 |
ທ່ານ ນາງ ຟາງ ຫົງ ໄດ້ຍົກໃຫ້ເຫັນ ປີນີ້ເປັນປີສະເຫຼີມສະຫຼອງສາຍພົວພັນການທູດລາວ-ຈີນ, ຈີນ-ລາວ ຄົບຮອບ 65 ປີ, ທ່ານໃຫ້ຮູ້ຕື່ມວ່າປະເທດຈີນປະກອບມີ 56 ຊົນເຜົ່າ, ພັກກອມມູນິດຈີນ ໄດ້ຖືວຽກງານຊົນເຜົ່າເປັນວຽກງານໜຶ່ງທີ່ສຳຄັນຂອງຊາດ. ການຈັດກອງປະຊຸມຄັ້ງນີ້ ເພື່ອເປັນການເສີມຂະຫຍາຍສາຍພົວພົວອັນເປັນມູນເຊື້ອຂອງສອງພັກ-ສອງລັດ ແລະ ປະຊາຊົນສອງຊາດລາວ-ຈີນ, ຈີນ-ລາວ ແລະ ຍັງເປັນການເຜີຍແຜ່, ແລກປ່ຽນຄວາມຮູ້, ປະສົບການກ່ຽວກັບວຽກງານຊົນເຜົ່າ ຊຶ່ງກັນ ແລະ ກັນ.
 |
ໂອກາດນີ້, ທ່ານ ຊູ ເຊົ້າເວີນ (Xu Shaowen) ຮອງເລຂາຄະນະພັກ ແລະ ຮອງອະທິການບໍດີ ມະຫາວິທະຍາໄລຊົນເຜົ່າຕາເວັນຕົກສຽງເໜືອ ໄດ້ເຜີຍແຜ່ກົດໝາຍວ່າດ້ວຍການສົ່ງເສີມຄວາມສາມັກຄີ ແລະ ຄວາມກ້າວໜ້າຂອງຊົນເຜົ່າແຫ່ງຊາດຈີນ ຊຶ່ງໄດ້ຍົກໃຫ້ເຫັນ 4 ຫົວຂໍ້ທີ່ສຳຄັນ ເປັນຕົ້ນ 1. ສະພາບລວມຂອງປະເທດທີ່ມີຫຼາຍຊົນເຜົ່າ ໂດຍໄດ້ກຳນົດ 5 ດ້ານທີ່ເຊື່ອມເຂົ້າກັນ ແລະ 4 ສິ່ງຮ່ວມກັນ; 2. ນະໂຍບາຍວຽກງານຊົນເຜົ່າຂອງພັກກອມມູນິດຈີນໃນຍຸກໃໝ່ ໂດຍໄດ້ກຳນົດພາລະກິດສຳຄັນ 5 ປະການ; 3. ແນວຄິດ ແລະ ການຊີ້ນຳ ຂອງທ່ານ ສີຈິ້ນຜິງ ກ່ຽວກັບການເສີມສ້າງ ແລະ ປັບປຸງວຽກງານຊົນເຜົ່າ ທີ່ເປັນແກ່ນແທ້ໂດຍໄດ້ກຳນົດ 12 ຕ້ອງ; 4. ການປົກຄອງຕາມກົດໝາຍ ແລະ ການຮັບປະກັນການສົ່ງເສີມຄວາມສາມັກຄີ ແລະ ຄວາມກ້າວໜ້າຂອງຊົນເຜົ່າໃນໄລຍະໃໝ່. ພ້ອມກັນນີ້, ທ່ານ ຍັງໄດ້ຍົກໃຫ້ເຫັນການຮ່ວມມືກັນກໍ່ສ້າງຄູ່ຮ່ວມຊະຕາກຳລາວ-ຈີນ. ຈາກນັ້ນ, ຜູ້ເຂົ້າຮ່ວມໄດ້ພ້ອມກັນປະກອບຄຳຄິດເຫັນແລກປ່ຽນບົດຮຽນ ຊຶ່ງກັນ ແລະ ກັນ ຢ່າງກົງໄປກົງມາຕໍ່ວຽກງນດັ່ງກ່າວ.
 |
ທ່ານ ລາວປາວຊົ່ງ ນະວົງໄຊ ໄດ້ກ່າວສະແດງຄວາມຂອບໃຈເປັນຢ່າງຍິ່ງຕໍ່ຄະນະຜູ້ແທນຈີນທີ່ໄດ້ໃຫ້ການຮ່ວມມືຈັດກອງປະຊຸມຄັ້ງນີ້ ທ່າມກາງສາຍພົວພັນມິດຕະພາບ, ການຮ່ວມມືອັນເປັນມູນເຊື້ອ ແລະ ການເປັນຄູ່ຮ່ວມຊະຕາກຳລາວ-ຈີນ ທີ່ສອງຝ່າຍໄດ້ຮ່ວມກັນສືບຕໍ່ເສີມຂະຫຍາຍໃຫ້ນັບມື້ເລິກເຊິ່ງ, ຮອບດ້ານ ພ້ອມຕີລາຄາສູງຕໍ່ສາຍພົວພັນຮ່ວມມືອັນໃກ້ຊິດ ແລະ ສະໝ່ຳສະເໝີລະ ຫວ່າງຄະນະກຳມະການ ສນຊ ກັບ ຄະນະກຳມະການວຽກງານຊົນເຜົ່າແຫ່ງຊາດຈີນ.
ຂ່າວ-ພາບ: ສນຊ
ຄໍາເຫັນ