸດລົງປະມານ 9 ຕື້ໂດລາ ໃນໄລຍະສອງປີຜ່ານມາ, ຍ້ອນສະພາບແວດລ້ອມພາກພື້ນທີ່ທ້າທາຍ.

ຂ່າວຕ່າງປະເທດລາຍງານ ໃນວັນທີ 29 ກັນຍາ ຜ່ານມາວ່າ: ຫ້ອງການສະຖິຕິແຫ່ງຊາດຂອງ ສ ເກົາຫຼີ ລາຍງານວ່າ, ອັດຕາສ່ວນປະຊາກອນຜູ້ອາຍຸສູງໃນ ສ ເກົາຫຼີ ຈະລື່ນກາຍ 20% ເປັນຄັ້ງທໍາອິດໃນປີ 2025 ຊຶ່ງສົ່ງຜົນໃຫ້ ສ ເກົາຫຼີ ກ້າວເຂົ້າສູ່ສະຖານະພາບຂອງ “ສັງຄົມຜູ້ອາຍຸສູງລະດັບສູງສຸດ” (super-aged society) ແລ້ວ.

ຂ່າວຕ່າງປະເທດລາຍງານ ໃນວັນທີ 29 ກັນຍາ ຜ່ານມາວ່າ: ທ່ານ ຊັລຄິຟລີ ຮາຊານ ລັດຖະມົນຕີກະຊວງປະສານງານດ້ານອາຫານຂອງອິນໂດເນເຊຍ ເປີດເຜີຍວ່າ: ອິນໂດເນເຊຍ ໄດ້ເລີ່ມປູກເຂົ້າໃນເນື້ອທີ່ປະມານ 481,000 ເຮັກຕາ ຢູ່ເມືອງເມຣາອູເກ ແຂວງປາປົວ, ເພື່ອຫັນປ່ຽນພາກພື້ນດັ່ງກ່າວໃຫ້ເປັນແຫຼ່ງສະບຽງອາຫານແຫ່ງຊາດພາຍໃຕ້ໂຄງການຍຸດທະສາດ.

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ກອງ​ປະ​ຊຸມ​ວຽກ​ງານ​ຂອງ​ສະ​ຖາ​ບັນ​ການ​ປົກ​ຄອງ​ທົ່ວ​ປະ​ເທດ​ຈີນ​ໄດ້​ຈັດ​ຂຶ້ນ​ຢູ່​ນະ​ຄອນຫຼວງ​ປັກ​ກິ່ງ. ຂ່າວລະບຸວ່າ: ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນປະທານຄະນະກຳມະການການທະຫານສູນກາງຈີນ ໄດ້ໃຫ້ຄຳຊີ້ນຳສຳຄັນຕໍ່ວຽກງານຂອງສະຖາບັນດັ່ງກ່າວ ໂດຍໄດ້ຢືນຢັນຢ່າງເຕັມທີ່ຕໍ່ຜົນງານໃໝ່ນັບຕັ້ງແຕ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 18 ຂອງພັກກອມມູນິດຈີນເປັນຕົ້ນມາຂອງສະຖາບັນການປົກຄອງຂັ້ນຕ່າງໆໃນດ້ານຄຸນນະພາບການຮຽນ-ການສອນ, ການຄົ້ນຄວ້າວິທະຍາສາດ ແລະ ການປະດິດສ້າງ ແລະ ອື່ນໆ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 29 ກັນຍາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ໂຕເລິມ ເລຂາທິການໃຫຍ່ ພັກກອມມູນິດ ຫວຽດນາມ ໄດ້ໃຫ້ການຕ້ອນຮັບທ່ານ ວີຢາເຊສລາຟ ໂວໂລດິນ ປະທານສະພາດູມາ ແຫ່ງຊາດ ຣັດເຊຍ (ສະພາຕ່ຳ) ທີ່ຢ້ຽມຢາມ ຫວຽດນາມ ຢ່າງເປັນທາງການ ແລະ ເປັນປະທານຮ່ວມກອງປະຊຸມຄັ້ງທີ 4 ຄະນະກຳມະການຮ່ວມມືລະຫວ່າງລັດຖະສະພາ ສອງສະພາແຫ່ງຊາດ ຫວຽດາມ ແລະ ສະພາດູມາ ແຫ່ງຊາດ ຣັດເຊຍ. ທ່ານເລຂາທິການໃຫຍ່ ເນັ້ນໜັກວ່າ: ຫວຽດນາມ ຍາມໃດກໍຢາກພັດທະນາຢ່າງຮອບດ້ານການພົວພັນມິດຕະພາບທີ່ເປັນມູນເຊື້ອ ແລະ ຄູ່ຮ່ວມມືຍຸດທະສາດຮອບດ້ານ ກັບ ຣັດເຊຍ, ສົມກັບເປັນຕຳແໜ່ງຂອງສອງປະເທດໃນນະໂຍບາຍການຕ່າງປະເທດຂອງກັນ ແລະ ປະຫວັດສາດການພົວພັນທີ່ດີງາມທີ່ສຸດລະຫວ່າງສອງປະເທດ.

ປີນີ້ແມ່ນປີທີ່ເຂດປົກຄອງຕົນເອງວຸຍເກີຊິ່ນຈ່ຽງຈີນ ສ້າງຕັ້ງຂຶ້ນຄົບຮອບ 70 ປີ. ຫວ່າງມໍ່ໆມານີ້, ລັດຖະບານຈີນໄດ້ເຜີຍແຜ່ ປຶ້ມປົກຂ່າວທີ່ມີຫົວຂໍ້ວ່າ “ພຶດຕິກຳທີ່ສຳເລັດຜົນແຫ່ງແຜນຍຸດທະສາດປົກຄອງເຂດຊິ່ນຈ່ຽງຂອງສູນກາງພັກກອມມູນິດຈີນໃນຍຸກໃໝ່”, ໂດຍນຳໃຊ້ຂໍ້ມູນປະຫວັດສາດທີ່ອຸດົມສົມບູນ ແລະ ໂຕເລກລະອຽດໜັກແໜ້ນ, ສະແດງໃຫ້ເຫັນເຖິງຜົນສຳເລັດຄັ້ງປະຫວັດສາດດ້ານການພັດທະນາເສດຖະກິດ-ສັງຄົມຂອງຊິ່ນຈ່ຽງ, ຍ້ອນຫຍັງຈຶ່ງໄດ້ຮັບຜົນສຳເລັດເຫຼົ່ານີ້, ແລະ ຈະຊຸກຍູ້ການພັດທະນາດ້ວຍຄຸນນະພາບສູງຄືແນວໃດໃນອະນາຄົດ.

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ສະຫະພັນ​ເຂົ້າ​ມຽນມາ​ລາຍ​ງານ​ວ່າ, ມຽນມາ​ໄດ້​ວາງ​ເປົ້າ​ໝາຍ​ສົ່ງ​ອອກ​ເຂົ້າສານ ​ແລະ​ ເຂົ້າ​ຫັກ 300.000 ​ໂຕນ​ຕໍ່​ເດືອນ​ ໃນ​ໄລຍະ​ເຄິ່ງປີ​ຫຼັງຂອງງົບປະມານ 2025-2026 (ຕຸລາ 2025 - ມີ​ນາ 2026).