 |
ເມືອງຜົ້ງສາລີ ປະກອບມີ 66 ບ້ານ, ມີ 8 ກຸ່ມບ້ານ, ມີ 12 ບ້ານຂຶ້ນກັບເທດສະບານເມືອງ, ມີ 4,677 ຄົວເຮືອນ, ມີ 5,418 ຄອບຄົວ, ມີພົນລະເມືອງທັງໝົດ 23,141 ຄົນ ຍິງ 12,344 ຄົນ, ຜູ້ມີສິດເລືອກຕັ້ງ ຕາມສຳມະໂນຄົວ 13,344 ຄົນ ຍິງ 5,960 ຄົນ; ຜູ້ມີສິດເລືອກຕັ້ງ ຕາມສຳມະໂນຄົວພາຍໃນເມືອງຕົວຈິງ ມີ 11,033 ຄົນ ຍິງ 5,407 ຄົນ; ຜູ້ມີສິດເລືອກຕັ້ງ ຢູ່ທ້ອງຖິ່ນອື່ນ ມີ 2,433 ຄົນ ຍິງ 431 ຄົນ; ຜູ້ໄປເຮັດວຽກຕ່າງປະເທດ ຕາມສໍາມະໂນຄົວ ມີ 161 ຄົນ ຍິງ 71 ຄົນ; ຜູ້ມີສິດມາຈາກທ້ອງຖິ່ນອື່ນ ມີ 69 ຄົນ, ຊຶ່ງໄດ້ກໍານົດຈຸດເລືອກຕັ້ງ ໃນຄັ້ງນີ້, ມີ 23 ຈຸດເລືອກຕັ້ງ ແລະ ມີໜ່ວຍປ່ອນບັດເຄື່ອນທີ່ ມີ 11 ໜ່ວຍ.
ບັນດາທ່ານ ຜູ້ສະໝັກຮັບ ເລືອກຕັ້ງ ສສຊ ຊຸດທີ X ແຂວງຜົ້ງສາລີ ມີຈຳນວນ 10 ທ່ານ ຍິງ 2 ທ່ານ ໃນນີ້, ຕົວແທນຈາກສູນກາງ 2 ທ່ານ, ຈາກຂັ້ນແຂວງ 8 ທ່ານ. ຈາກນັ້ນ, ບັນດາທ່ານຜູ້ສະໝັກ ສສຊ ກໍໄດ້ສະເໜີປະຫວັດໂດຍຫຍໍ້ ກ່ຽວກັບການເຄື່ອນໄຫວ ແລະ ໜ້າທີ່ຄວາມຮັບຜິດຊອບ ໃນແຕ່ລະໄລຍະ ແລະ ຄວາມມຸ້ງຫວັງ, ແນວຄວາມຄິດຂອງຕົນເອງ ທີ່ຈະນຳພາສ້າງສາພັດທະນາແຂວງຜົ້ງສາລີ ໃນຕໍ່ໜ້າໃຫ້ມີຄວາມຈະເລີນ ຮຸ່ງເຮືອງສີວິໄລ. ພ້ອມກັນນັ້ນ ຜູ້ຮັບສະໝັກເປັນສະມາຊີກສະພາແຫ່ງຊາດ ຊຸດທີ X ປະຈໍາເຂດເລືອກຕັ້ງທີ 2 ແຂວງຜົ້ງສາລີ ຍັງໄດ້ໃຫ້ຄໍາໜັ້ນສັນຍາວ່າ: ຖ້າຫາກໄດ້ເລືອກເຂົ້າເປັນສະມາຊີກສະພາແຫ່ງຊາດທີ X ແມ່ນພ້ອມແລ້ວທີ່ຈະປະຕິບັດຕາມສິດ ແລະ ໜ້າທີ່ ພາລະບົດບາດຂອງຕົນເອງໃນຖານະເປັນຕົວແທນແຫ່ງສິດຜົນປະໂຫຍດຂອງປະຊາຊົນ ແລະ ຈະນຳເອົາບັນດາບັນຫາຕ່າງໆຂອງປະຊາຊົນຢູ່ທ້ອງຖີ່ນສະເໜີຕໍ່ກອງປະຊຸມສະພາແຫ່ງຊາດແຕ່ລະສະໄໝ. ທັງໄດ້ເຊີນຊວນໃຫ້ ຜູ້ມີສິດເລືອກຕັ້ງ ພ້ອມພາກັນອອກໄປໃຊ້ສິດປ່ອນບັດເລືອກຕັ້ງເອົາສະມາຊິກສະພາແຫ່ງຊາດ ແລະ ສະພາປະຊາຊົນແຂວງ ໃນວັນທີ 22 ກຸມພາ 2026 ໃຫ້ເປັນຂະບວນຟົດຟື້ນ, ຮັບປະກັນໃຫ້ການເລືອກຕັ້ງ ສສຊ ຊຸດທີ X ບັນລຸຜົນສໍາເລັດຕາມລະດັບຄາດໝາຍ 400% ທີ່ວາງໄວ້.
 |
ສຳລັບ 5 ບ້ານດັ່ງກ່າວ, ມີພົນລະເມືອງທັງໝົດ 2,258 ຄົນ ຍິງ 1,154 ຄົນ. ໃນນີ້, ຜູ້ມິສິດປ່ອນບັດເລືອກຕັ້ງທັງໝົດ 1,962 ຄົນ ຍິງ 831 ຄົນ.
(ພາບ - ຂ່າວ: ແສງຄຳ ສາລີວັນ)
ຄໍາເຫັນ