ເຜີຍແຜ່ກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດຢູ່ແຂວງຄໍາມ່ວນ

15:01 27/08/2026

ທະນາຄານແຫ່ງ ສປປ ລາວ (ທຫລ) ສາຂາພາກກາງ ແຂວງສະຫວັນນເຂດ ຮ່ວມກັບ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ແຂວງຄໍາມ່ວນ ໄດ້ຈັດກອງປະຊຸມເຜີຍແຜ່ກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ໃນວັນທີ 26 ສິງຫານີ້ ທີ່ ແຂວງຄຳມ່ວນໂດຍການເຂົ້າຮ່ວມເປັນປະທານຂອງທ່ານ ບຸນສຸກ ພາມີໂຊກ ຮອງຫົວໜ້າຫ້ອງການຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ແຂວງຄໍາມ່ວນ, ທ່ານ ພະນາວັນ ຈູມມະນີລາດ ຮອງຫົວໜ້າສາຂາ ທຫລ ພາກກາງ ແຂວງສະຫວັນນະເຂດ, ມີຂະແໜງການກ່ຽວຂ້ອງ ແລະ ບັນດາຜູ້ປະກອບການທຸລະກິດພາຍໃນແຂວງຄໍາມ່ວນເຂົ້າຮ່ວມ.

ເຜຍແຜກດໝາຍວາດວຍການຄມຄອງເງນຕາຕາງປະເທດຢແຂວງຄາມວນ - image 1

ທ່ານ ນາງ ອາວິລະ ຄຸນນະວົງ ຮອງຫົວໜ້າພະແນກເສດຖະກິດເງິນຕາ ແລະ ຄຸ້ມຄອງເງິນຕາຕ່າງປະເທດ ແລະ ທ່ານ ນາງ ສິດທະນົງ ໄຊສຸຣິໂຍ ວິຊາການ ຈາກພະແນກເສດຖະກິດ, ໄດ້ເຜີຍແຜ່ກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15/ສພຊ, ລົງວັນທີ 7 ກໍລະກົດ 2022 ແລະ ນິຕິກໍາທີ່ກ່ຽວຂ້ອງ ແລະ ຜ່ານຂໍ້ຕົກລົງວ່າດ້ວຍການຄຸ້ມຄອງເງິນຕາຕ່າງປະເທດ ກ່ຽວກັບການນໍາເຂົ້າທຶນໂດຍກົງຈາກຕ່າງປະເທດ.

ການເຜີຍແຜ່ກົດໝາຍໃນຄັ້ງນີ້ ແມ່ນເພື່ອຊຸກຍູ້ສົ່ງເສີມການຈໍລະຈອນເງິນຕາ, ການຄ້າ, ການບໍລິການ-ການລົງທຶນໃຫ້ມີປະສິດທິພາບ, ສ້າງຄວາມເຂັ້ມແຂງຖານະ ໃນການຊໍາລະກັບຕ່າງປະເທດ ແລະ ຄັງສໍາຮອງເງິນຕາ, ເປັນການຍົກສູງຄຸນຄ່າ ແລະ ຮັກສາສະຖານະພາບຂອງເງິນຕາແຫ່ງຊາດ, ແນໃສ່ເຮັດໃຫ້ບັນດາຜູ້ເຂົ້າຮ່ວມ ກໍຄືຜູ້ປະກອບການທຸລະກິດ ໄດ້ຮັບຮູ້ ແລະ ເຂົ້າໃຈຕໍ່ກັບເນື້ອໃນກົດໝາຍຢ່າງຈະແຈ້ງ, ເພື່ອຊຸກຍູ້ສົ່ງເສີມການຄຸ້ມຄອງເງິນຕາຕ່າງປະເທດ ໃຫ້ເຂົ້າສູ່ລະບົບ ແລະ ຖືກຕ້ອງສອດຄ່ອງຕາມລະບຽບ-ກົດໝາຍ ເພື່ອໃຫ້ມີຄວາມເປັນເອກະພາບ, ເປັນບ່ອນອີງ ໃນການຈັດຕັ້ງປະຕິບັດໃນຂົງເຂດຂອງຕົນ ແນໃສ່ຫຼຸດຜ່ອນການນຳໃຊ້ເງິນຕາຕ່າງປະເທດແບບຊະຊາຍໃນສັງຄົມ.

ຂ່າວ: ກອງຄໍາ

ຄໍາເຫັນ

ຂ່າວວັດທະນະທຳ-ສັງຄົມ

ບໍລິສັດຢາງພາລາຫວຽດ-ລາວ ມອບທຶນສະໜັບສະໜູນການສຶກສາ ແລະ ສາທາລະນະສຸກເມືອງບາຈຽງ

27/08/2026 15:24

ບໍລິສັດຢາງພາລາຫວຽດ-ລາວ ໄດ້ມອບທຶນສະໜັບສະໜູນການສຶກສາ ແລະ ສາທາລະນະສຸກ ເມືອງບາຈຽງຈະເລີນສຸກ ແຂວງຈຳປາສັກ, ເພື່ອປະກອບສ່ວນເປັນລາງວັນໃຫ້ແກ່ນັກຮຽນທີ່ມີຜົນການຮຽນດີເດັ່ນ ໃນລະດັບຊັ້ນ ປ5, ມ4 ແລະ ມ7 ແລະມອບເງິນປັບປຸງພື້ນຖານໂຄງລ່າງໂຮງໝໍເມືອງ.

ການນຳເມືອງມຸນລະປາໂມກ ມອບເຄື່ອງຊ່ວຍເຫຼືອແກ່ຜູ້ປະສົບໄພນ້ຳຖ້ວມຢູ່ຕາແສງນາດີ

27/08/2026 15:22

ທ່ານ ສົມສັກ ເສົາວະລັດ ເລຂາພັກເມືອງ ພ້ອມດ້ວຍ ທ່ານ ສົມຈັນ ສີຈັນແດງ ຮອງເລຂາພັກເມືອງຄະນະກຳມະການຕ້ານໄພພິບັດຂັ້ນເມືອງໄດ້ສືບຕໍ່ລົງຕິດຕາມ, ກວດກາສະພາບຄວາມເສຍຫາຍ, ເກັບກຳຂໍ້ມູນຕົວຈິງ ພ້ອມທັງມອບເຄື່ອງ ຊ່ວຍເຫຼືອເບື້ອງຕົ້ນ ໃຫ້ແກ່ຄອບຄົວທີ່ຖືກຜົນກະທົບຈາກໄພພິບັດນ້ຳຖ້ວມ ຢູ່ຕາແສງນາດີເມືອງມຸນລະປາໂມກແຂວງຈຳປາສັກເມື່ອບໍ່ດົນມານີ້.

ເລຂາພັກແຂວງໄຊຍະບູລີ ຕິດຕາມໂຄງການກໍ່ສ້າງປ້ອງກັນຕາຝັ່ງເຈື່ອນ ຢູ່ເມືອງແກ່ນທ້າວ

27/08/2026 15:21

ທ່ານ ເພັງນິລັນ ຄໍາພັນເພັງ ກໍາມະການສູນກາງພັກເລຂາຄະນະບໍລິຫານງານພັກແຂວງປະທານສະພາປະຊາຊົນແຂ;ວງໄຊຍະບູລີພ້ອມດ້ວຍຄະນະ ໄດ້ລົງຕິດຕາມ ແລະ ຊຸກຍູ້ໂຄງການກໍ່ສ້າງປ້ອງກັນຕາຝັ່ງເຈື່ອນແຄມແມ່ນໍ້າເຫືອງ ຢູ່ເມືອງແກ່ນທ້າວໃນວັນທີ 22 ສິງຫາຜ່ານມາ, ໂດຍການຕ້ອນຮັບຂອງ ທ່ານ ຄໍາປຸ່ນ ນວນສະບັບ ກໍາມະການພັກແຂວງເລຂາຄະນະບໍລິຫານງານພັກເມືອງແກ່ນທ້າວ ພ້ອມດ້ວຍຂະແໜງການທີ່ກ່ຽວຂ້ອງ.

ຄຳມ່ວນປາຖະກະຖາວັນລັດຖະທຳມະນູນແລະວັນຢຶດອຳນາດ

27/08/2026 15:19

ແຂວງຄຳມ່ວນໄດ້ຈັດພິທີປາຖະກະຖາວັນລັດຖະທໍາມະນູນແຫ່ງສປປລາວຄົບຮອບ35ປີ (15ສິງຫາ1991 - 15ສິງຫາ2026 ) ແລະວັນຢຶດອຳນາດຄົບຮອບ81ປີ (23ສິງຫາ1945-23ສິງຫາ2026) ໃນວັນທີ24ສິງຫາ2026ຢູ່ທີ່ສະໂມສອນໃຫຍ່ຂອງແຂວງໂດຍການໃຫ້ກຽດປາຖະກະຖາຂອງທ່ານໄຊຊະນະໂຄດພູທອນກຳມະການສູນກາງພັກເລຂາຄະນະບໍລິຫານງານພັກແຂວງປະທານສະພາປະຊາຊົນແຂວງຄໍາມ່ວນແລະທ່ານສົມໃຈພານິຈັນຮອງເລຂາຄະນະບໍລິຫານງານພັກແຂວງ, ຜູ້ຊີ້ນໍາວຽກງານການເມືອງ-ແນວຄິດ, ວຽກພັກ-ພະນັກງານ, ມີຄະນະນໍາແຂວງ, ບັນດາພະແນກການ, ກໍາລັງປ້ອງກັນຊາດ-ປ້ອງກັນຄວາມສະຫງົບ, ພາກສ່ວນຕ່າງໆອ້ອມຂ້າງເຂົ້າຮ່ວມ.

ເມືອງສຸຂຸມາເປີດສວນຢາພື້ນເມືອງຫວັງເປັນແຫຼ່ງອະນຸລັກ ແລະ ຮຽນຮູ້

27/08/2026 15:18

ຫ້ອງການສາລະນະສຸກເມືອງສຸຂຸມາ ຮ່ວມກັບຫ້ອງການກະສິກຳ ແລະ ສິ່ງແວດລ້ອມເມືອງ ຈັດພິທີ ເປີດສວນຢາພື້ນເມືອງ ຢູ່ບ້ານໂນນແດງໃຕ້,ຕາແສງສຳຫຼຽງ ເມື່ອບໍ່ດົນມານີ້ ໂດຍເປັນປະທານຂອງທ່ານ ຄຳບອນ ສີຮັກສາ ຮອງປະທານກຳມະການປົກຄອງເມືອງ, ຜູ້ຊີ້ນຳວຽກງານຂົງເຂດວັດທະນະທຳ-ສັງຄົມແລະການປົກຄອງ,ທ່ານ ສີສຸກ ແກ້ວມະນີວົງ ຫົວໜ້າຫ້ອງການ ສາທາລະນະສຸກເມືອງ,ມີພາກສ່ວນກ່ຽວຂ້ອງເຂົ້າຮ່ວມ.

ຫສນຍ ຝຶກອົບຮົມວຽກງານການສະກັດກັ້ນ ແລະ ຕ້ານອັກຄີໄພ

27/08/2026 15:16

ຄະນະປ້ອງກັນພາຍໃນ ຫ້ອງການວ່າການສຳນັກງານນາຍົກລັດຖະມົນຕີ (ຫສນຍ) ຮ່ວມກັບ ກົມຕໍາຫຼວດສະກັດກັ້ນ ແລະ ຕ້ານອັກຕີໄພ ກະຊວງປ້ອງກັນຄວາມສະຫງົບ ໄດ້ຈັດຝຶກອົບຮົມວຽກງານການສະກັດກັ້ນ ແລະ ຕ້ານອັກຄີໄພ ໃຫ້ແກ່ພະນັກງານ ຫສນຍ, ໃນວັນທີ 27 ສິງຫານີ້ ໂດຍການເປັນປະທານຂອງ ທ່ານ ຄຳຜາ ພິມມະສອນຮອງລັດຖະມົນຕີຮອງຫົວໜ້າ ຫສນຍ; ມີວິທະຍາກອນ ຈາກກົມຕໍາຫຼວດສະກັດກັ້ນ ແລະ ຕ້ານອັກຄີໄພ, ມີພາກສ່ວນກ່ຽວຂ້ອງເຂົ້າຮ່ວມ.

ເລຂາຄະນະບໍລິຫານງານ ສູນກາງຊາວໜຸ່ມ ເນັ້ນ 7 ບັນຫາຫັນປ່ຽນວຽກງານຊາວໜຸ່ມສູ່ບາດກ້າວໃໝ່

27/08/2026 15:14

ໃນໂອກາດລົງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຄໍາມ່ວນ, ທ່ານ ທອງລີ ສີສຸລິດ ກຳມະການສູນກາງພັກເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ ໄດ້ໂອ້ລົມຕໍ່ຄະນະບໍລິຫານງານຊາວໜຸ່ມແຂວງຄໍາມ່ວນໃນວັນທີ 27 ສິງຫານີ້.

ຈາກການນຳຂັ້ນສູງຂອງແຂວງກ້າວສູ່ຜະລິດກະສິກຳປອດສານພິດ ຫຼັງບຳນານ

27/08/2026 15:13

ຫຼັງຈາກອອກພັກການ-ຮັບອຸດໜູນບຳນານຫຼາຍຄົນອາດຈະເລືອກພັກຜ່ອນຢູ່ເຮືອນ, ແຕ່ສຳລັບ ທ່ານ ນາງ ແພງ ກັນຍາພີມ ອະດີດຮອງເຈົ້າແຂວງຫົວພັນ, ພະນັກງານບຳນານກັບກາຍເປັນໂອກາດໃໝ່ໃນການຫັນມາເຮັດກະສິກຳຢ່າງຈິງຈັງຈົນປະສົບຜົນສຳເລັດຢ່າງໜ້າພໍໃຈດ້ວຍຄວາມພະຍາຍາມ ແລະ ການຮຽນຮູ້ຢ່າງບໍ່ຢຸດຢັ້ງ, ທ່ານໄດ້ທົດລອງປູກໝາກມັງກອນ ແລະ ໝາກໄມ້ປອດສານພິດຫຼາກຫຼາຍຊະນິດ ຢູ່ເມືອງຊຳເໜືອ ແລະ ເມືອງວຽງໄຊ ແຂວງຫົວພັນ, ກາຍເປັນແບບຢ່າງອັນດີໃນການສ້າງລາຍຮັບ ແລະ ສ້າງຄວາມສຸກໃນໄວບຳນານ ໃຫ້ແກ່ບັນດາພະນັກງານບຳນານ ແລະ ປະຊາຊົນທົ່ວໄປ.

ປິດຊຸດອົບຮົມຍົກລະດັບສີມືໃນການຕັດເສື້ອແວັດ ແລະແຟ້ມໃສ່ເອກະສານ

27/08/2026 15:12

ສູນພັດທະນາແມ່ຍິງບັນດາເຜົ່າ ແຂວງເຊກອງ ໄດ້ຈັດພິທີປິດຊຸດອົບຮົມຍົກລະດັບສີມືໃນການຕັດເສື້ອແວັດ ແລະເຮັດແຟ້ມໃສ່ເອກະສານ ເພື່ອແປຮູບຜະລິດຕະພັນໃຫ້ກາຍເປັນເອກະລັກຂອງທ້ອງຖິ່ນ ເປັນອາຊີບ, ມີລາຍຮັບໃຫ້ແກ່ຕົນເອງ ແລະ ຄອບຄົວ.

ກະຊວງຍຸຕິທຳ ປາຖະກະຖາ ວັນສຳຄັນຂອງຊາດ

27/08/2026 15:10

ກະຊວງຍຸຕິທຳ, ໄດ້ຈັດພິທີປາຖະກະຖາ ວັນສຳຄັນຊອງຊາດ ຄື: ວັນສ້າງຕັ້ງແນວລາງສ້າງຊາເ ຄົບຮອບ 76 ປີ,ວັນປະກາດໄຊ້ລັດຖະທໍາມະນູນແຫ່ງ ສປປ ລາວ ຄົບຮອບ 35 ປີ ແລະ ວັນຢຶດອໍານາດທົ່ວປະເທດ ຄົບຮອບ 81 ປີ ຂຶ້ນໃນວັນ ທີ 25 ສິງຫານີ້ທີ່ກະຊວງຍຸຕິທໍາ ໂດຍການປາຖະກະຖາຂອງ ທ່ານ ຄຳພັນ ບຸນພາຄົມ ຮອງເລຂາຄະນະບໍລິຫານງານພັກກະຊວງ,ຮອງລັດຖະມົນຕີ ກະຊວງຍຸຕິທຳ,ມີບັນດາຫົວໜ້າກົມ, ຮອງກົມພ້ອມດ້ວຍພະນັກງານວິຊາການເຂົ້າຮ່ວມຮັບຟັງ.

ເພີ່ມເຕີມ