ໂດຍໄດ້ສະແດງຄວາມເຫັນດີເຫັນພ້ອມ ຕໍ່ການສະຫຼຸບຕີລາ ຄາໝາກຜົນແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກເມືອງ ກໍຄືມະຕິ VIII ຂອງອົງຄະນະພັກແຂວງ ແລະ ມະຕິ XI ຂອງພັກ ເປັນຕົ້ນແມ່ນ ການພັດທະນາເສດຖະກິດ-ສັງຄົມ, ການລົງກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ, ແກ້ໄຂຄວາມທຸກຍາກ ແລະ ວຽກງານອື່ນໆອີກຈໍານວນໜຶ່ງ. ບັນດາຜົນສໍາເລັດທີ່ບັນລຸໃນ 5 ປີ ຜ່ານມາ ໄດ້ສ້າງພື້ນຖານ ແລະ ທ່ວງທ່າອັນໃໝ່ ໃຫ້ເມືອງຊຽງເງິນ ສືບຕໍ່ພັດທະນາຖືກຕ້ອງຕາມທິດທາງ ແລະ ຈຸດໝາຍທີ່ວາງໄວ້. ທັງໄດ້ຮັບຮອງເອົາຂໍ້ສະຫຼຸບ 5 ປະການ ຊຶ່ງເປັນບົດຮຽນທີ່ຖອດຖອນໄດ້ ຈາກພຶດຕິກໍາ ແຫ່ງການນໍາພາຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງ VI ຂອງອົງຄະນະພັກເມືອງ ແລະ ຜົນງານ 40 ປີ ແຫ່ງການປ່ຽນແປງໃໝ່ ຢູ່ເມືອງຊຽງເງິນ ແລະ ກໍານົດເອົາທິດທາງລວມ ແລະ 7 ຄາດໝາຍສູ້ຊົນຕົ້ນຕໍ ແຕ່ປີ 2025-2029. ພ້ອມນັ້ນ ໄດ້ຮັບຟັງການລາຍງານ ກ່ຽວກັບແຜນພັດທະນາເສດຖະກິດ-ສັງ ຄົມ 5 ປີ (2025-2029) ແລະ ໄດ້ສະແດງຄວາມເຫັນດີເຫັນພ້ອມ ແລະ ສະໜັບສະໜູນ ແຜນພັດທະນາເສດຖະ ກິດ-ສັງຄົມດັ່ງກ່າວ, ຊຶ່ງແມ່ນແຜນຜັນຂະຫຍາຍມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກເມືອງ ໃຫ້ເປັນແຜນງານ, ໂຄງການ; ໃນນັ້ນ ໄດ້ກໍານົດອອກ 6 ເປົ້າໝາຍໃຫຍ່ ເພື່ອສືບຕໍ່ປະຕິບັດແຜນພັດທະນາເສດ ຖະກິດ-ສັງຄົມໃຫ້ຂະຫຍາຍຕົວ ຢ່າງຕໍ່ເນື່ອງ ແລະ ປະກົດຜົນເປັນຈິງ. ຈາກນັ້ນ, ໄດ້ພ້ອມກັນໃຊ້ສິດ ປະຊາທິປະໄຕ ຂອງຕົນ ປ່ອນບັດເລືອກຕັ້ງເອົາຄະນະບໍລິຫານງານພັກເມືອງ ຊຸດທີ VII ແລະ ປ່ອນບັດເລືອກເອົາຜູ້ແທນ ໄປຮ່ວມກອງປະຊຸມໃຫຍ່ຂອງອົງຄະນະພັກແຂວງ. ຜ່ານການປ່ອນບັດ ແລະ ດຳເນີນກອງປະຊຸມຄັ້ງປະຖົມມະລຶກ ໄດ້ເປັນເອກະສັນກັນ ເລືອກເອົາຄະນະປະຈຳພັກເມືອງ 9 ສະຫາຍ, ໃນນັ້ນ ໄດ້ເລືອກເອົາ ສະຫາຍ ສົມແວວເພັດ ດວງປະສິດ ເປັນເລຂາຄະນະບໍລິຫານງານພັກເມືອງ, ສະຫາຍ ບຸນເພັດ ພູນຜົນ ແລະ ສະຫາຍ ພູເງິນ ອຸດສະຫະ ເປັນຮອງເລຂາ, ສະຫາຍ ເພັດລະຄອນ ໄຊຍະຈັນ ເປັນປະທານກວດກາພັກເມືອງ.
ສະຫາຍ ຄໍາຂັນ ຈັນທະວີສຸກ ກໍາມະການສູນກາງພັກ ເລຂາຄະນະບໍລິຫານງານພັກແຂວງຫຼວງພະບາງ; ໄດ້ຮຽກຮ້ອງໃຫ້ຄະນະບໍລິຫານງານພັກເມືອງຊຸດໃໝ່ ສືບຕໍ່ເສີມຂະຫຍາຍດ້ານດີທີ່ຕັ້ງໜ້າ ແລະ ປັບປຸງແກ້ໄຂຂໍ້ຄົງຄ້າງແຕ່ລະດ້ານໃຫ້ໝົດໄປ; ຮຽກຮ້ອງໃຫ້ຄະນະບໍລິ ຫານງານພັກເມືອງຊຸດໃໝ່ ສືບຕໍ່ນໍາພາ-ຊີ້ນໍາ ໃນການຈັດຕັ້ງຜັນຂະຫຍາຍ ແລະ ປະຕິບັດມະຕິກອງປະຊຸມໃຫຍ່ອົງຄະນະພັກເມືອງຊຸດນີ້ ໃຫ້ເຂົ້າສູ່ຊີວິດຕົວຈິງ ແລະ ມີຜົນສໍາເລັດ ຕາມລະດັບຄາດໝາຍ.
(ແຫຼ່ງຂ່າວ: ແຂວງຫຼວງພະບາງ)
ຄໍາເຫັນ