ຫວ່າງບໍ່ດົນມານີ້ ທີ່ສະໂມສອນແຂວງຫຼວງນ້ໍາທາ ໄດ້ເຜີຍແຜ່ຜົນສໍາເລັດກອງປະຊຸມຄົບຄະນະກາງສະໄໝຂອງຄະນະບໍລິຫານງານສູນກາງພັກ(ຄສພ) ສະໄໝທີ XI, ໂດຍການເປັນປະທານຂອງ ທ່ານ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງນໍ້າທາ, ມີຮອງເລຂາພັກແຂວງ, ກໍາມະການປະຈໍາພັກແຂວງ, ກໍາມະການພັກແຂວງ, ຫົວໜ້າພະແນກ-ຮອງຫົວໜ້າພະແນກການ ອົງການທຽບເທົ່າ ກອງບັນຊາການ ປກຊ-ປກສ ແຂວງ ຕະຫຼອດຮອດເຈົ້າເມືອງ-ຮອງເຈົ້າເມືອງ 5 ເມືອງ ເຂົ້າຮ່ວມ; ກອງປະຊຸມໄດ້ຮັບຟັງການເຜີຍແຜ່ ຄໍາສັ່ງແນະນໍາວ່າດ້ວຍ ການຜັນຂະຫຍາຍຜົນສໍາເລັດຂອງກອງປະຊຸມຄົບຄະນະກາງສະໄໝຂອງ ຄສພ ສະໄໝທີ XI ຂອງພັກ ສະບັບເລກທີ 434 /ຄລສພ ລົງວັນທີ 18 ກັນຍາ 2023, ຕີລາຄາການຈັດຕັ້ງປະຕິບັດ ມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກໃນໄລຍະຜ່ານມາ, ຮັບຟັງບົດລາຍງານກ່ຽວກັບການສະຫຼຸບການຈັດຕັ້ງປະຕິບັດກາງສະໄໝ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 9 ປີ 2021-2025 ຕິດພັນກັບການຈັດຕັ້ງປະຕິບັດ 2 ວາລະແຫ່ງຊາດ ແລະ ທິດທາງແຜນການທ້າຍສະໄໝຮອດປີ 2025, ຮັບຟັງມະຕິກອງປະຊຸມຄົບຄະນະກາງສະໄໝຂອງ ຄສພ ສະໄໝທີ XI ລົງວັນທີ 18 ສິງຫາ 2023, ຮັບຟັງມະຕິວ່າດ້ວຍການສືບຕໍ່ຍູ້ແຮງການຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນຳພາຂອງພັກ ສະບັບເລກທີ 05/ຄບສພ ລົງວັນທີ 5 ກັນຍາ 2023 ແລະ ຮັບຟັງບົດຄໍາເຫັນຊີ້ນໍາຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ແຫ່ງ ສປປ ລາວ ຕໍ່ກອງປະຊຸມຄົບຄະນະກາງສະໄໝ ຂອງ ຄສພ ສະໄໝທີ XI.
ການເຜີຍແຜ່ຜົນສຳເລັດກອງປະຊຸມຄົບຄະນະກາງສະໄໝຂອງ ຄສພ ສະໄໝທີ XI ໃນຄັ້ງນີ້ ກໍເພື່ອໃຫ້ຄະນະພັກຂັ້ນຕ່າງໆ, ພະນັກງານຫຼັກແຫຼ່ງ ສະມາຊິກພັກ-ພະນັກງານໄດ້ຮັບຮູ້ເຂົ້າໃຈ ເຊື່ອມຊຶມ ກຳແໜ້ນຢ່າງເລິກເຊິ່ງ ທົ່ວເຖິງ ແລະ ມີຄວາມເປັນເອກະພາບສູງ ຕໍ່ເນື້ອໃນຂອງກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກສະໄໝທີ XI, ພ້ອມທັງສືບຕໍ່ປັບປຸງເນື້ອໃນ ແລະ ບັນດາມາດຕະການເຄື່ອນໄຫວຕົວຈິງ ແນໃສ່ປະຕິບັດບັນດາຄາດໝາຍສູ້ຊົນ ວຽກງານຈຸດສຸມ ແລະ ແຜນປະຕິບັດງານລະອຽດ ໃນການຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ກໍຄືມະຕິກອງປະຊຸມໃຫຍ່ຂອງອົງຄະນະພັກແຂວງ ໃຫ້ເຂົ້າສູ່ການຈັດຕັ້ງປະຕິບັດຕົວຈິງ ແລະ ມີປະສິດທິຜົນສູງ.
(ຂ່າວ-ພາບ: ມຸນຕີ)
ການເຜີຍແຜ່ຜົນສຳເລັດກອງປະຊຸມຄົບຄະນະກາງສະໄໝຂອງ ຄສພ ສະໄໝທີ XI ໃນຄັ້ງນີ້ ກໍເພື່ອໃຫ້ຄະນະພັກຂັ້ນຕ່າງໆ, ພະນັກງານຫຼັກແຫຼ່ງ ສະມາຊິກພັກ-ພະນັກງານໄດ້ຮັບຮູ້ເຂົ້າໃຈ ເຊື່ອມຊຶມ ກຳແໜ້ນຢ່າງເລິກເຊິ່ງ ທົ່ວເຖິງ ແລະ ມີຄວາມເປັນເອກະພາບສູງ ຕໍ່ເນື້ອໃນຂອງກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກສະໄໝທີ XI, ພ້ອມທັງສືບຕໍ່ປັບປຸງເນື້ອໃນ ແລະ ບັນດາມາດຕະການເຄື່ອນໄຫວຕົວຈິງ ແນໃສ່ປະຕິບັດບັນດາຄາດໝາຍສູ້ຊົນ ວຽກງານຈຸດສຸມ ແລະ ແຜນປະຕິບັດງານລະອຽດ ໃນການຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ກໍຄືມະຕິກອງປະຊຸມໃຫຍ່ຂອງອົງຄະນະພັກແຂວງ ໃຫ້ເຂົ້າສູ່ການຈັດຕັ້ງປະຕິບັດຕົວຈິງ ແລະ ມີປະສິດທິຜົນສູງ.
(ຂ່າວ-ພາບ: ມຸນຕີ)
ຄໍາເຫັນ