 |
ເມືອງໄຊບົວທອງ, ກໍານົດເອົາ 30 ຈຸດປ່ອນບັດ, ຜູ້ມີສິດປ່ອນບັດ 18 ປີ ຂຶ້ນໄປຈໍານວນ 19,098 ຄົນ ຍິງ 9,293 ຄົນ. ສໍາລັບຈຸດເຄື່ອນໄຫວຫາສຽງໄດ້ຈັດເປັນ 3 ຈຸດ, ໃນພາກເຊົ້າ ແມ່ນໄດ້ຈັດຂຶ້ນ ຢູ່ສະໂມສອນຂອງເມືອງ ແລະ ອີກ 2 ຈຸດ ແມ່ນຈັດຂຶ້ນໃນຕອນບ່າຍ ທີ່ບ້ານ ປ່າກ້ວຍດົງ ແລະ ບ້ານ ນາພ້າວ. ໃນແຕ່ລະຈຸດບັນດາທ່ານຜູ້ສະໝັກໂດຍເລີ່ມແຕ່ນໍ້າເບີ 1 ຫາ ນໍ້າເບີ 14 ແມ່ນໄດ້ຜັດປ່ຽນກັນນໍາສະເໜີຜົນງານການປະຕິບັດໜ້າທີ່ຂອງຕົນໃນຜ່ານມາ ແລະ ສະແດງວິໃສທັດແນວທາງໃນການຮັບໃຊ້ປະຊາຊົນຕໍ່ຜູ້ມີສິດປ່ອນບັດ, ເພື່ອສ້າງຄວາມຮັບຮູ້ ແລະ ເຂົ້າໃຈຢ່າງຈະແຈ້ງ ໂດຍສະເພາະກ່ຽວກັບທາດແທ້ຂອງລະບອບການເມືອງ ພາຍໃນປະເທດ ແລະ ຄວາມຮຽກຮ້ອງຕ້ອງການທາງດ້ານໂຄງປະກອບການຈັດຕັ້ງ ບຸກຄະລາກອນ ສສຊ ຊຸດທີ X , ເປັນການເປີດໂອກາດໃຫ້ຜູ້ມີສິດເລືອກຕັ້ງໄດ້ຮູ້, ໄດ້ເຫັນ, ໄດ້ສໍາພັດຕົວຈິງ ກັບຜູ້ສະໝັກຮັບເລືອກຕັ້ງ ແລະ ກໍາໄດ້ຊີວະປະຫວັດການເຄື່ອນໄຫວວຽກງານ ຂອງຜູ້ສະໝັກຮັບເລືອກຕັ້ງ, ພ້ອມນີ້ ບັນດາຜູ້ສະໝັກໄດ້ຮຽກຮ້ອງໃຫ້ຜູ້ມີສິດເລືອກຕັ້ງເມືອງໄຊບົວທອງ ຈົ່ງຍົກສູງຄວາມຮັບຜິດຊອບໃນການໄປໃຊ້ສິດ ຮ່ວມຈິດຮ່ວມໃຈເຂົ້າຮ່ວມຂະບວນການເລືອກຕັ້ງ ໃນວັນອາທິດທີ 22 ກຸມພາ 2026 ທີ່ຈະມາຮອດນີ້ ໃຫ້ກາຍເປັນປາງບຸນໃຫຍ່ຂອງຊາດ, ເລືອກໄດ້ຜູ້ສະໝັກທີ່ມີມາດຕະຖານເງື່ອນໄຂຄົບຖ້ວນ, ມີຄວາມຮູ້-ຄວາມສາມາດ, ມີວິໄສທັດທີ່ກວ້າງໄກ ເພື່ອມາເປັນຕົວແທນໃຫ້ປະຊາຊົນ ເຂົ້າໄປຢູ່ໃນສະພາແຫ່ງຊາດ ແລະ ສະພາປະຊາຊົນແຂວງ.
 |
ເຂດເລືອກຕັ້ງທີ 12 ແຂວງຄໍາມ່ວນມີຜູ້ລົງສະໝັກຮັບເລືອກຕັ້ງຈຳນວນ 14 ທ່ານ ຍິງ 3 ທ່ານ, ເລືອກເອົາ 10 ທ່ານ.
(ຂ່າວ: ມະນີວັນ)
ຄໍາເຫັນ