 |
ໂອກາດດັ່ງກ່າວ, ຄະນະຮັບຜິດຊອບການເລືອກຕັ້ງ ໄດ້ສະເໜີລາຍຊື່ຜູ້ສະໝັກຮັບເລືອກຕັ້ງສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 18 ແຂວງໄຊສົມບູນ ຄະນະທີ1 ຊຶ່ງນໍາໂດຍ ທ່ານ ມອນໄຊ ລາວມົວຊົ່ງກໍາມະການສູນກາງພັກຮອງປະທານສູນກາງແນວລາວສ້າງຊາດ, ຜູ້ສະໝັກເລືອກຕັ້ງນໍ້າເບີທີ 1 ພ້ອມດ້ວຍຄະນະຜູ້ແທນທັງໝົດ ຈໍານວນ 5 ທ່ານຍິງ 1 ທ່ານ. ໃນໂອກາດລົງໂຄສະນາຫາສຽງ ແລະ ສະເໜີໂຕ ຕໍ່ຜູ້ມີສິດເລືອກຕັ້ງຢູ່ຕາແສງພູກະທະ ຄັ້ງນີ້, ຜູ້ສະໝັກທັງ 5 ທ່ານ ໃນຄະນະທີ 2 ໄດ້ຜັດປ່ຽນກັນຜ່ານຊີວະປະຫວັດຫຍໍ້ ແລະ ຜົນງານການເຄື່ອນໄຫວທີ່ໂດດເດັ່ນຂອງຕົນໃນໄລຍະຜ່ານມາ ໃຫ້ປະຊາຊົນໄດ້ຮັບຊາບ ພ້ອມທັງສະເໜີແຜນການເຄື່ອນໄຫວ ແລະ ຄໍາໝັ້ນສັນຍາໃນການປະຕິບັດໜ້າທີ່ການເມືອງ.ຖ້າຫາກໄດ້ຮັບຄວາມໄວ້ວາງໃຈເລືອກຕັ້ງໃຫ້ເປັນສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 18 ແຂວງໄຊສົມບູນ ເພື່ອເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນລາວບັນດາເຜົ່າ ພ້ອມທັງຮຽກຮ້ອງໃຫ້ປະຊາຊົນ ຈົ່ງໄປໃຊ້ສິດເລືອກຕັ້ງເອົາຜູ້ແທນໃຫ້ບັນລຸຕາມຄາດໝາຍທີ່ວາງໄວ້ ໂດຍຕັດສິນໃຈເລືອກເອົາບຸກຄົນທີ່ມີຄວາມຮູ້-ຄວາມສາມາດ ເຂົ້າໄປເຮັດໜ້າທີ່ຕົວແທນໃຫ້ແກ່ປະຊາຊົນໃນສະພາ ໃຫ້ມີຄວາມເຂັ້ມແຂງ ເວົ້າສະເພາະເພື່ອພັດທະນາ ແຂວງໄຊສົມບູນ ໃຫ້ຮຸ່ງເຮືອງສີວິໄລ.
 |
(ຂ່າວ: ຈິນລະວອນ ວໍລະສົມບູນ)
ຄໍາເຫັນ