 |
ໃນພິທີ ໄດ້ຮັບຟັງການຜ່ານ ຂໍ້ຕົກລົງຂອງທ່ານ ປະທານຄະນະກໍາມະການປົກຄອງເມືອງ ສະບັບເລກທີ 365/ຄປມ. ມໝ ລົງວັນທີ 3 ກັນຍາ ວ່າດ້ວຍ ການອະນຸມັດເປີດພິທີມອບໃບຢັ້ງຢືນ ບ້ານວັດທະນະທຳຮອບ II ປະຈໍາປີ 2026, ຈາກນັ້ນ ທ່ານ ບຸນປອນ ຍິ່ງພົມມະນີຈັນ ກໍາມະການພັກເມືອງ ຫົວໜ້າຫ້ອງການ ວັດທະນະທໍາ ແລະ ການ ທ່ອງທ່ຽວເມືອງ ໄດ້ໃຫ້ກຽດຂຶ້ນຜ່ານ ບົດສະຫຼຸບໂຄງການປະເມີນຜົນຄື່ນ ບ້ານວັດທະ ນະທຳຮອບ II ໂດຍໃຫ້ຮູ້ວ່າ: ຄະນະພັກອົງການປົກຄອງບ້ານ ເອົາໃຈໃສ່ສຶກສາອົບຮົມການເມືອງ-ແນວຄິດ, ເຜີຍແຜ່ບັນດາມະຕິ, ຄຳສັ່ງ, ແຈ້ງການຕ່າງໆ ໃຫ້ປະຊາຊົນໄດ້ຮັບຮູ້ເຊື່ອມຊືມແນວທາງນະໂຍບາຍຂອງພັກ-ລັດ, ສະພາບເສດຖະກິດ-ຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂຶ້ນຢ່າງຕໍ່ເນື່ອງ, ໃນນັ້ນຈຳນວນ 6 ບ້ານທີ່ປະກາດເປັນບ້ານວັດທະນະທຳຮອບIIນີ້ ມີ: ບ້ານ ດອນຮຽງ, ບ້ານ ນາບົວ, ບ້ານ ໂນນໄຮ, ບ້ານ ໂພນງາມ, ບ້ານ ນາໝໍ້ ແລະ ບ້ານ ໂພນແສນ, ມີທັງໝົດ 2,169 ຄອບຄົວ, ມີ 4 ເຜົ່າດໍາລົງຊີວິດຢູ່ຮ່ວມກັນຄື: ເຜົ່າລາວ, ເຜົາກຶມມຸ, ເຜົ່າມົ້ງ ແລະ ເຜົ່າໄຕ, ມີພົນລະເມືອງທັງໝົດ 14,060 ຄົນ, ຍິງ 6,997 ຄົນ, ປະຊາຊົນເຊື່ອຖືສາສະໜາພຸດ, ຜີ ແລະ ສາສະໜາຕ່າງປະເທດຈໍານວນໜຶ່ງ, ອາຊີບຕົ້ນຕໍ່ແມ່ນ ເຮັດນາປູກເຂົ້າ, ປູດພຶດ, ລ້ຽງສັດເປັນສີນຄ້າ ແລະ ຄ້າຂາຍຈໍານວນໜື່ງ ພ້ອມນີ້ໃນພິທີກໍ່ໄດ້ມອບໃບຢັ້ງຢືນບ້ານວັດທະນາທຳຮອບII ໃຫ້ແກ່ 6 ບ້ານ.
ໂອກາດດຽວກັນນີ້ທ່ານ ສີວຽງໄຊ ອໍລະບູນ ກໍ່ໄດ້ມີຄຳເຫັນໂອ້ລົມຕໍ່ພິທີໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດຄັ້ງນີ້ ເນັ້ນໜັກ ໃຫ້ຄະນະພັກ, ອົງການປົກຄອງບ້ານ ແລະ ປະຊາຊົນບັນດາເຜົ່າ ຕ້ອງກໍາ
ແໜ້ນແນວທາງນະໂຍບາຍຂອງພັກ ແລະ ລະບຽບກົດໝາຍຂອງລັດເປັນສຳຄັນຕິດພັນ ການຫັນເອົາບັນດາມາດຖານຂອງການສ້າງຄອບຄົວ ແລະ ບ້ານວັດທະນາທຳ ມາເປັນແຜນການເຄື່ອນໄຫວຢ່າງລະອຽດ, ປົກປັກຮັກສາຮີດຄອງປະເພນີ, ສົ່ງເສີມວັດທະນະທຳອັນດີງາມຂອງຊາດ ກໍ່ຄື ຂອງເຜົ່າ, ເຄົາລົບນັບຖືຮີດ 12, ຄອງ 14, ມີນໍ້າໃຈຮັກຊາດ ແລະ ເປັນເຈົ້າການເຄົາລົບ, ປະຕິບັດລະບຽບກົດໝາຍ, ເພື່ອພັດທະນາຕົນເອງ ແລະ ຄອບຄົວ, ຈາກນັ້ນ ຄະນະປະທານພ້ອມດ້ວຍພາກສ່ວນທີ່ກ່ຽວຂ້ອງ ແຂກໄດ້ຮັບເຊີນ ໄດ້ເຂົ້າຮ່ວມພິທີລັ່ນຄອງ 9 ບາດ ເພື່ອເປັນສິລິມຸງຄຸນໃຫ້ແກ່ບ້ານ ພ້ອມທັງເປີດປ້າຍບ້ານວັດທະນະທໍາຮອບທີ 2 ຂອງເມືອງຢ່າງເປັນທາງການ.ພາບ-ຂ່າວ ນາງ ວັນນາ
ຄໍາເຫັນ