ວ່າດ້ວຍການໃຫ້ອະໄພຍະໂທດ ປະຈຳປີ 2024 ແລະ ທາບທາມຮ່າງ ລັດຖະບັນຍັດ ຂອງປະທານປະເທດ ວ່າດ້ວຍການໃຫ້ອະໄພຍະໂທດ. ໂດຍການເປັນປະທານຂອງ ທ່ານ ບຸນທັນ ບຸນທະວິໄລ ຮອງຫົວໜ້າອົງການໄອຍະການປະຊາຊົນສູງສຸດຫົວໜ້າກອງເລຂາ ຄະນະກຳມະການອະໄພຍະໂທດ ລະດັບຊາດ,ມີຫົວໜ້າກົມຕິດຕາມກວດກາຄ້າຍຄຸມຂັງ-ດັດສ້າງ ອອປສ, ຕາງໜ້າສານປະຊາຊົນສູງສຸດ, ອົງການໄອຍະການທະຫານຂັ້ນສູງ, ກະຊວງປ້ອງກັນຄວາມສະຫງົບ, ສະພາປະຊາຊົນ ແຂວງສະຫວັນນະເຂດ, ສາລະວັນ, ຈໍາປາສັກ, ເຊກອງ, ອັດຕະປື ແລະ ພະແນກຍຸຕິທຳແຂວງຂ້ອງເຂົ້າຮ່ວມ.
ໃນວາລະດັ່ງກ່າວ, ທ່ານ ບົວລີ ເພັດມີໄຊ ຫົວໜ້າກົມຕິດຕາມກວດກາຄ້າຍຄຸມຂັງ-ດັດສ້າງ ອອປສ ໄດ້ຂຶ້ນເຜີຍແຜ່ ລັດຖະບັນຍັດ ວ່າດ້ວຍການໃຫ້ອະໄພຍະໂທດ ສະບັບເລກທີ 001/ປປທ, ລົງວັນທີ 20 ມີນາ 2018 ແລະ ບັນດາຄຳແນະນຳ ຂອງຄະນະນຳປະທານອະໄພຍະໂທດ ລະດັບຊາດ ແລະ ຜົນສຳເລັດ ໃນການຈັດຕັ້ງປະຕິບັດວຽກງານທີ່ຜ່ານມາ. ກອງປະຊຸມ ໄດ້ຮັບຟັງການແລກປ່ຽນປະກອບຄຳຄິດ-ຄຳເຫັນ 12 ຫົວຂໍ້ທີ່ສໍາຄັນຈາກບັນດາຜູ້ແທນທີ່ເຂົ້າຮ່ວມໃສ່ຮ່າງລັດຖະບັນຍັດ ຂອງປະທານປະເທດ ວ່າດ້ວຍການໃຫ້ອະໄພຍະໂທດ ເພື່ອເປັນບ່ອນອີງໃນການຄົ້ນຄວ້າ, ປັບປຸງ ໃຫ້ສົມບູນ ແລະ ເປັນລະບົບຄົບຖ້ວນກ້າວເຂົ້າສູ່ພາກປະຕິບັດໃຫ້ສອດຄ່ອງກັບຄວາມເປັນຈິງ ຕາມກົດໝາຍ ແຫ່ງ ສປປ ລາວ. ການຮ່າງກົດໝາຍສະບັບນີ້ ແມ່ນເພື່ອຈັດຕັ້ງຜັນຂະຫຍາຍແນວທາງຂອງພັກ ກ່ຽວກັບການສ້າງລັດທີ່ປົກຄອງດ້ວຍກົດໝາຍຢູ່ປະເທດຂອງພວກເຮົາ ໃຫ້ເປັນລັດທີ່ຖືກົດໝາຍ ຍົກສູງປະສິດທິພາບການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ຢູ່ ສປປ ລາວ ໃນຕໍ່ໜ້າ ແລະ ຍາວນານ ເພື່ອເຮັດໃຫ້ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍ, ສ້າງເສດຖະກິດມີການຂະຫຍາຍຕົວຢ່າງຕໍ່ເນື່ອງ, ແກ້ໄຂຂໍ້ຂັດແຍ່ງທີ່ມີໃນສັງຄົມ ຕາມຂະບວນຍຸຕິທຳ ຖືກຕ້ອງເປັນທຳຕາມກົດໝາຍ.
ໃນໂອກາດດັ່ງກ່າວ, ປະທານກອງປະຊຸມ ໄດ້ສະແດງຄວາມຍ້ອງຍໍຊົມເຊີຍ ຄະນະຜູ້ແທນກອງປະຊຸມ ທີ່ໄດ້ຍົກສູງຄວາມຮັບຜິດຊອບຄົ້ນຄວ້າ ໃນການປະກອບຄຳເຫັນຢ່າງຕັ້ງໜ້າ ເຮັດໃຫ້ເນື້ອໃນກົດໝາຍຄົບຖ້ວນ, ສົມບູນ, ຮັດກຸມ ແລະ ສ່ອງແສງເຖິງແນວທາງຂອງພັກ, ມີລັກສະນະຊາດ, ລັກສະນະວິທະຍາສາດ, ລັກສະນະສາກົນ ໂດຍສອດຄ່ອງກັບສະພາບຄວາມເປັນຈິງ ໃນສະເພາະໜ້າ ແລະ ຍາວນານ ຊຶ່ງບົດຮຽນດັ່ງກ່າວ ຈະເປັນພື້ນຖານອັນສໍາຄັນເຂົ້າໃນການຄົ້ນຄວ້າ ແລະ ເຮັດໃຫ້ກອງປະຊຸມໃນຄັ້ງນີ້ ດໍາເນີນໄປ ດ້ວຍຜົນສຳເລັດອັນຈົບງາມ.
(ຂ່າວ- ພາບແສງພະຈັນ)
ຄໍາເຫັນ