 |
ໃນພິທີ ສະຫາຍ ວິໄລວົງ ບຸດດາຄຳ ກຳມະການສູນກາງພັກ,ຮອງຫົວໜ້າຄະນະຈັດຕັ້ງສູນກາງພັກ ໄດ້ຂຶ້ນອ່ານລັດຖະດຳລັດ ປະທານປະເທດວ່າດ້ວຍການປະດັບຫຼຽນກາລະນຶກ50ປີ ແລະດຳເນີນພິທີປະດັບຫຼຽນໃຫ້ແກ່ບັນດາສະຫາຍການນຳຂັ້ນສູງແລະອະດີດການນຳດັ່ງນີ້:
1/ ປະດັບຫຼຽນກາລະນຶກ50ປີ ວັນສະຖາປານາ ສປປ ລາວ ໃຫ້ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ,ປະທານປະເທດ ແຫ່ງສປປ ລາວ ໃຫ້ກຽດປະດັບໂດຍແມ່ນສະຫາຍ ນາງ ປານີ ຢາທໍ່ຕູ້ ກຳມະການກົມການເມືອງສູນກາງພັກ,ຮອງປະທານປະເທດ
 |
2/ ປະດັບຫຼຽນກາລະນຶກ50ປີວັນສະຖາປານາ ສປປ ລາວ ໃຫ້ແກ່ສະຫາຍ ຈູມມາລີ ໄຊຍະສອນ ແລະ ສະຫາຍ ບຸນຍັງ ວໍລະຈິດ ອະດີດ ເລຂາທິການໃຫຍ່ ຄະນະບໍລິຫານງານສູນກາງພັກ,ປະທານປະເທດ ແຫ່ງສປປ ລາວ,ໃຫ້ກຽດປະດັບຫຼຽນກາລະນຶກ ໂດຍແມ່ນ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ,ປະທານປະເທດ ແຫ່ງສປປ ລາວ
 |
3/ ປະດັບຫຼຽນກາລະນຶກ50ປີວັນສະຖາປານາ ສປປ ລາວ ໃຫ້ແກ່ບັນດາສະຫາຍກຳມະການກົມການເມືອງສູນກາງພັກ(ປະຈຳການແລະບຳນານ)ຈຳນວນ 16 ສະຫາຍ,ໂດຍແມ່ນ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ,ປະທານປະເທດ ແຫ່ງສປປ ລາວໃຫ້ກຽດປະດັບ
 |
4/ ປະດັບຫຼຽນກາລະນຶກ50ປີວັນສະຖາປານາ ສປປ ລາວ ໃຫ້ແກ່ຄະນະເລຂາທິການສູນກາງພັກ(ປະຈຳການແລະບຳນານ)ຈຳນວນ 8 ສະຫາຍ,ໂດຍແມ່ນ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ,ຜູ້ປະຈຳການຄະນະເລຂາທິການສູນກາງພັກ,ຮອງປະທານປະເທດ ແຫ່ງສປປ ລາວ ໃຫ້ກຽດປະດັບ
 |
5/ ປະດັບຫຼຽນກາລະນຶກ50ປີວັນສະຖາປານາ ສປປ ລາວ ໃຫ້ແກ່ບັນດາທ່ານຮອງປະທານສະພາແຫ່ງຊາດແລະອະດີດຮອງປະທານສະພາແຫ່ງຊາດ,ອະດີດການນຳພັກ-ລັດ ຈຳນວນ 8 ສະຫາຍ ໂດຍແມ່ນ ສະຫາຍ ບຸນທອງ ຈິດມະນີ ກຳມະການກົມການເມືອງສູນກາງພັກ,ຜູ້ປະຈຳການຄະນະເລຂາທິການສູນກາງພັກ,ຮອງປະທານປະເທດ ແຫ່ງສປປ ລາວ ໃຫ້ກຽດປະດັບ,ທັງໝົດນີ້ເພື່ອສະແດງຄວາມຮູ້ບຸນຄຸນຕໍ່ການນຳຂັ້ນສູງໃນອະດີດແລະປັດຈຸບັນ,ກ່ອນໜ້ານີ້ເມື່ອ50ປີເພື່ອຫວນຄືນເຖິງວັນມະຫາໄຊຊະນະຈິດວິນຍານແຫ່ງການປະຕິວັດຊາດປະຊາທິປະໄຕລະນຶກເຖິງຜົນງານແລະການເສຍສະຫຼະອັນຍິ່ງໃຫຍ່ຂອງປະທານ ໄກສອນ ພົມວິຫານ,ປະທານສຸພານຸວົງ,ບັນດາຜູ້ນຳ,ນັກປະຕິວັດ,ວິລະຊົນ,ສະມາຊິກພັກ-ພະນັກງານຕະຫຼອດຮອດປະຊາຊົນລາວບັນດາເຜົ່າທີ່ໄດ້ອຸທິດໃຫ້ແກ່ພາລະກິດຕໍ່ສູ້ກູ້ຊາດຢ່າງພິລະອາດຫານຈົນສາມາດຍາດໄດ້ເອກກະລາດແຫ່ງຊາດແລະປົດປ່ອຍປະເທດຊາດໄດ້ຢ່າງສົມບູນແລະສະຖາປານາເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 (ຂ່າວ-ພາບ:ພູວຽງຄຳ)
ຄໍາເຫັນ